يعنى ايه غذاء امن! 4

ندخل بقى ونقول انت تعرف ايه هى انواع التلوث التى تصيب الاطعمة !

ها بقى نقول ماشى ... ركز كدا ثوانى

التلوث يا فزيائى ( طبيعى ) : زلط .. رمل ..شعر .. اظافر ... سلك .. خيط .. الخ ... تمام كدا فهمتوا
التلوث الكيميائى : منظفات ... مطهرات ... مبيدات حشرية
تلوث بيولوجى ( حيوى ) : طفيليات ..فطريات ... بكتريا .. فيروسات

هقولكم بقى طيعا النوعيين الالوانيين مش محتاجين شرح اساسا صح .. هعتبركم قولت صح
المشكلة فى البيولوجى

الطفيليات :

الديدان الشريطية

فى لحوم البقر ... طولها 3-5 :15 متر .. ما تخافش كدا طولها كدا اعملكم ايه بقى ! الشخص المصاب بالديدان دى يفرز 50*(10 اس 6 ) بيضة خلال شهر من اصابته

الشخص نفسه ممكن ينقل العدوى ليه مرة تانية .. لانه مش مراعى النظافة الشخصية !وطبعا ما ننساش اللحوم المصابة اساسا وما اطبختش كويس

هتلاقى بقى ايه اللى يحصلك اسهال فقدان وزن تخس يعنى التهاب الزائدة الدودية ... وساعات اعراض عصبية

فى لحوم الخنازير ... اه مصر والله فيها خنازير وبتدبح وبتتاكل بالهنا والشفا

طول الدودة من 2:5 متر المصاب بقى بيفرز 300000بيضة كل يوم بالشفا
طبعا هتجيلك منيين يا ناصح عشان النظافة الشخصية يا معلم اللى انتى منفضلها ... واللحمة المصابة وما اطبختيش كويس

خد بالك من دى بقى بيقولك ايه بقى بيقولك انها بتهاجر من الامعاء عن طريق الاوعية اللمفاوية لتتحوصل فى العين ودا بقى بيعمل رؤية مزدوجة وساعات تقلب بعمى .. وممكن تتحوصل فى المخ ... وتعمل صرع ومرض كمان اسمه استقساء المخ

خد بقى بالمرة

سمعت عن داء القطط


احب هنا بقى اوضح حاجة مهمة جدا ... ان فعلا المرض دا بيسبب الاجهاض

اولا المرض دا بينتقل عن طريق اللحوم والبان ولعاب الحيوانات المصابة وكذلك الروث
بيسبب الاجهاض فىاول اربعة اشهر من الحمل .. وساعات بيسبب عيوب خلقية للجنين
فى الاطفال تؤدى الى التهاب الدماغ - الالتهاب السحائى وكمان قد تؤدى الى اعراض معوية ,حمى,والتهاب فى عضلة القلب

بصوا بقى .. القطط بتنضف نفسها ازاى بلسانه .. وخد بالك بقى من اللى بتعملوا القطة بتلحس بلسانها عكس اتجاه شعر جسمها ..ودا معناه ان الفطر دا بيتركز تحت الشعر وبيتملك اوى من جسمها

الحل ... ادبح القطة ... ارمى القطة ... او سرحها يا عم واخلص ..... او ممكن بقى توديها الى دكتور بيطرى لو معاك فلوس

محبى السوشى المصرى

اه هفهمكم ... اصل السوشى اليابانى نوع من انواع التونة بيسموها تقريبا التونة الحمراء لكن فى مصر بيعكوا باى سمك وقلبة وقومة

السويشى يا جدعان او السمك بمعنى ادق اللى بيستخدم فى طهى السويشى اصحى معايا كدا وركز فى تلت انواع طفيليات بيتمركزوا فى السمك وهى ديدان متحوصلة

اولا opisthrochis felinous
تسبب التهاب الكبد وقد تؤدى الى السرطان

ثانيا diphylobothrium latum
تسبب انيميا الدم الخبيثة

ثالثا heterophyes heterophyes
تسبب اسهال مدمم

ايه رائيك بقى ... الحل انه لازم السمك يتجمد عند 20- درجة مؤية بالسالب اه واخد بالك تحت الصفر بعشرين درجة ولمدة اسبوع كامل


الفطريات بقى

فى عفن ابيض
او عفن اخضر
او عفن اسود
العفن يا جدعان ايه ما حدش شاف عفن قبل كدا ... اهو دا بقى الفطريات يا معلمين !


هكمل ان شاء الله شوية كد