السلام عليكم ورحمة الله وبركاته
بسم الله
فى كذا موقف مختلفين مع شخصيات مختلفة سالت نفسى سؤال واحد ... كان هيحصل ايه ....!
لو روحت اول ما شوفتها وقولتلها انى معجب جدا بها ...!
لو كتبتلها بخط كبير جدا وقولتها اه انا معجب بيكى !!
لو كنت جرئ اكتر من كدا ؟
عملت اللى فى دماغى وقلبت وشى وبقيت ناشف معاهم .......
لو بقيت بدماغى ونفض للناس خالص ...!
لو كنت زيهم متماسك وفضلت على موقفى كدا
لو غيرت حياتى خالص خالص بجد ॥
وبعد كل دا
هو انا ليه بردهع بلف فى نفس الحلقة المفرغة .... ليه دايما الناس شايفانى افضل من اللى انا شايفه ... ليه بقيت باهت اوى كدا ॥
انا ... الحقيقة المرة اللى مش قادر اواجه نفسى بها ॥ او بمعنى اصح مش قادر اخليها فى الواقع ... برتاح لما بحس انى بقيت مسلم بجد ॥ لما بمشى فى الشارع واول لما المح بنت اودى وشى الناحية التانية .... اول لما بحس ان ربنا معايا بطير وبفرح بنبسط اوى لما بحس انى ماشى صح
بحب اوى احس انى بعد عن كل ما هو حرام ॥ بس مش عارف انجح ॥ ايوة بجد مش عارف انجح ... يعنى ساعات بحس انى عالة على دينى
انا بقالى فترة كبيرة تايه ॥ وكل مرة برجع وافوق اتوه تانى
كنت صريح اوى مع نفسى للدرجة انى قولت بصراحة فعلا محتاج حد يكون متماسك اوى ....!
الايام اللى جاية احتمال حاجات كتيرة تتغير
انا حسيت انى مش ناجح فى شغلى ... الشغل محتاج حاجات كتيرة ....! انا مش هقدر اعملها
العجز الحقيقى بيكون من جوايا .... انا اللى عملت كدا فى نفسى ... ليه بكسل وليه بهمل فى كل حاجة
انا مهمل درجة اولى
لممممممممممممممممممممم
انا مش مهم انا كسول ... لا والله انا بس ممكن اكون من النوع اللى بيتحرج । مش بحرج احرج اللى ادامى ... ودى مشكلة
اى مش عارف ايه اللى اتكتب بس اهو كلام جوايا وخلاص
اه صحيح ॥ انا فى الشغل ॥ خلصت وقفلت واعد برة .... عمال اكتب ..... دلوقتى على توقيت اللاب توب १०:५८
اه صحيح ... انا جبت لاب توب .... نياهاهاها .... بقاله معايا تقريبا ३ اسابيع
يلا كفاية كدا ... ولو روحت البيت وقدرت اكتب تانى هكتب ...
ملحوظة ... اكتشفت ان الوقت اللى باخده فى تصليح اخطائى يفوق الوقت اللى لو كنت اتهديت شوية وركزت ما كونتش غلط ....
غباااااااااااااااااااااااااااااااااااااااااااااااااااااااء
وكل شئ اتغير
بسم الله
فى كذا موقف مختلفين مع شخصيات مختلفة سالت نفسى سؤال واحد ... كان هيحصل ايه ....!
لو روحت اول ما شوفتها وقولتلها انى معجب جدا بها ...!
لو كتبتلها بخط كبير جدا وقولتها اه انا معجب بيكى !!
لو كنت جرئ اكتر من كدا ؟
عملت اللى فى دماغى وقلبت وشى وبقيت ناشف معاهم .......
لو بقيت بدماغى ونفض للناس خالص ...!
لو كنت زيهم متماسك وفضلت على موقفى كدا
لو غيرت حياتى خالص خالص بجد ॥
وبعد كل دا
هو انا ليه بردهع بلف فى نفس الحلقة المفرغة .... ليه دايما الناس شايفانى افضل من اللى انا شايفه ... ليه بقيت باهت اوى كدا ॥
انا ... الحقيقة المرة اللى مش قادر اواجه نفسى بها ॥ او بمعنى اصح مش قادر اخليها فى الواقع ... برتاح لما بحس انى بقيت مسلم بجد ॥ لما بمشى فى الشارع واول لما المح بنت اودى وشى الناحية التانية .... اول لما بحس ان ربنا معايا بطير وبفرح بنبسط اوى لما بحس انى ماشى صح
بحب اوى احس انى بعد عن كل ما هو حرام ॥ بس مش عارف انجح ॥ ايوة بجد مش عارف انجح ... يعنى ساعات بحس انى عالة على دينى
انا بقالى فترة كبيرة تايه ॥ وكل مرة برجع وافوق اتوه تانى
كنت صريح اوى مع نفسى للدرجة انى قولت بصراحة فعلا محتاج حد يكون متماسك اوى ....!
الايام اللى جاية احتمال حاجات كتيرة تتغير
انا حسيت انى مش ناجح فى شغلى ... الشغل محتاج حاجات كتيرة ....! انا مش هقدر اعملها
العجز الحقيقى بيكون من جوايا .... انا اللى عملت كدا فى نفسى ... ليه بكسل وليه بهمل فى كل حاجة
انا مهمل درجة اولى
لممممممممممممممممممممم
انا مش مهم انا كسول ... لا والله انا بس ممكن اكون من النوع اللى بيتحرج । مش بحرج احرج اللى ادامى ... ودى مشكلة
اى مش عارف ايه اللى اتكتب بس اهو كلام جوايا وخلاص
اه صحيح ॥ انا فى الشغل ॥ خلصت وقفلت واعد برة .... عمال اكتب ..... دلوقتى على توقيت اللاب توب १०:५८
اه صحيح ... انا جبت لاب توب .... نياهاهاها .... بقاله معايا تقريبا ३ اسابيع
يلا كفاية كدا ... ولو روحت البيت وقدرت اكتب تانى هكتب ...
ملحوظة ... اكتشفت ان الوقت اللى باخده فى تصليح اخطائى يفوق الوقت اللى لو كنت اتهديت شوية وركزت ما كونتش غلط ....
غباااااااااااااااااااااااااااااااااااااااااااااااااااااااء
وكل شئ اتغير
4 اكـــــــــــــــــتب رايـــــــك:
وعليكم السلام ورحمة الله وبركاته
المقال جميل المرادي ودا كالعادة يعني
وكالعادة هرد باستفاضة
كتير الواحد بيقعد يراجع نفسه وهو ايه اللي كان هيحصل لو عملت وعملت وبالذات بقى لما بحس ان اللي عملته دا مكنش المفروض اعمله بعلق لنفسي المشنقة كل يوم قبل النوم لازم المشنقة دي تتعلق لما كرهت نفسي بجد بس بحاول ابطل الخصلة الهباب دي لأني قرفت
لما الناس تبقى شيفاك أحسن مما انت عليه أحسن ما تبقى شيفاك أوحش لأن دا هيديك دافع انك تبقى عند حسن ظنهم وهي دي الخطة الشريرة اللي انا بمارسها مع الأطفال في الحضانة " أنا عارفة انك شاطر ومش ممكن تعمل حاجة زي دي" الجملة دي بقولها وأنا متأكدة وعارفة انه عمل الحاجة اللي انا بقوله اني عارفة انه معملهاش
ربنا يريح قلبك كمان وكمان وينفع بيك دينك ودنيتك ويصلح أعمالك
أنا برضه بحاول اغير من نفسي مرة في مرة كنت زمان بكتفي اني مرميش حاجة في الشارع بعد فترة بقيت أعنف صحباتي لما يرموا حاجة في الشارع بعدها بقيت أتنح وأصمم انهم يشيلوا اللي رموه ولسة من فترة قليلة قررت ان أنا اللي اشيل اللي الناس اللي معرفهاش رمته الموقف دا حصل وانا راجعة من كورس وشوية عيال أكلوا آيس كريم ورموا العلب في الشارع وفضلوا يشوطوها برجلهم في نص الشارع وسط العربيات بصراحة انا اتحرق دمي امت رحت في وسط الشارع ولميت العلب وحطيتها جنب الرصيف لأنها مكنتش نضيفة خالص ومكنش هينفع امشي بيها لحد ما الاقي صندوق زبالة بس أحرجتهم بجد ومنهم اللي هزأ زمايله والتاني اللي فضضل يقول والله العظيم انتي محترمة قوي حسيت انهم مش ممكن يكرروها تاني الحركة دي
بلاش القناعات السلبية دي اقنع نفسك انك تقدر وتعالى على نفسك قوي انا بجد كل ما اتخيل ان أنبغ نابغة مبيستخدمش من مخه غير 10% بس من قدرته على التفكير بحس اني لأ انا اقدر أعمل أكتر من كدا بكتير أنا ممكن آجي على نفسي وأوصل ولو معملتش كدا دلوقتي هعمله امتى؟ ربنا مديني قدرات عالية بس انا اللي مش عاوزة أشوفها واستخدمها لما بفكر كدا بلاقي نفسي فعلا طلعت نتائج حلوة قوي أحسن من تخيلي
كونك تتوه وتفوق وتتوه تاني احسن من اللي تايه على طول الخط ومش عارف اصلا انه تايه
ربنا يغيرك للأحسن والأفضل دايما نحن واياكم
طول ما الحاجات اللي محتاجها الشغل مفيهاش حاجة حرام يبقى انطلق وحاول تعرف اللي متعرفوش وتعمل اللي مبتعملوش
دي برضه مشكلة عملالي كلكوعة وهي اني مبحبش احرج الناس بس المشكلة اللي عاوزة اكتبها بخط كبير ان ناس كتير قوي معندهاش دم أصلا ومتستاهلش التضحية بس برضه مبقدرش اصدهم
وااااااااو ألف مبروك ربنا يباركلك فيه يا رب وعقبالي بقى
وأنا بتكلم قبل مانزل الشغل ربنا يسهل بقى والحق أكمل مذاكرة عشان عندي امتحان انترنت بعد الحضانة
والانسان لازم بيتعلم من أخطائه علشان النقطة دي بالذات لو مكنتش أخطأت كنت وفرت
في النهاية مبدأ بحب أمشي به في الحياة وبيريحني كتير قوي
امشي عدل يحتار عدوك فيك، واللي يمسكني من ايدي اللي بتوجعني أقطعها واديهاله.
اممممممممممم على فكرة دى المرة التالتة اللى بكتب فيها الرد
عااااااااااااااااااااا
بسم الله
بصى يا ميس .. مشعايزين تثبيت المقال المرادى كويس ماشى .. لكن كالعادة .. يبقى كدا تثبيت
اه فعلا انا كمان بعانى اوى الموضوع دا بجد .. بس هنعمل ايه بقى ... يلا خير خير الموضوع دا على فكرة اوفر جدا ان الواحد يفضل يعاتب نفسه على كل حاجة يارب استرها يارب
عارفة المشكلة بقى فى دا .. ان الواحد مش عارف هو فعلا يستحق دا ولا لا ....! ان الناس يشوفوا الواحد حاجة بس انا مش حاسس انى كدا
اللهم امين يارب .. بس عارفة مش دا بس الى انا عايزه ... انا عايز اكتر من كدا بكتير وادينى بحاول اهو ويا كريم يا رب ..
يا ميس كدا بيعاكسوا ...!! هههههه
اممممم ان شاء الله احاول بجد ان فعلا اظبط نفسى اكتر وابذل مجهود اكتر واكتر
ما هو انا زهقت من الموضوع دا التوهان والرجوع رجوع وتوهان لما زهقت ... يارب رحمتك
اللهم امين
عندك حق ... ان شاء الله هحاول بجدية اكتر عشان اقدر اوصل
الخجل من الاجراج دا عاملى مشكلة .. بس على راى اللى قال
اللى يصعب عليك يفقرك
هههههههههه مش عايز نق بقى ها
وربنا معاكى يارب وتجيبى احسن كمان
ياريت اقدر اعمل كدا فعلا هرتاح كتييييييييييير اوى اوى فعلا بجد
ميس بجد اشكرك على ردك الجامد دا تستاهلى عليه عشرة على عشرة ونجمة
أيوة أيوة الامتحان اهو
الحمد لله عديته وعديت بعده إكسل كمان وربنا يقدرني ويوم التلات أخلص الآي تي والأكسس
جدعة يا ميس
لتل نش عار ف دلوقتى ايه الاخبار بس يارب يارب تكونى فى افضل حال وبخير دايما يارب .. وهدعيلك ان شاء الله تعالى
إرسال تعليق