ها وبعدين ؟

بسم الله

السلام عليكم

ها وبعدين ..!! اه ونبى هو دا السؤال اللى ضرب فى نفوخى .. على طول .. طب وبعديين غزة اضربت وطلع عينيها

ها ارغى يا امور .. وبعدين .. هدنة .. امممممممممم سلام .. معركة مستمرة يعنى ... طيب والحل ايه بقى ؟؟

طيب ما تيجوا كدا نتكلم بصراحة .. شوفتوا ايه اللى حصل .. غير ضرب غزة

العرب عملوا زى الهبل .. وطلعوا شتموا فى مصر - يارب كل بوبى شتم فى مصر يتحرق بجاز

طب والمصريين ..؟؟ ناس مع وناس ضد .. طب وايه تانى ..؟؟ اتهامات بالخيانة ... اتفاقيات سرية

الاقنعة وقعت اوى .. بان مين هنا ومين هناك .. قطر بتزل طيارة فى تل ابيب الله اكبر ياعينى

طب ها ايه تانى .. السعودية ووزير خارجيتها بيقول ان المقاومة تفكير عربى خاطئ .. ها اليمن

بتضرب سفارة مصر وترفع علم فلسطين .. ها غيره .. سوريا ولبنان مظاهرات ادام السفارة المصرية

حسن نصر الله دعوة لمصريين بالمظاهرات المليونية ... الحكومة المصرية ولا هى هنا .. فى البلالة

دول شمال افريقيا .... ضاربيين سيجارتيين بانجو ...

حماس وفتح بيتخنقوا على مين اللى يبقى تحت الاحتلال .. دا اسمه ايه ونبى

لحطة بقى .. حد عاقل يقولى ونبى بس كدا .. انهى وحدة دى اللى بنتكلم عنها انهى اخوة دى .. فين اللى اسمه الامن القومى العربى

حد شافه ونبى يا رجالة ..

تفتكروا بقى .. ممكن فعلا حاجة تحصل فى كل الاجواء دى