الفلوس مش كل حاجة ...!

نقول بسم الله الرحمن الرحيم

ونرمى السلام ونجول السلام عليكم ورحمة الله وبركاته .. ولو كان معك شئ هاته

بصوا بقى كل لما اتكلم مع اى بشرى بنى ادمى على ظهر كوكبنا العزيز الارض

الائيه كدا فى جملة اعتراضية بين علامات استنكار وتهجم .. ويكاد

يقترب من ان يعطينى شعورا ..غريب اوى بان ودانى كبرت وطلعلى ديل وبقيت من ذوات الاربع

وسعد الصغير بيغنيلى .... ويوقلى يا عم الفلوس مش كل حاجة

وهنا بقى .. اضحك بينى وبين نفسى .. واقول الود دا اهبل .. لا هو اكيد اهبل وعرق العبط

العائلى بتاعهم عايز يطلعه عليا ..

نظرية ان الفلوس مش كل حاجة .. نظرية نسبة نجاحها 1% و99% فاشلة فشل بتقدير جيد جدا

الناس اللى بتعد تقول الفلوس مش كل حاجة .. تعالى اتفرج عليهم فى موقف كدا ولا كدا

تلاقى تفكيرهم على طوول بقى مادى .. وخصوصا بقى فى الجواز

يقولك احنا بنشترى راجل .... وشقة وعربية ودش وغسالة ام روحيين ..ولو فى 3 ترواح شغال

الحالات النادرة اللى بتثبت انها فعلا مقتنعة بالنظرية دى .. حالات بجد بيطلع عنيها

ويمكن لانى شوفت وسمعت عن كم حالة منهم .. بيخلينى .. اقول

الفلوس بقى كل حاجة ..؟؟ واللى مش عجبه كلامى .. يسالى نفسه الاول ..هيقدر

يتحمل ان الفلوس مش كل حاجة بجد ...؟؟

اه نسيت اقول .. ان بعد كل كلام بينى وبينى اى طرف ..بكتشف فى الاخر ان

انا اللى اكسسسسسسسسسسسسسسسسسسسسسسسسسسسسسسسسسسسسسسسب

4 اكـــــــــــــــــتب رايـــــــك:

shaimaa rady يقول...

اكسب يا عم ، هو حد قال حاجة...

بس اقولك علي سر، الفلوس فعلا كل حاجة، لكن بنسبة اقل من اللي انت قولت علية،والا كانت الدنيا اتحولت لغابة اكبر من اللي احنا فيها دلوقتي..
تقدر تقول بنسبة 85% الفلوس كل حاجة، لكن مش هتقدر تواصل بالــ 85% دول من غير 15% اللي بالحب، والحاجات التانية..

E73 يقول...

بسم الله الرحمن الرحيم
السلام عليكم ورحمة الله وبركاته

سوري يا أكتوبر أقدر أقولك طلعت منك دي أوت

الفلوس مش هنكر إنها حاجة
لكن سوري مش كل حاجة

هتقولي منغيرها منقدرش ومنقدرش ومنقدرش
هقولك نفس المنقدرشات دي هتنطبق على أي حاجة في الحياة لو حطتها مكانها

يعني لو قلت التفاهم كل حاجة هتنفع برضه
لو قلت الاحترام كل حاجة هتنفع برضه

يبقى الجملة الصح تكون
الفلوس حاجة من الحاجات لكن سوري مش كل حاجة

أه من غير فلوس مش هنقدر نعيش
لكن برضه من غير كرامة من غير أخلاق من غير دين مش هنقدر نعيش
وطبعا منساش
من غير صحة منقدرش نعيش برضه

AhMeD RaDy يقول...

شيمو

اه مش اكسب ليه .. يارب ونبى اد 15 مليار بس مش طماع اهو

اوبا يعنىانتى شايفة انها فعلا بتمثل مشكلة عويسة جدا ...

على فكرة النسبة دى هى نسبة نجاح نظرية ان الفلوس مششششششششش كل حاجة

يعنى اللى بيقولوا ان الفلوس مش كل حاجة وبيقدروا يخلوها تنجح . 1% فقط

الباقى بيقول ومش بيقدر ينجح النظرية لانه بيستسلم لان الفلوس كلللللللللللللللللل حاجة

متهيالى كداوجهة نظرى وضحت شوية

AhMeD RaDy يقول...

الزعيمة

وعليكم السلام ورحمة الله وبركاته

امممممممم لا بلاش اوت وكدا ..الزمالك فاز وانا ما صدقتى ونبى ..

وانا مش قولت ان الفلوس كل حاجة .. بس انا بقول ان احنا للاسف بنعد نقول الفلوس مش كل حاجة وبعد كدا نلاقى ان هى اللى بتتحكم فى كل حاجة ...!

وانا موافقك 90% ((10% اختلاف فكرى ومتساليش مين فكرى دا واحد صاحبى ماتعرفهويش ))

الفلوس حاجة من وسط الحاجات ... بس اديكى شايفة اهو الفلوس بقيت المتحكم الرئيسى فى كل حاجة

هى اللى بتخلينا نختار ونعمل ونقول قرارات كتيرة اوى فى حياتنا

ودا اللى انا اقصده .. ان الناس ياريت تعيد التفكير مرة تانية فى صدق الجمل اللى بتقولها هل هى فعلا تقدر تنفذ اللى بتقوله ؟؟؟؟ وهل بتعتبر الفلوس فى اخر ولا ونص ولا اول قائمة الاهتمامات ؟؟؟؟

Copyright © 2008 - AhMeD RaDy - is proudly powered by Blogger
Blogger Template