كل لحظة وانتم بخير يا اهل الارض

بسم الله الرحمن الرحيم

اولا بعتذر لكل واحد مش قدرت اقوله كل سنة وهو طيب

ويارب يارب يكون العام الجديد عام سعيد يارب .. ويهد الصهاينة .. ويريحنا منهم يارب

وينصر اخواتنا فى غزة وفى فلسطين

ويارب كل انسان يحقق احلامه يارب فى العام الجديد يارب

وكل ثانية وانتوا بتحققوا حلم وبترسموا حلم جديد


واتمنى منكم دعواتكم لوالدتى .. لانها تعبانة ودا اللى تعبنى وقلقنى وربنا يستر

وشكرا للجميع

كارثة .... اقسم بالله

تحـــــــــــــــــديـــــث
ودا الرابط عشان لو اللى فوق مش اشتغل
دا عشا نعرف ان الافكار الغلط اللى عن دينا الاسلامى
بتيجى من صمتنا وعدم معرفتنا باللى بيحصل من ورانا

عمرو اديب يرد على حسن نصرالله



خطاب حسن نصر الله

مع غزة .... ولو باضعف الايمان

تحديــــــــــــــــــــــــــــــــــث هـــــــــــــــــــــــــــــــــــــــــام


بسم الله الرحمن الرحيم

شارك

بدعاء واحد

فى

صلاة الفجر ليوم الاربعاء القادم

31-12-2008

وصيام الخميس تطوعا

1-1-2009

تحديـــــــــــــــــــــــــــــــــــــــــــــــــــــــــــــــث

(( تضامنا مع دعوة مدونة صبرنى يارب ))

وقيام يوم الجمعة من ال 3 ليلا للدعاء ايضا


2 - 1- 2009

طز فيكم

بسم الله الرحمن الرحيم

السلام عليكم جميعا

ندخل بقى فى قلب الموضوع .. طبعا الكل شايف اللى بيحصل فى غزة... صح ؟؟

والكل متعاطف .. ويمكن احنا يا مصريين بنغلى من جوة .. بنغلى اوى .. اكتر من شوية الكائنات الغريبة اللى بتمثل

الكائنات الغريبة دى واللى عملة مظاهرات .. وبيقولوا ان مصر ما فيهاش رجالة وان مصر متوطؤة و ... و ...

طيب ونبى يا 70 رجالة فى بعض انتوا .. وحياة الرجالة اللى فى بلد كل واحد فيكم .. وحياة الرجالة اللى بتتحكمكم

دا لو فيكم رجالة اساسا .. انتوا بقى عملتوا ايه .. بتشتمونا احنا .. طب نحب نقولكم طز فيكم كلكم

لو فيكم راجل بجد .. ويورينا .. عماليين نستحمل قرفكم وقل ادبكم وقلة تربيتكم .. وساكتيين ...

عمليين بتحسوا اوى .. طب ياللى بتحسوا .. عملتوا ايه .. ولا اى حاجة ..

ونبى اللى سمع عن راجل فى اى مكان من ال 21 مكان اللى مايتسموا .. يقولى ونبى

يقولى الراجل دا .. عمل لغزة ايه .. عمل لفلسطين ايه ..؟؟ عارفيين مش هتلاقوا غير مصر

واوعوا تفتكروا اننا هنسمحكلوا بالاهانة .. تحت اى ظرف خلاص كفاية اوى ..؟؟

ورونا بقى ياللى عامليين فيها رجالة .... هتعملوا ايه .؟؟؟

تخيل ......!!؟



تخيل مجرد تخيل .. لو فى 20 مليون مصرى ... قراروا

يقولوا كلمة واحدة بس ... كلمة بسيطة جدا

كلمة اعتراضية ...

فى وجه الاحتلال الاسرائيلى ..

تفتكروا ممكن يحصل ايه ... تخيل

حكاية ونبى مالهاش اى علاقة بالى بيحصل ...؟!

الصورة من قناة الجزيرة (( عجبتنى قولت احطها ))

انا ولا قناة اخبار ولا محلل محنك ولا اى حاجة اساسا انا مواطن عاتى جدا ...

بس عايز يفهم ايه اللى بيحصل دا

ايه بقى اللى حصل فى غزة ....؟؟

كل معلوماتى بتتلخص فى حكاية .. اه والله حكاية ..ما اصل اللى بيحصل دا ولا حتى فى الف ليلة وليلة

بيقولوا انهم عملوا انتخابات فى فلسطين سنة 2005 .. الانتخابات دى لاختيار الحكومة راح الشعب اختار حماس

واحنا عارفيين ان حماس من انصارالمقاومة يعنى الشعب عايز مقاومة .. بس حماس لائت العالم كله .. بيضغط اوى عليها تسيب الحكومة قالت وماله نسيب الحكومة

المهم مصلحة الشعب الغلبان .. وطلع اسماعيل هنية واعلن استقالته

بس بعيد عنك السطلة لعنة .. راحت السلطة بنت الشياطين لعبت فى دماغ الحبايب الحلويين

وقالتلهم ... وتسيبوا الفتحاويين (( حركة فتح بقى ..صحصح معايا امال )) يسيطروا على غزة كدا

لا لا عيب دا انتوا الامامير الحلويين بتوع المقاومة .. وطرد اسرائيل ... راحت الرجالة سخنت

والعيال سخنت .. والستت سخنت ... وطراخ ضربوا فى فتح واحتالوا غزة .. اه ونبى

احتلوا غزة ..وبقيت غزة تحت ايديهم من 15 يوليو 2007

فقالوا بقى ماناخد هدنة مع الخنازير .. وقد كان

اتعمل هدنة مع الخنازير ... طيب وما نعملش ليه ؟؟؟ نعمل اهو حتى الشعب يستريح شوية .. من القرف دا

وعملوا هدنة فعلا .. الهدنة خلصت من كم يوم كدا ... وحماس قالت .. مافيش هدنة تانى .. اديكوا شايفيين .. الخنازير مش بيعترفوا باى حاجة

الا بالنار والحرب .. يبقى الحرب .. فطبعا الخنازير خافت واترعبت .. وقلقت كمان .. راحوا بعتين خنزيرة حلوة صغيرة .. تلف لفة

على الخوانة .. ولا بلاش الخوانة .. حطوا اى كلمة تانية (( وياريت تكون قليلة الادب )) وبعد مالفت هذه الخنزيرة الليفنية

وظبطت مع اللى مايتسمويش ... نزل الخنازير بزبالتهم وقرفهم وعملوا العملة السودة دى ..

انا مش زعلان .. انا بس مقهور

وانا مش مسؤال عن اى حد يفهم غلط ..انا بحكى حكاية قبل النوم

اقول ايه بس ؟

اشهد ان لا اله الا الله

يارب صبرنا .. النهاردة الجمعة بتاريخ 26 - 12

الزمالك اتغلب من بنى عبيد 1 -0

على ملعب المنصورة هنقول ايه غير حسبى الله ونعم الوكيل فيهم

يارب رحمتـــــــــــــــــــــــــــــــــــــــــــــــــــــــــــــــــــــك يارب

اللهم لا اعتراض

حكاية تدوينة بيضاء

ActionNoteBlanche
يوم التّدوينةالبيضاء
ActionBlankPost


قبل عامين وبالتحديد في يوم 25 ديسمبر 2006 قام المدونون التونسيون بأول إعتراض سلمي على الإنترنت بعد حجب مجموعة من المدونات التونسية على شبكة الإنترنت ، وتمثل الإعتراض في قيام المدونين التونسيين بنشر
تدوينة خالية في يوم 25 ديمسبر تحمل شعار يوم التدوينة البيضاء ، وقد تضامن معهم في هذا الوقت كثير من المدونين المصريين بقوة وبنفس الفكرة ، وتكرر يوم التدوينة البيضاء في نفس اليوم عام 2007 نظراً لإستمرار سياسة الحجب في تونس ، وللعام الثالث على التوالي تقوم المدونات التونسية بإستكمال الإعتراض السلمي بيوم التدوينة البيضاء الثالث في 25 ديسمبر 2008


شعارعام 2006

ومثلما نحن في مصر نرمز للمرأة المصرية أحيانا ببهية وأحياناً بليلى ، فالمدونين التونسيين عندهم شخصية عمار 404 هذه الشخصية ترمز للرقيب الخفي الذي يقوم بمنع هذا المدون أو تلك المدونة اللتي لاتعجب سيادته بضغطة زر بل قام مؤخراً بحجب لموقع الفيس بوك من الإنترنت التونسي ، والمدونين التونسيين يطمعون في مشاركة المدونين المصريين هذا اليوم ، لما لمشاركتهم من تأثير قوي سواء إقليمي أو عالمي لإيصال صوتهم بعدما أصبح التدوين المصري مثالاً للمدونين العرب ، وقد كان التدوين المصري حاضراً بقوة ومُرحباً به في الفعالية الأولى



شعار عام 2007


وهذه دعوة لجميع المدونين المصريين والعرب من أشقائهم في تونس بمشاركتهم هذا اليوم ، لذلك عزيزي المدون المصري والمدونة المصرية إذا لم يكن هناك تدوينة خاصة لك في يوم 25 ديسمبر 2008 ، فكل ماهو مطلوب منك نشر تدوينة خالية بعنوان يوم التدوينة البيضاء وعليها أحد شعارات الحملة التي يمكن أن تنتقي أي منهم من هذا الموقع



فلنتحد جميعاً معهم على حذف العبارة السخيفة التي تقف ضد الحق في حرية الحصول على المعلومة والتي تحمل في وجوههم عبارة ... خطأ 404
لاتنسوا موعدنا ... الخميس 25 ديسمبر (( الامس ))


اه على فكر التدوينة دى متاخدة من مدونة حكاوى اخر الليل

من اجل تونس والحرية .... التدوينة البيضاء









شوية كلام

عارفيين انا بحب المدونة بتاعتى ..مش عارف ليه يمكن عشان ابتديت فيها اتكلم شوية

ما كونتش متعود اتكلم قبل كدا .. وكمان احساسى انى هنا واخد راحتى ...

انا بمر باصعب فترة فى حياتى .. الدنيا ضباب وحاجات كتير داخلة فى بعض .. فترة

مش عارف .... فيها اى حاجة بجد .. مشوش كدا .. وافكارى محتارة .. مش متعود اعد الاعدة اللى انا فيها دلوقتى

بس غصب عنى .. بس زهقت بقى الجيش الزفت دا يخلصنى بقى .. خلينى ادخل بس اخلص

كدا اوفر اوى اوى ... يلا هنقول ايه الحمد لله ..

بس بجد انا لازم اشكر جروب على الفايس بووك مش فاكر اسمه ايه .. لان الجروب دا هو السبب فى انى اعمل المدونة دى

بتاريخ 14-11 .. كانت بالنسبة لى تجربة جديدة .. بس بجد طلع عالم المدونات عالم جميل جدا .. احلى ما فيه الحرية

حتى لو مش فى مطلقها .. بس نسمات التحرك الحر هنا اقوى بكتير ... انا برغى فى كذا حاجة فى بعض

بس اهو بقى نفسى اتكلم وخلاص ... اعتبروا اى حاجة .. بس الاهم انى اخرج اللى جوايا من حالة غبية موت

هنقول ايه بقى .. !!!!

سؤال ...؟

مش عارف ليه لائيت فى سؤال ضرب كدا فى نفوخى ...

بيقولى هم تاثرهم ممكن يكون قوى اوى ..؟؟ طب لو اتاثرت هل دا ضعف يعنىانك تستمع وتاخد برائيهم

ولا بقى هيقال دا ضعف .؟؟؟ طب انت مستريح يعنى ولا مضايق ولا ايه نظامك

طب سيبك من كل دا ... انت حاسس ان دا ليك ولا عليك ؟؟؟

كل الاسئلة الغريبة دى بتتسال عن كلام الناس .. يا ترى فعلا

كلام الناس بياثر ويدوخننا كداولا انت مش همك منه اساسا ؟؟؟

يا ترى مين ؟؟




اكتر شئ حسيت بانه اد ايه مفيد هو البعد

انك تبعد .. وتختفى .. بمزاجك او غصب عنك بس فى الاخر

هتلاقى وتكتشف ... مين ؟؟

يا ترى فعلا مين ؟؟؟

انا بــــــــــــــــــــــــــــحـــــــــــــــــــبـــــــــــــــــــــــــــــــك

فى ال 80


جنب منى ست عجوز تقريبا كدا 80 سنة ... والست تعبانة من كذا سنة ومش بتقدر تتحرك الا لما تسند على حاجة

وتقريبا بقى صديقها الاول الكرسى البلاستيك تساند عليه وتتحرك .. المهم انه فى الفترة الاخيرة اصابها شوية حاجات كدا

الصحة مش مستحملة بقى .. واولادها ولا هم هنا اساسا .. هى عيشة لوحدها ومحدش بيرضى ياخدها عنده كلهم مجمعين على

انها كذا مرة كانت هتتسبب فى خراب بيتهم وطلاق وكدا ... المشكلة دلوقتى ان الست خلاص شوية برد بجد تعبانها بطريقة

صعبة جدا .. واولادها (4 رجالة و 3 بنات ) كلهم متحوزيين ومخلفيين (على فكرة الست دى شافت احفاد احفادها )

ولا هم هنا .. اللى بيجى منهم يادوب يعد شوية ويمشى

الحكاية فيها كلام كتير اوى .. ومحدش عارف الموضوع دا هيرسى على ايه ..

االسؤال اللى محيرانى ياترى هل هم صح .. فى انها هى السبب .. ولا هم غلط وهى فى الاول وفى الاخر .... ام

نستورد ايه ...؟؟؟

تيجوا نعملها بجد .. طالما زهقنا اوى كدا .. ومفيش فايدة فى اى حاجة فى الحكومة دى

نستورد حكومة من برة ... ايو ايوة من عند اللى بستحمة دى .. وشوش نضيفة وحكومة

بدلع الشعب وتهشتكوا .. وكدا يعنى ... طب تفتكروا هتقدر الحكوم المستوردة تعدلنا حالنا ؟؟؟

يعنى هنخلينا نيقى العالم الاول بدل ما احنا العالم اللى تحت كدا ...!!

ياترى تفتكروا ممكن تحصل .. اقولكم الصراحة انا محتار

اقول الادارة الاجنبية بتنجح وبتقدر تنجز ... فتقدر تغير فعلا

وبعد كدا بقول هتغير فى 80 مليون بنى ادم مصرى ...؟؟ عارفيين انا ساعتها عرفت حاجة واحدة

ان الحكومة والنظام وامن الدولة والداخلية والجيش ومجمع التحرير والاحياء والمحافظات والاخ فوت علينا بكرة يا سيد .. كل الناس دى

هى احنا .. يعنى من الاخر كدا .. احنا شكلنا فى الاخر هنستورد شعب ...

يا حلولى هى بقيت كدا


تصدقوا بالله انا كرهت نفسى موت ... اه بجد هقولكم ايه اللى حصل

انا قولت يا واد ما تاخدلك لفة كدا كويسة ... على كم مدونة تشوف الاحوال والاخبار

وفعلا رحت ... طبعا هدفى المدونات اللى بتصنف على انها سياسية

عارفين بجد .. كرهت البلد .. الحياة سودة .. البلد كلها فساد كلها بلطجية ..
ساعتها بجد .. وقفت كدا وكرهت انى اكمل اساسا قراية اى كلمة زيادة .. قولت بس

دا انتوا كدا الله ينور عليكم ...
ومش دا بس اللى لافت انتبهاى لا فى ملحوظة حلوة موز بقى

ان الشتيمة هى الختم المميز يعنى عايز تبقى سياسى معارض ذو شعبية يلا نلعن سلسافين اى مسؤال .. امن دولة رئيس الدولة .. اى حد فى وشك اديلوه ما ترحمهوش ...

على فكرة فى الفاظ وعبارات ما صدقتيش انها تتقال كدا وش ..
قولت مصر بجد بخير

ويا حلولى يا حلولى .. بلدنا بقيت ترارلى .. بجد الله ينور ؟؟؟؟؟؟؟؟؟؟؟؟؟

شكرا




بسم الله الرحمن الرحيم

السلام عليكم ورحمة الله وبركاته

تحية طيبة .. واما بعد .../

اتوجه بالشكر لك من تابع المدونة بالتعليق و بالمرور ...

واشكر جزيلا لكل من وجه الى نصيحة او ارشاد او نقد .. شكرا لكم فهذا هو سبب التغير

ولولا النقد والنصائح ..ما كنت عجلت بالتجديد والتغيير ..

شكرا من كل قلبى على المتابعة والمشاركة

شكرا شيمو و درنا ونوجا و غروب و رضوى و جهاد مشالى

وباذن الله لعل فى القادم افضل .. واعلم اننى بحاجة الى التطوير فى اشياء اكثر

وباذن الله سيكون هذا هو القادم الى ان يشاء الله مشيئته

الفلوس مش كل حاجة ...!

نقول بسم الله الرحمن الرحيم

ونرمى السلام ونجول السلام عليكم ورحمة الله وبركاته .. ولو كان معك شئ هاته

بصوا بقى كل لما اتكلم مع اى بشرى بنى ادمى على ظهر كوكبنا العزيز الارض

الائيه كدا فى جملة اعتراضية بين علامات استنكار وتهجم .. ويكاد

يقترب من ان يعطينى شعورا ..غريب اوى بان ودانى كبرت وطلعلى ديل وبقيت من ذوات الاربع

وسعد الصغير بيغنيلى .... ويوقلى يا عم الفلوس مش كل حاجة

وهنا بقى .. اضحك بينى وبين نفسى .. واقول الود دا اهبل .. لا هو اكيد اهبل وعرق العبط

العائلى بتاعهم عايز يطلعه عليا ..

نظرية ان الفلوس مش كل حاجة .. نظرية نسبة نجاحها 1% و99% فاشلة فشل بتقدير جيد جدا

الناس اللى بتعد تقول الفلوس مش كل حاجة .. تعالى اتفرج عليهم فى موقف كدا ولا كدا

تلاقى تفكيرهم على طوول بقى مادى .. وخصوصا بقى فى الجواز

يقولك احنا بنشترى راجل .... وشقة وعربية ودش وغسالة ام روحيين ..ولو فى 3 ترواح شغال

الحالات النادرة اللى بتثبت انها فعلا مقتنعة بالنظرية دى .. حالات بجد بيطلع عنيها

ويمكن لانى شوفت وسمعت عن كم حالة منهم .. بيخلينى .. اقول

الفلوس بقى كل حاجة ..؟؟ واللى مش عجبه كلامى .. يسالى نفسه الاول ..هيقدر

يتحمل ان الفلوس مش كل حاجة بجد ...؟؟

اه نسيت اقول .. ان بعد كل كلام بينى وبينى اى طرف ..بكتشف فى الاخر ان

انا اللى اكسسسسسسسسسسسسسسسسسسسسسسسسسسسسسسسسسسسسسسسب

اللى بيحب حد ....!؟




هى : اللى بيحب حد بيتغير عشانه ...!؟

هو : اللى بيحب حد بيحبه زى ما هو.....!؟


.

يوم الجمعة على الصبح

بصوا بقى .. الكلام اللى تحت دا انكتب يوم الجمعة الصبح ... وماكونتش لسه عارف

بالكارثة الانترنيتية المهم بقى شوفوا انا كنت كاتب ايه لدرجة انها اول

مرة اكتب برة المدونة وانقل ليها ..متعود اكتب على طول وانشر ..مش بجهز



صباح العسل يا عسل

اهلا اهلا بكل زائر كريم .. النهاردة ايه يا حلويين ..!!!

عاتى عاتى .. الاجابة المعروفة النهاردة يا عمو احمد .. الدومعة .. يوم الاجازة يعنى

صحيت كالعادة الفجر .. على 5 كدا ولا يمكن حتى 4 . المهم .. قومت .. ولائيت بطنى بتجعر .. سورى

كلمة بتصوصو لا تتناسب مع حجم المعارك الحربية الداخلية

واعد بدور على اى حاجة ارميها فى بؤى ..مافيش ..

روحت فتحت كيس العيش وجيبت رغيف عيش بلدى .. وطرخ كان فى 5 دقايق استقر استقرارا فى المعدة . واعلنت الهدنة المؤقتة بين القوات المتحاربة

وجريت على جهاز الكمبيوتر اللى اساسا بفتحه قبل ما عنينى تشوف اى حاجة .. وكالعادة النت بايظ ومافيش نت

المهم فضلت اعد احاول محاولات فاشلة جدا لاستعاد ولو شوية بجنيه ادخل بهم على المدونة

بس ولا كان فيه حتى بربع جنيه ... روحت على ال T.V

وفتحت على القناة المظفرة النيل سينما اللى ما بشوفهاش غير ابيض واسود

زهقان يا جدعان .. قولت اقوم اعمل نسكافيه معتبر .. كدا

وعلقت على المية ودلوقتى بقى احط النسكافيه والمبيض .. اسمه كدا وعشان البريستيج نسميه الكريمار يلا عن ما حد حوش وما لا يقل عن 3 ونص ملاعق (لغة بقى ) سكر

زهقان برده .. رحت رايح على كيس العيش للمرة الثانية وقطعت حتة صغنونة والله المرة دى كانت صغنونة طبقا للمواصفات القياسية الاحمدية .. وروحت على علبة السكر .. نسيت اقول انى بين حين واخر بحب ادوق السكر يعنى .. مش طفاسة ولا تلقيط على راى امى

وعملت شنكويتش سكر كداعلى السريع ... واتزلط زلطا فى المعدة الكريمة .. اعانها الله على ما افعل

المية كانت غليت . وكويس انها مش بتتكلم لانها كانت ممكن تستخدم كلمات ابيحة فى اعتراضها على تنفيضى لها

المهم شربت النسكافية المعتبر .. ولان الطفاسة طبع كان فى اكبر مج موجود ... وبشرب بقى ومتمزج

واذ فجاة بعد ما خلصت .. ابص كدا الائى ان النسكافية كان بالارز .. اه والله .. بالارز ..روحت بصيت كدا على السكر .. اكتشفت الحقيقة

ان السكر بالارز .. ولغاية دلوقتى انا ببحث عن هذا السر ورا الاندماج الارزى السكرى .. رغم الحدود الكيسية التى يتمتع بها كلا من الطرفيين ؟؟؟


بصوا بصوا

هقولكوا على حاجة .. انا مش عارف اكتب ايه اساسا ..

بس انا فرحان .. ليه مش عارف ..؟؟ تقريبا الهبل ابتدى يطلع

طب ونبى لانكد على نفسى لغاية ما اعرف انا فرحان ليه .؟؟؟؟

بس ها بقى .. هى نفسى مش تعرف ان الانبساط من غير سبب .... عيب

الخائن الاعظمى ....!

انا الخائن و وبالخيانة لا افتخر 
اخون ومصر على الخيانة بلا 
هوادة او فكر ... اخون مرات 
ومرات وكأن الخيانة هواء 
فى الرئتيين لا يذهب ..
اخون واعرف ولا ادرك 
آستر ام بالحديث والحدث افتخر 
اتدرون فالخيانة درجات وبلغت بالخيانة المدى 
اخون عيناي .. فتنظر اليكى وتسرح 
واخون العقل بحلم مختلس 
واطعن ضميرى بسيف المحبة البتار 
فهل اتوب عن خيانة النفس بحبى لك 
يا نفس تخونى النفس و انا بالهوا مستسلم 
لعنة الله على خيانة النفس
فى حب انسان ياليته يعلم انى بعشقى له 
اصبحت الخائن الاعظمى 

انا مالى ..؟؟ ايه اللى حصلى ؟؟؟




الان .. اشعر بكل هذا الكم من الحنيين الغريب .. اريد انا اذهب واسترخى بالفعل

اريد الذهاب بعيدا .. الى ابعد مكان .. ياااااااااااااااااااااااااااااااااااااه ما اجمل انا اكون فى تلك اللحظة بعيد عن كل شئ .. فتكاد النفس تشتاق الى الراحة

التى لا اراها كتيرا . ياخذنى الان الحنيين .. لا اعرف ماذا حدث بداخلى وكأن جبال الحنيين كلها تتحرك .. تكاد تقترب دموعى اقترابا

للهروب من سجن العين .. قلبى متاثر كزلازال قويا .. رياح الذكريات تجتاحنى .. وياخذنى نسيم الخيال

اتخيل انى بعيد وحدى ... اتخيل بانى صغير .. لااريد ان اكبر .. بالفعل اريد الابتعاد .. انى متعب النفس ..مرهق بالفعل

يكاد العقل بيقتلونى قتلا بتحكمه الكبير .. اخشى البوح .. والكلام .. فيفيض القلب بمشاعر خفية ... تفضح النفس

الان فقط .. اشعر كم كنت قاسيا عقلى العزيز ... اريد ان اتمرد بشدة ..... نعم .. بالله عليك الله تشعر بالحنيين الان .. الا تريد الراحة

لا تسالنى عن جروح الناس .. ان تكلمت .. فاحترمت غيرى وقتلنى .. صمت عن آلمى ... وهم يضحكون .. لست جبلا بالى انى انسان

لماذا راعيت البشر ولم تراعى القلب ... ها هو يتظلم يصرخ يريد البوح والانطلاق .. اقسمت عليك اعطيه حريته .. ف لعل القلب

يصرخ باعلى صوته ..

اااااااااااااااااااااااااااااااااااااااااااااااااااااااااااااااااااااااااااااااه

سلام يا شيماء

بسم الله الرحمن الرحيم 
خلاص بمنتهى البساطة وبكلمة وداع مش هشوف ليها تعليق تانى .. مش هشوفها تدخل تعلق 
على المدونة بتاعتها .. مش هعرف حتى اخبارها .. يااااااااااااااااااااااااااااااااااااااااااااااااااااااه 
معقول كدا .. هى الدنيا غدارة كدا .. انتى فين يا شيماء ...؟؟
انا عارف انك مش تعرفينى .. وعارف انك حتى ممكن تكونى مستغربة اوى ازاى انا بقول كدا 
وبعيط اوى كدا ليه .. ويمكن انتى الوحيدة اللى شايفة دموعى دلوقتى .. عارفة يا شيماء
انا بعيط لانى مش مصدق معقول انا حتى مش عارف اكتب ايه اساسا 
انا بجد مش عارف 
شيماء يا جماعة هى صاحب مدونة اخر بوست ليها كان بتاريخ 24 يوليو 2007 
غياب لاجل يعلمه الله 
((دا العنوان ))

حقيقى وحشتونى جداااااا
ومش عارفه هتوحشونى لحد امتى 
لكن كل اللى متأكده منه انى محتاجه دعواتكم 
التجربه الصحيه اللى بمر بها مش بسيطه
اذا ربنا كتب لى الشفاء منها هاحكى لكم عنها بالتفصيل
تحياتى لكم كلكم

وبعد كدا خلاص .. شيماء ما قدرتش تقرا ولا تشوف اى تعليق جديد على اخر بوست دا 
انا بالصدفة دخلت مدونتها ... وعجبتنى كل شئ فيها .. الهدوء الكلام كل شئ ... واو لما عرفت ان هى الله يرحمها يارب متوفية من بدرى
 
ما تتصوروش انا بجد حصل ايه ... بكيت .. وانا بكتب دلوقتى البوست دا بكيت .. انا مش عارف حتى 
ببكى ليه اوى كدا ... ولا بكتب ليه البوست دا 
ربنا يرحمك يا شيماء ويرحم جميع موتنا يارب 
دى المدونة بتاعت شيماء 

انا وليلى

يا ليلى كثيرا ما يسألوني ما دامت قد رفضتك لماذا لا تبحث عن واحده اخرى؟؟؟؟؟؟؟
اتدرين ما كنت اقول لهم!!!؟
لا بأس ان اشنق مرتين لا بئس ان اموت مرتين 
لكني وبكل ما يجيده الاطفال من اصرار ارفض ان 
أحب مرتين 
دع عنك لومي واعزف عن ملامات
اني هويت سريعا من معاناتي
ديني الغرام ودار العشق مملكتي
قيس انا وكتاب العشق توراتي
ما حرم الله حبا في شريعته
بل بارك الله احلامي البريئات
انا لمن طينه والله اودعها
روحا ترف بها روح المناجاة
دع العقاب ولا تعذل بفاتنه
ما كان قلبي نحيت في حجارات
اني بغير الهوى اخشاب يابسه
اني بغيرالهوى اشباه اموات
يا للتعاسه من دعوى مدينتنا
فيها يعد الهوى أكبرالخطيئات
نبض القلوب مورق عند قداستها
تسمع احاديث الخرافات
عباره علقت في كل منعطف 
اعوذ بالله من تلك الحماقات
عشق البنات حرام في مدينتنا
عشق البنات طريق للغوايات
اياك ان تلتقي يوما بأمرأه اياك
اياك ان تغزي الحبيبات
ان الصبابه عار في مدينتنا 
فكيف لو كان حبي للاميرات
سمراء ما حزني عمر ابدده 
ولكن عاشقا والحب مأساتي 
الصبح الى الازهار قبلته 
والعلقم المر قد امسى بكاساتي
يا قبله الحب يا من حيث انشدها
شعرا لعل الهوى يشفي جراحاتي
دوت ازهر الروح وهي يابسه
ماتت اغاني الهوى ماتت حكاياتي 
ماتت بمحراب عينيك ابتهالاتي
واستسلمت لرياح اليأس راياتي
جفت على بابك الموصود ازمنتي 
وما اثمرت شيئا عباداتي ندائاتي) 
انا الذي ضاع لي عامان من عمري 
وباركت وهمي وصدقت افتراضاتي 
عامان ما رق لي لحن على وتر
ولا استفاقت على نور سماواتي
اعتق الحب في قلبي واعصره
فأرشف الهم في مغبر كاساتي 
واودع الورد اتعابي وازرعه
فيورق الشوك وينمو في حشاشاتي


لو صافح الظل اوراقي الحزينات
ما مضر لو ان منك جاء شيئا تحقد
تنتفض الامي المريرات
سنين تسع مضت والاحزان
تسحقني ومت حتى تناستني حبابات
تسع على مركب الاشواق في سفر
والريح تعصف في عنف شراعات
طال انتظاري متى كركوك
تفتح لي دربا اليها فأطفأ نار اهات 
متى سأجر الى كركوك قافلتي؟ 
متى ترفرف يا عشاق راياتي؟ 

غدا سأذبح احزاني وادفنها 
غدا سأطلق انغامي الضحوكات
ولكن ولكن للعشاق قاتلتي 
اذ اعقب فرحتي شلال حيراتي 
فعدت احمل نعش الحب مكتئبا
امضي البوادي واسفاري قصيرات
ممزق انا لا جاه ولا ترف
يغريك في فخليني لأهاتي 
لو تعصرين سنين العمر اكملها
لسال منها نزيف من جراحاتي
كل القناديل عذب نورها 
وان تظل تشكو نضوب الزيت مشكاتي

لو كنت ذا ترف ما كنت رافضه حبي 
ولكن عسر الحال مأساتي

فليمضغ اليأس آمالي التي يبست
وليغرق الموج يا ليلى بضاعاتي
عانيت لا حزني ابوح به
ولست تدرين شيئا عن معاناتي
امشي واضحك يا ليلى مكابرة 
علي اخبي عن الناس احتضاراتي
لا الناس تعرف ما خطبي فتعذرني
ولا سبيل لديهم في مواساتي

لاموا افتتاني بزرقاء العيون 
ولو رأوا جمال عينيك ما لاموا افتتاني
لو لو يكن اجمل الالوان ازرقها 
مااخناره الله لونا للسماوات
يرسوا بجفني حرمان يمص دمي
ويستبيح اذا شاء ابتساماتي 


عندي احاديث حزن كيف ابوح بها؟!!!
تضيق ذرعا بي او في عباراتي
ينز من صرختي الذل
فأسأله لمن ابت ؟ تباريح المريضات
معذوره انت ان اجهضت لي املي
لا الذنب ذنبك بل كانت حماقاتي
اضعت في عرض الصحراء قافلتي
فمضيت ابحث في عينيك عن ذاتي
وجئت احضانك الخضراء منتشيا 
كالطفل احمل احلامي البريئات

اتيت احمل في كفي اغنيه
اصبرها كلما طالت مسافاتي 
حتى اذا انبلجت عيناك في الافق
وطرز الفجر ايامي الكئيبات 
غرست كفك تجتثين اوردتي 
وتسحقين بلا رفق مسراتي
وغربتاه مضاع هاجرت سفني 
عني وما ابحرت منها شراعاتي
نفيت واستوطن الاغراب في بلدي
ومزقوا كل اشيائي الحبيبات
خانتك عيناك في زيف وفي كذب
ام غرك البهرج الخداع مولاتي

توغلي يا رماح الحقد في جسدي
ومزقي ما تبقى من حشاشاتي 
فراشه جئت القي كحل اجنحتي
لديك فأحترقت ظلما جناحاتي
اصيح والسيف مزروع في خاصرتي 
والغدر حطم امالي العريضات 
هل ينمحي طيفك السحري من خلدي؟
وهل سشرق عن صبح وجناتي
( الخدود )
ها انت ايضا كيف السبيل
الى اهلي ودونهم قفر المنارات
كتبت في كوكب المريخ لافته
اشكو بها الطائر المحزون اهاتي
وانت ايضا الا تبت يداك اذا
اثرتي قتلي واستعذبتي اناتي 
( اي انيني عذب لديك
من لي بحذف اسمك الشفاف من لغتي
اذ ا ستمسي بلا ليلى حكاياتي
دى القصيدة الكاملة  .... القصيدة  كتبها حسن المرواني وقد تخرج من كلية التربية 
في جامعة بغداد سنة 1978
وبدأت القصه بأنه أحب زميلته في الجامعة
وكانا قد تواعدا على الزواج بعد حب دام سنوات الدراسه
وكان الشاب فقير الحال وفي يوم من الايام تفاجأ بان محبوبته
قد خطبها شخص آخر كان غنيا وتخلت عنه لاسباب ماديه
وقد القى القصيده في حفلة التخرج 
وغناها كاظم
وعندما سمعتها الفتاة بكت بمرارة رغم السنين التي مرت 
على قصة الحب
علما بأنه كانت هناك فتاة أخرى تحبه ولكن كان قلبه ملكا للتي خانت

الغدر ....!!!


الغدر ..... انك تصدق نفسك اوى فيه 

حضن ... من اجل المستقبل

شفت أحدث الدراسات العلمية أن احتضان الطفل .( 4 ). مرات يساعد
على تكوين شخصيته كطفل سوي ..
أما احتضانه .( 8 ). مرات فيعني تطويره لطفل مبدع ..
وإذا زاد العدد فهذا يعني أنه سيكون طفلا قويا مقاوما للصدمات ..
كما أضافت دراسه أعدها ( مركز دراسات الطفولة ) بجامع عين شمس
وأشرف عليها العميد السابق الدكتور ( قدري حقي ) أن الجفاف
العاطفي في الأسرة وانقطاع لغة الحوار يؤثر سلبيا على الطفل في الكبر ..

لذا على كل أم أن تتفهم إبنها منذ الطفولة ، وعدم
توجيه النقد اللاذع أو اللوم على أخطائه أثناء الحوار ،
مع التحلي بالصبر وطول النفس معه ..

دراسات ....

في الايام القليلة الماضية ظهرت ثلاث دراسات علمية حديثة وصدرت نتائجها في وسائل الاعلام،وبعضها طريف ومأخوذ من استطلاعات للرأي وعلى ضوء النتائج ظهرت الدراسات الحديثة...

يمكن الاستناد الى صحة تلك الدراسات بتطبيقها على الذات لان بعضها مجرد احاسيس بشرية،واعتقد من خلال قرائتها يمكن ان تنبهنا الى اشياء نجهلها بسبب مشاغل الحياة المستمرة وكثرة المعلومات الواردة الى الدماغ تجعل التركيز على بعض الاشياء صعبا،بل نهمل الكثير من الاشياء التي تجعل معرفتنا بالاخر في افضل حال...هذا بالاضافة الى اهمال الصحة في حال ظهور الدراسات العلمية الطبية...

الدراسة الاولى:المشروب الساخن يفجر المشاعر الدافئة،وهي لطيفة بحد ذاتها،ففي دراسة امريكية اجراها باحثون،توصلوا الى نتيجة تعبر عن شعور داخلي لدى غالبية الناس انه عند رؤية شخص يشرب كوب ساخن مثل القهوة وغيره،فأن مشاعرك تكون اكثر دفئا والاخر ايضا نفس الشعور وكذلك اقل انانية،وعلى العكس تقل النسبة مع المشروب البارد...النفس البشرية في غاية الغرابة واللطافة وايضا الوحشية لدى الاشرار!...اشياء كثيرة نجهلها عنها...

ونتيجة الدراسة الانفة الذكر...لنشرب المشروب الدافئ ولنقدمه للاخرين...حتى نحصل على السعادة او الفرح...ولو بصورة مؤقتة!.

الدراسة الثانية:علماء يحددون مراكز الكراهية في الدماغ: أعلن فريق من العلماء في جامعة بريطانية، التوصل إلى اكتشاف المراكز المسؤولة عن ظهور مشاعر الكراهية في مخ الإنسان، والتي تنعكس بالتالي على سلوكياته تجاه الأشخاص الذين يضمرون لهم تلك المشاعر.وتوصلوا الى نتيجة ان المراكز العصبية المسؤولة عن الاحساس بالحب هي نفسها المسؤولة عن الكراهية.وأشارت الدراسة إلى أن مركزين في المخ، يُطلق عليهما بوتامن وأنسولا، ينشطان عندما يساور الإنسان شعور بالحب أو الكراهية، حيث يقوم المركز الأول بتنبيه المخ عندما تنتابه عاطفة ما، فيما ينشط الثاني كرد فعل على الإثارة المقلقة، التي تنشأ عند مقابلة شخص ما يكن له مشاعر عدائية.وطبعا الدراسة كانت على متطوعين اظهروا احساسا بالكراهية والحب نحو مشاهدة اشخاص معينين وظهرت تلك النتائج...لو اكمل الباحثون دراساتهم تلك بكيفية تقوية عامل الحب واضعاف عامل الكراهية!حتى نحسن طباع البشرية،واول الناس الذين نجرب عليهم تلك التجارب هم التكفيريون والارهابيون والعنصريون!.

الدراسة الثالثة:حول ازدياد حمل المراهقات من خلال مشاهدة البرامج التلفزيونية الفاضحة:وهذه النتيجة جاءت في دراسة امريكية على عينة من 2000 مراهق،وهي نتيجة طبيعية دالة على خطورة المواد الاعلامية الفاضحة،والابتعاد عنها يكون اسلم من خلال الانتباه ومراقبة المراهق والمراهقة.وهي تكلمة لدراسات سابقة بينت اثر الاسر المنقسمة والمتشتتة على تربية النشء وهي بالطبع تكون النتائج سيئة اذا كانت الاسر غير مستقرة.

دراسات علمية حديثة ولكن طريفة ومفيدة في نفس الوقت وينبغي علينا الاستفادة منها في حياتنا اليومية لا ان نضعها في خانة المحفوظات!.



من انتى ..؟؟؟

بسم الله ابدا
ماذا اكتب او ماذا اقول .. كيف اعبر عن حالتى الان .. لا اعرف حقا

يكاد يكون كل شئ عندى وهمى سراب الاحاسيس والمشاعر .. حلم اراه امامى ...؟؟؟
احساس بالحنين والكره والعنف والحب والعاطف .. اريد ان اطبطب على انسان يبكى ... واخذه فى احضانى
وانسى كل هذا الجو المشحون بالطاقة السلبي
ة
اريد ان اذهب الى هذا العالم الاسطورى الذى استطيع فيه ان اخذ حبيبتى وان نظل نرقص تحت تلك الامطار المتساقطة فى رقة

على خديها .. وارى فى عنيها نظرة وكلمة لا تستطيع الكلمات سطرها او ابراز معنها اكثر من عنيها

وفى ظل قمر بضوء ساطع ابيض شفاف ينعكس على جبهتها الناقية

ابعد وابعد واذهب الى حدود الكون .. لا اشعر باى من تلك الكلمات السخيفات التى تقتل احساسى قتلا
فقط انا وهى خارج هذا الكوكب المزدحم بكل تلك التفاهات الانسانية التى نحتبس ادراجها
فقط انتى ايتها الحبيبة الغالية .. ووسط ل هذا الجو الاسطورى يقتحمنى حلم المستقبل بالسعى والعمل واعود الى ارض الواقع

لاجدها هى من يدفعنى دفعا الى الامام .. وهى تبتسم فانسى كل تلك المطبات والمصاعد والهوابط كل شئ من مجرد ابتسامة صغيرة

ترتسم بين شفاتيها .. فتعكسها عنيها الحالمتان .. وتظل الحالة الغريبة التى لا اعرف من اين اتات .....!!!
كيف اكتب ما سبق من كلمات على الرغم من ان هذا لما يكن بالنية او فى البال

كنت اريد ان اكتب عن حالى ووجد اننى لااستطيع الا ان اكتب عنها
حبيبتى ... انى احبك ولا اعرف كيف هذا .. وانا حتى لا اعرف من انتى ..؟؟

11-12 و22 عاما من العطاء (عيد ميلادى شكرا يا امى )





بسم الله الرحمن الرحيم

كل لحظة وانتى بالف خير وسعادة وهنا يا امى العزيزة .. ربنا يارب يخليكى ليا

فى يوم زى انبارح كدا .. يوم خميس برده .. وبتاريخ 11-12 -1986

ومابين الجمعة والخميس .... كان بداية ميلاد انسان ...

للحياة .. جيه وهو بيبكى ويقول واء واء .. كان مزعج اوى .. ودلوقتى فى نفس التوقيت الزمنى 11-12

يوم خميس يتم عامه ال 22

انا مش بحتفل بيوم الميلاد .. لا انا بحتفل ب 22 سنة عطاء وشقاء وتحمل وتحدى قرارت امى بمحض اراداتها الامومية

خوضها فى احراش غابة الحياة دون ادنى اسلحة علمية او مالية او ثقافية او سلطوية

فكان سلاحها الوحيد هو يارب .. وها انا ذاك الان كبرت وتخطى على جسدى 22 عاما من الزمان

ومازال فى عقلى حلم الراحة لامى .. وتحقيق امانيها برفع راسها الى اسماء ..

شكرا امى على هذا المجهود الجبار واتمنى ان اكون انسان اشرفك الان ...



تخاريف قلبية

بسم الله الرحمن الرحيم

جاهز

اه جدا .. وهنطلق

متاكد ..!!؟

ايوة يا عم بقولك ايه مش تحبطنى بقى خلينى اتكلم

ياعم الجامد انت .. بس هتقدر تتكلم

على قد ما اقدر بقى

علاقة عاطفية ..حب وكدا يا واد!!!؟

ههههههههههههه انبى تتوكس ... لا مش كدا خالص دى حالة كتمان فظيع نفسى انفجر

ايه يا عم دا .. تنفجر ايه ؟؟ يا عم بقولك كلمنى عن قلبك وكدا قولى عن قصة حب

ولا حب ولا بتاع .. انا عايز افضفض افهم بقى .. بقولك مكبوت ياعم كل لما
اقول انى هتكلم مع اى حد واطلع شوية .. اترجع

انت خايف ؟؟؟

جدا حاسس انى اللى هقوله هيضرنى اكتر ما هيفيدنى

الموضوع دا ذنبك انت .!!!؟؟

ابدا والله بس انااللى اتاذيت منه وباسى منه

وهتعمل ايه دلوقتى قول يلا

اقول ..امممممممممممم ممكن اقول بس

مش دلوقتى .. لكن نفسى اقول بجد

كلما تألمت المرأة أحبت وكلما تألم الرجل كره ..؟؟؟

بسم الله الرحمن الرحيم
الجملة دى .. كتبتها ايناس فى تعليق على الموضوع السابق على طوووووووووووول
وكانت بتسال ايه رائى عن المقولة دى .. وهل هى مقنعة بالنسبالى ولا لا ؟؟؟
هنا يا جماعة بصراحة ومن غير ما اعرف
لائيت نفسى فجاءة تخيلت المراة زى الوردة .. اللى فى انحناءه موت .. بتحتاج معه رعاية واهتمام خاص .. بيتمثل
عندها فى الحب والمشاعر الراقية من غير اى حدود .. بتحتاج بجد للتغذية العاطفية دى .. لانها بجد بتكون
.
عندها بمثابة الهواء والماء
وتخيلت الرجل كالصبار .... فى انكساره الم لان علشان تقدر ترجع الصبار دا بتتالم بشوكه الحاد
بين الحالتيين ...
لائيت .. ان المراة فى تالمها بتبقى محتاج للحب ... لانه علاجها الوحيد .. لانه بجد بيديها كتير اوى ... وفى عز المها
تقدر كلمة صادقة بجد ... حقيقية بجد ... تهون كتيرررررررررررررررررررررررررررررررر جدا
ام الرجل فى المه بيكره ... بيكره كل شئ تسبب فى المه .. بيكره اى شئ يحسسه بالانكسار حتى وان كانت الحبيبة
ودا اللى ساعات مش بتتقهم المرأة ....
دا كان راى ..
مش قادر اقولك المثل صح او غلط .. لكن انا شوفته بزاوية خليتنى فى الاخر اقدر اقولك
اه المثل صح ... حتى لو مش مقتنع به 100%

يعنى ايه ..!!


حب يعنى راحة .... بس خلاص

ممكن اقول حاجة

انا بموووووووووووووووووووت

تنبيه !

بسم الله الرحمن الرحيم

فى اطار جهودنا المتوالية .. ( بحب انا الكلام الكبير دا )

لتواصل مع اعزائنا زوار المدونة (اللى هو حضرتكم ) فقد تم تغير عناوانين المدونات التلاتة ليصبح كالاتى

yalla Bokra

من khatwabikhatwa.blogspot.com الى yallabookra.blogspot.com

yalla Watan

من khatwabikhatwas.blogspot.com الى yallawatan.blogspot.com

yalla Qalb

من khatwabikhatwaq.blogspot.com الى yallaqalb.blogspot.com

وقد وجب التنبيه

لهذا التغير لما سوف يترتب عليه .. (لمن يريد استمرار التواصل مع المدونات المذكورة ) ان يتم استبدال العناويين الجديدة بدلا

من العناويين القديمة .... التى لم تعد تخص المدونة المذكورة بشئ الان ونعلن عدم مسؤاليتنا عن التعامل مع العناويين القديمة من تاريخه

ولكم منا جزيل الشكر

وناسف على ازعاجكم

حسبى الله ونعم الوكيل

بسم الله الرحمن الرحيم

يارب يارب .... انا شاكر فضلك وبحمدك .. وبقولك الف حمد والف مليار شكر

مش عارف والله اقول ايه غير حسبى الله ونعم الوكيل

يارب احنا خلاص قربنا نتجنن عقولنا شتت وعقولنا ادمرت

رحمتك يارب

زمالكاوى

الفيديو دا عبارة عن تجرب اولى ليا ..

اتمنى اعرف تعليقاتكم ايه

وشكرا

حد بيدلع كدا بذمتكوا .......؟؟؟؟!!!!

ساعات يا جماعة ... كل واحد فينا كدا .... مامته

ربنا ما يحرمكوا من ماماهتكوا .. ساعة صفا كدا .. تروح يا معلم مدلع حضرتك او حضرتيك

وتقولك كلمة كدا دلع

ودا ان دل فبيدل عن حبها لحضرتك او حضرتيك .... لكن الغريب بقى لما يكون الدلع دا

بشكل تانى .. مش اقصد طبعا انها مثلا بدلعك بعصاية المائشة ...ولا بفازة طايرة

لا انا بقصد الاسم الى هى بدلعك بيك

يعنى المعتاد ..... حمادة ... ميدو .... سوسو .. توتو ..... اى روشنة بقى

لكن يكون دلعك يا موكوس .... اهو دا بقى الجديد

مش عايز اى تعليقات غريبة ها ...... لا بقى

ولان البيت .. بيكون متضامن مع بعضياته .... فلازم حد ينضم طبعا ... لسيمفونية الدلع

وتيجى اختك يا معلم ... وتقولك بمنتهى الانشكاح اللى فى الدنيا

انبى تتوكس

بذمتك شوفت تضامن اكتر من كدا ..... فى حملة الدلع المنزلية

وبكدا يا معلم .. تبقى حصلت على كورس الدلع الرسمى ...

وكل دلع وانتوا طيبين

كل دا رغى.... .. يا دينى

يالهووووووووووووووووووى .. ايه كل العواء النفسى المصطلجى دا

فى ايه يا جداعان صلوا على النبى كدا .... وسمعونا لا اله الا الله محمد رسول الله

وانا دلوقتى عمال امر كالعادة بين المدونات .. لائيت شئ غريب اوى

ان كلنا كلنا ... بنتكلم وبنبعبر عن مكنوناتينا ... بقول كلام كبير انا ...سيبكوا سيبكوا

المهم ان فجاة كدا افتكرت مقال للمعلم خالد كساب وهو بيتكلم فيه .. عن ان اللغة بتتكون من 28 حرف

ورغم كدا .. لغاية دلوئتى ما خلصيتتيش ولا بطلنا كلام

نفس ال 28 حرف هم هم .. ولا الحروف زادة وانا مش واخد بالى

وفعلا بجد سبحان الله 28 حرف .... كلنا بنستخدمهم فى التعبير عن نفسنا وعن اللى حاسين به .. وتوصيل التفاهم بينا

وبرده الكلام مابيخلصيش كل يوم .. بيطلع مصطلح جديد وكلمة جديدة بنفس التكوين الغريب اللى من ال 28 حرف

وتبص يا معلم كدا ... بص على الجرايد المدونات الكلام الطاير بين ودنيين حتى .. كله كله .. عبار عن ال 28 حرف

ورغم كدا ... بتحس ان كل واحد بيعبر عن نفسه بيقول كلام غير التانى

وفى الاخر لائيت نفسى وقفت وقولت

كل دا رغى يا ديييييييييييييييييييييييييينى

منهم ومنهم ... زى ما منا ومنا

اغرب حاجة .. بجد هى انك تحكم على الاطلاق .. وتقول الجميع فاسد الجميع منحط الاخلاق

والاسواء هو الصاق التهم لطرف دون طرف ...

فمعشر الرجالة يتهمون معشر النساء بالرقة الزائدة .. والعاطفة الغالبة .. وكانهن بلا عقل وبلا تفكير ..

وتظل الاتهامات ما بين الطرفيين قائم على البحث عن العيوب ..

وبصراحة ومن غير ادنى فذلكة ولا حتى اعمل نفسى نصير الحق والدفاع عن حقوق المراة او الرجل

انا شخصيا مرت عليا ... بعض الشخصيات .. فى من البنات اللى مش اكتر من بضاعة .. للى يتمن ويشترى ..

واللى معه يشيل ... ومبروك عليك يا معلم ...

ومنهم اللى الخجل يخجل من خجلها ... ويتمنى الاحترام والادب ان يلتحقوا فى اطراف اسمها .. ليكون لهم دلالة او معنى

فعلا النوعية دى بجد رغم قلتها .. بس روعتها .. تخليك بمنتهى البساطة تعرف ان ربنا عدل لابعد مما يستوعب عقلك


او تشطح
خيالاتك الى قمة العدل ...

وهنا وبين النموذجيين ... بتتفاجا .. ان الفرق شاسع .. وتعرف ان من حق تلك الفتاة . ان تقاتل من اجلها

لان لا قتال الا لكل غالى ونفيس ...

وفعلا .. زى ما منا نحن معشر الرجال .. السئ والاسواء والذى لا يعرف عن الرجولة الا الكلمة

فمنهم ايضا ..نساء ونساء ...

لهذا ساظل اكرار ... منهم ومنهم ...زى ما منا ومنا

عالم غريب ....

اكتر شئ .. وبالنسبة لى فعلا كان غريب .. هو المدونات ...

ايوة بجد .. كل مدونة بتنفد على اللى جنبها وناس تعرف بعض .. وبتعلق على احداث يومية

حياة خاصة .. ومواقف .. ضحك وبكى

فضفضة قلب .. مخنوق

واحوال البلد ... وفجاة .. وبمنتهى البساطة تلاقى نفسك من غيرما تحس

دخلت فى حياة ناس تانية .... بتعرف ايه اللى حصلهم امبارح .. وبتعرف اسماء

ناس ساكنة هنا وهناك ... وياخدك الحنيين فى كلمة حلو اوى .. لمدونة انكتب ليك انت .. تحس انه حد فاهمك

حد حاسك ولو انك مش شايفه ولا سمعه ...

بس بيكتب ليك .. بيعبر عنك .... بكل بساطة .. وتحس ان اللى جواك خرج ... على صفحاته هو

وماتفهمش ليه .. وتروح لمدونة تانية تلاقى لحن حزين كله شجن .. وحنية قلب

بجد .. فعلا احاسيس غريبة

ياريتنى بكلم مزة :) :) :)

امممممممممممممممم

ايو بصراح الكلمة دى بينى وبينكم بتتقالى كتير وياريت مثلا بقى من واحد صاحبى

لا دى من امى

تشوفنى اعد على الكمبيوتر وبضحك ولا ببتسم على اى حاجة شايفها ولاتعليق بقراه

تروح بصالى بصة من اغرب البصات وكانها بتقولى يا د يا ابن ال ....... على ماما يا واد

وتقولى بتكلم مزة اكيد .. اقولها لا بدا .. وهى ولا تصدق مصممة انى بكلم مزة

اقولها ... يا حجة يا سيتى ... لا ابدا هى خلاص مصصمة انى بكلم مزة .. طبعا انا اضحك

لان بينى وبينكم ..كلهم شبهى ..ههههههههههههههه يعنى من الاخر

اتحسر فى قلبى .. واعد كدا واسرح لبعيد .. واضحك فى سرى واقول يا ماما

ياريتنى بكلم مزة ....

اللهم اجعله خير

بسم الله الرحمن الرحيم

بمنتهى البساطة والاريحية اللى فى الدنيا .. حلو كلمة اريحية دى ...

المهم .... ان انا دلوقتى بقلب كدا وبروح وبخرم من مدونة للتانية .. اهو بقى بنقلب عيشنا ...

المهم لائيت فجاة مودونة كدا .. فيها حتت موسيقى .. انما ايه ... تحفة ... بجد

ولائيتنى روحت على التدوينة بتاعتى .. عايز اكتب اى كلمة وخلاص .. وبصراحة مش عارف اكتب ايه .. بس هو مجرد انى اكتب

لان بجد ... موسيقى دامده جوى .. وارضى وبحرى جمان

المهم الشئ الغريب .. انى فجا لائيتنى عندى الرغبة فى انى اكتب ... اكتب اى حاجة ولو حتى مش عارف انا بكتب ايه

فطلعت الكم كلمة دى

لخبطة

الكتابة مش مجرد شوية كلمات بحطها جنب بعض وخلاص بالعكس دى بالنسبالى حلم

اكتر شئ بدور عليه فى وسط الكلمات كلمة من جوة بتعبر عنى .. عنى بجد .. بدور وسط كل الكلمات عن قصة غريبة او فكرة مجنونة

اى شئ بمنتهى البساطة احسه بجد .. بدور عن حب تائه .. عارف ان

الحب مش كلمتيين وخلاص بالعكس دا اسلوب وحياة ومسؤالية

بس مش بايدى قلبى .. غصب عنى بيجرى منى .. عمرى ما بقدر انسى ابدا الحلم الجميل اللى بتمنه .. ورغم حالات الصفا اللى بتنبنى فى

مشهد .. رومانسى بتفضل تفاصيل الحياة ..

بتقتلنى فى البحث عن حياة كريمة ... وبفضل اسال نفسى بمجرد انتهاء المشهد .. ياترى هكون انا

البطل .. ويا ترى مين هى البطلة اللى هترضى تقف ادام ممثل مجهول .. ؟؟؟

اسئلة بمنتهى البساطة كافية للقضاء على حلمى واملى وطموحى فى الشريك القادم وبتخلينى غصب عنى ارجع واسلم لارض الواقع بكل قسوته

فكرت انى اخرج اى حاجة من جوايا عن نفسى .. فى اكتب كل اللى بيحصل واللى بحس به .. وارجع اقف

واتسال بمنتهى السذاجة ..هو دا حقك حياتك بماضيك يميومك بغدك كله شئ فى وقتك ملك ليها هى وبس ..

حتى لو مش تعرفها بس من حقها انه تحس انك ليها وبس .. من حقها تحس انها كانت فى كل لحظة .. حقها

اللى وفقت وبكل رضا تام انه يفضل حقها ..

وبين حقها المشروع وبين اسرارا النفس والكتمان والحاجة للبوح .. والفضفضة ... قولت هكتب ليها .. ليها وبس ..

مش هكتب ليا ابدا .. لانى بمنتهى البساطة بحبها جدا ... وهفضل احبها مهم اتاخر الوقت اللى هيجمعنا .. هفضل بكل قوة احبها

ومهما تناثرت مشاعرى ... فاتبقى هى البر اللى نفسى استريح فيه .. الامان اللى ببحث عنه بمنتهى القوة

حبى الوحيد .. اللى بخاف عليه .. وهو حتى بعيد عنى .. حبى البرئ العفوى .. اللى ممتلك قلبى بكل قوة

مصر الاولى عالميا ..!!!!

كشفت دراسة خطيرة بمركز معلومات دعم واتخاذ القرار التابع لمجلس الوزراء ان مصر اصبحت الاولى على مستوى العالم فى حالات الطلاق.

وقالت الدراسة ان معدلات الطلاق خلال الخمسين عاما الماضية ارتفعت من 7% الى 40% وان اليوم الواحد يشهد 240 حالة طلاق ليبلغ اجمالى عدد المطلقات فى مصر 2.5 مليون مطلقة.

واشارت الدراسة التى استعانت ابلجهاز المركزى للتعبئة والاحصاء الى ان 40% من حالات الزواج انتهت بالطلاق.

واضافت الدراسة ان 50% من حالات الطلاق فى مصر تقع خلال السنة الاولى وان معظم المطلقين لم يتعدوا سن الثلاثين.

ليه مهند حب نور ...!!!؟


يسم الله الرحمن الرحيم

اهلا بالكل بنانيت .. وشباشيب

ندخل فىالموضوع على طول

وهو عبار عن سؤال .. ممكن نعتبره خبيث شوية.. لكن بجد هيوضح شوية حاجات للبنات

يمكن مش بياخدوا بالهم منها

السؤال كان .. ليه مهند حب نور ؟؟؟؟؟

رغم انه ربنا يسمحه بقى .. وسيم ووكدا والبنات كلها هتتجنن عليه .. لكن الشئ الغريب انه حب نور

رغم ان نور مش على مقدار كبير من الجمال وكل البنات او خلينا نقول معظمهم .. بيترسم على وشهم علامات استفهام

كبيرة كل لما يشوفوا مهند فى مشهد غرامى مع نور .. وبمنتهى البساطة .. يوقولوا خسارة فيها الواد دا

هنا .. اعد افكر ياترى ايه اللى فى نور ... خلى مهند يحبها كدا ... وانا مش هنسى ابدا .. احد الزميلات وهى بتقولى

يا بنى دا ما شوفتش عمل ايه عشان يصالحها ... لما زعلت منه

ياريت البنات .... تفكر وتقول

هو ليه مهند حب نور ؟؟؟؟؟؟؟؟؟؟؟؟؟؟؟؟؟؟؟؟

مش هتنسانى



مش حتنساني بكرة حتجيلي يوم
ما تبكي ويخنقك غرورك حتقولي نجيني
ايوة لسه لك مكان في قلبي
بس مش واقفة عليك سنيني
مش حموت علشان منتاش جمبي
اصلك انت مش الي بيحييني
مش حتقتلني مش حتمحيني
انا عمري ما حد كان زللني او كسر عيني


الكلمات دى بجد .. مؤثرة جدددددددددددا وبجد فعلا مالهاش حل

عجبانىاوى انه قوى فى حزنه وفى جرحه .. حتى ولو هو بيتالم من جواه

اجراءات وقاية وامان ..!!!!؟

مين فينا مش بيدور على الحب الحقيقى النقى

الحب اللى بجد اللى يستمر سنيين وسنيين وما يبقاش مجرد ذكرى ولا جرح

كلنا بندور علىالحب دا

كلنا بندور على شريك بجد .. شريك نكمل معه الحياة بكل ما فيها .. وفى طريقنا للشريك

بنخبط ونتخبط .. نجرح وننجرح .. وكل انسان وشدته احتياجه للحب

فى منا اللى من شدةاحتياجه يخرج من حب لحب .. ومن جرح لجرح

ودا اللى بيصبنا بالاحباط .. وفجاة يتحول المشاعر الحلوة ال كانت جوانا .. لكبوس فظيع بنجرى منه ومش عايزين نقرب منه

لانه كل لما نفتكر نفتكر الجرح والالم

عشان كدا .. قبل ما تدخل فى حب .. قبل ما تتكلم وتعبر .. فكر

ايو فكر .. صدقنىالعقل هو الوقاي ضد الجروح .. الوقاية ضد الالم

استخدمه لابعد مدى

عشان مش تدخل فى علاقة .. تكتشف بعد كدا انها بمنتهىالبساطة ... اتوجدت لتجرح فقط

فكر فى الشريك هو دا ولا لا .. هل هو دا اللى ينفعنى بجد .. ولا لا

خلى عقلك يبقى بجد

اجراءات وقاية وامان

Copyright © 2008 - AhMeD RaDy - is proudly powered by Blogger
Blogger Template