يعنى ايه غذاء امن! 3

الحرارة = temperature

ودا بقى اخطر حاجة ... بص يا عم انت وهو كدا وركز معايا

سمعت عن ال TDZ ايه بقى دا دا عبارة عن temperature dangerous zone ودا بقى ايه .. اسمه منطقة درجة الحرارة الخطرة

المنطفة دى هى المنطقة المثالية لنمو البكتريا يعنى لما تكون درجة الحرارة فى المنطقة اللى هقولك عليها البكتريا بتلعلع وتعمل احلى شغل

140 f	63 c
40 f	5 c

ايه بقى الكلام دا ....

الاكل لما بتسخنه فوق ال 63درة مئوية او 140 درجة فرنهايت ... البكتريا بتموت
الاكل لما يتبرد تحت ال 5 درجات مئوية او 40 درجة فرنهايت .... البكتريا نشاطها بقل

ويفضل كدا يقل يقل يقل لغاية لما يوصل الى 18- درجة مئوية او صفر فرنهايت وساعتها النشاط البكتيرى بيقف خالص .. بيقف مش بتموت ها اصحى معايا كدا

عشان كدا التلاجة بتاعت البيت لازم تكون درجة حرارتها من 1 : 4 درجة مئوية

خلاص فهمنا بقى

الاوكسجين = oxygen

دا بقى حاجة كدا مش هتخصنا اوى ... بس لازم نعرفها برده

بيقولك ان البكتريا .. فى منها هوائية ولا هوائية .... فيبقى الحل ايه بقى يا ناصح .. اكيد يعنى الهوائية نمنع عنها الهواء .. واللاهوائية نضرب فى وشها الهواء

الكلام دا مش هيفيد ست البيت اوى .. يفيد اكتر المصانع

الرطوبة = moisture

بصوا بقى حلو الموضوع دا برده .. مهم ومش مهم يعنى ايه يا حلويين يعنى ركزوا كدا

بيقولك الرطوبة فى منها نسبى .. ودا اللى موجودة فى الهواء .. اللى هويقولك الرطوبة النهاردة مش ممكن خليت الواحد يعرق

بيقولك ان المفروض لماتيجى تخزن الرز والمكرونة .. اللى هو يعنى المخزن الجاف تكون الرطوبة 60%

بس الطعام بقى ليهبرده رطوبة .. اسمها النشاط المائى يعنى ايه بقى بيقولك ان المفروض تكون الرطوبة فى الطعام 63% خلى بالك كدا وركز

الرطوبة اللى فى الجو 60% لكن اللى جوة الاكل 63% ليه بقى .. عشان لو الرطوبة اللى جوة الاكل اقل من الى حواليها .. الطعام هياخد من اللى حواليه فتلاقى الاكل باظ وعفن وضرب يا معلم

تمام كدا

كدا شرحنا العوامل التى تؤثر على نمو البكتريا .. استفدوا حاجة .. اتمنى

لسه فى شوية حاجات تانية محتاجين نتكلم فيها برده

وان شاء الله هكمل لغاية مااخلص