يعنى ايه غذاء امن! 5

نكمل بقى بص يا عم انت وهو سمعت عن حاجة اسمها السموم الفطرية !

اقولك السموم الفطرية دى بتكون نتيجة لنمو الفطريات على الطعام !

اه قولت لكم ان العفن الابيض علاجه ... يمسح
العفن الاخضر ...يقشر
العفن الاسود ... يعدم

اقولك بقى احسن حاجة اى اكل يحصل فيه عفن تخلص منه وريح دماغك احسن ياعم .. الحاجات اللى فوق دى عايزة ناس ذو تخصص

الفيروسات :

كائنات دقيقة .. ما تتنصحش مش هتتشاف بالعين يعنى ... اه لا تنمو على الطعام ... لكن على خلية حية !

بص بقى الفيروسات اللى بتتنقل اهو بتتنقل يا فلحوظ عارف هتقولى انت مش قولت مالهاش علاقة بالاكل ... ادينى قولت بتنقل
الالتهاب الكبدى أ..هـ a..e

ما فيش كلام كتير عن الفيروسات لو عندكم اسئلة هبقى اجاوب عليها

البكتريا :

انا عارف انكوا مليتوا بس بجد الموضوع مهم

متحوصلة ... لا تتاثر بحرارة الطهى ولا المطهرات :

• التسمم الممبارى ... الفسيخ
  

• المطثية الحاطمة ... فى الاطعمة الملوثة بالورث
  

• البكتريا العصوية ... فى الارز
  

لا متحوصلة .... تتاثر بالحرارة بتاعت الطهى والمطهرات

• السالمونيلا

• الاى كولاى
  

• البكتريا السبحية
  

• البكتريا العنقودية الذهبية المجلطة للبلازما
  

هوائية ... يعنى فى وجود هواء ... فاكر يا عم fattom ايوة الله ينور عليك فاكر لما قولت الهواء ومش الهواء اهو ياعم

• السالمونيلا
  

• الاى كولاى
  

• البكتريا العصوية
  

لا هوائية .... فى عدم وجود الهواء

• التسمم الممبارى
  

• الماطثية الحاطمة
  

دا بس كان مهم للتوضيح

ان شاء الله بقى هوضح شوية بكتريا كدا على الماشى عشان تعرف كم معلومة كدا عن البكتريا المسببة للتسمم الغذائى اجهزوا بقى يا معلمين بجد الجزء دا مهم ان شاء الله تعالى