بسم الله الرحمن الرحيم
السلام عليكم ورحمة الله وبركاته
الوقت مش بيتجسب ساعات بالدقايق والساعات ... ساعات بتكزون حساباتنا مختلفة شوية ساعات بالاحداث وكل واحد بيكون عاقد حاجات كتيرة على التوقيت اللى حدث ما حصل فيه او هيحصل ... وهكذا
ياااااااااااااه .. بقالى فترة مشتت تماما وبفكر فى الف حاجة فى وقت واحد ومش عارف اوصل لقرار حاسم وبجد وبينى وبينكم خايف .. هو فى حد مش مضايق من مجاله ! بس هو المفروض فى الوقت دا اعمل ايه ؟ يارب يكون الجاى خير يارب
انا بحب اوى موسيقى حرامية فى كى جى 2 .. ومش عارف ليه ؟ بحس براحة وبحزن وبامل بحس ان ممكن حاجات حلوة تحصل فى اسوء ظروف مهما كان ... بحس ان المستحيل وهم .. وان الحاجات اللى بجد مش محتاجة اكتر اننا نصدقها بجد !
هو ليه مطلوب منى اكون متسامح ومحدش بيسامحنى .. مطلوب اغفو عن غلطات الغير والغير مش بيغفو عن غلطاتى .. هو انا لازم ارضى الغير والغير دا مش بيرضينى ! هل المفروض اسامح اللى خانى وسابنى ... اللى قالى اولع ولا حتى فرقت معه ! المفروض اكون ايه ! مجرد احتياطى لما يفضى الناس تبقى تسال وتعبر .. تبقى تعرف هو فى ايه ! اسف ..
من 3 ثانوى لفترة قريبة بقوم واقع .. كل شئ اتغير واتلخبط .. ولما احسن انى بتحسن .. تحصل حاجة بحس انى برجع بها لنقطة الصفر .. بتغير وبتحسن وارجع تانى للصفر ! وفضلت كدا ووانا عمال اتارجح ورايح جاى .. ولما بصدق حد اوى ولما بحس انه ممكن ... بلاقى نفسى فى وسط الطريق لدرجة تخلينى احزن ! من قريب اتسالت الاسئلة اللى كنت على طول بهرب من انى اواجه بيها نفسى حتى ... عرفت ان التقصير كان كله من عندى .. وبمجرد لما عرفت ان السبب هو انا ! زعلت اوى .. بجد حزنت على نفسى ! الحمد لله
الحلم ... انا مشعندى حلم .. حلمى ضاع مع الكلية العقيمة اللى دخلتها .. بجد يا خسارة ... انا مش هقدر اكمل ... فين الحلم اللى اقدر اكمل به !
حتى الحلم اللى كنت شايفه بعيد ولماقرب بعد تانى .. ! يا ترى هل ممكن فعلا يكون ليا حلم اسعى وراه !
بحب اوى الهدوء ... بحب اوى الحزن اللى يولد بعد منه فرح ... الشروق رائع ... والغروب رائع ... انا مش قلبى حجر ! انا لما بحب بحب بجد .. عشان كدا بزعل بجد !
بحب الاطفال .. بحب انكشهم .. بحب اوى اغيظه ويغظنى بوت اوى فى المعيلة !
مش خايف .. اه مش خايف .. من كتر ما بقيت بخاف خلاص قلبى بطل يخاف ... شكرا لكل اللى حصل
النهاية مش شرط تكون سعيدة عشان الجمهور يصقف والانوار تضئ .. والهروب مش حل ... والخوف مش حل .. مش هتنزل الستارة على النهاية اللى انتوا شايفنها .. !!
اللى بيحب حد مش بيحبه لانه اجمل واحد ولا عشان هو اغنى واحد ولا لانه هو الافضل على الاطلاق احنا بنحب حد لاننا بس حبنه بكل ما فيه .. حتى بعيوبه
قرار واحد وتتغير الحياة !
2 اكـــــــــــــــــتب رايـــــــك:
وعليكم السلام ورحمة الله وبركاته
أعتقد أنني الآن مستعدة لأكون آدمن لو لازالت الفكرة قائمة لديك
تمام يا فندم .. تم عمل اللازم
إرسال تعليق