انت امبراطور

بسم الله الرحمن الرحيم

السلام عليكم ورحمة الله وبركاته




لا تصدقني إذا قلت لك إنك تعيش حياة أكثر بذخا من حياة كسرى أنو شروان.. و إنك أكثر ترفا من امبراطور فارس. و قيصر الرومان. و فرعون مصر.. و لكنها الحقيقة

إن أقصى ما استطاع فرعون مصر أن يقتنيه من وسائل النقل كان عربة كارو يجرها حصان..
و أنت عندك عربة خاصة، و تستطيع أن تركب قطارا، و تحجز مقعدا في طائرة!
و إمبراطور فارس كان يضيء قصره بالشموع و قناديل الزيت.. و أنت تضيء بيتك بالكهرباء!
... و قيصر الرومان كان يشرب من السقا.. و يحمل إليه الماء في القرب
و أنت تشرب مياها مرشحة من حنفيات و يجري إليك الماء في أنابيب!
و هارون الرشيد كانت عنده فرقة موسيقية تعزف له في أوقات لهوه و فراغه
و أنت عندك مفاتيح الراديو توصلك إلى آلاف الفرق الموسيقية، و تحمل إلى أذنك المبهج و المطرب و الممتع من كل صوت و كل فن!
و الإمبراطور غليوم كان عنده أراجوز..
و أنت عندك تليفزيون يسليك بمليون أراجوز.
و عندك السينما سكوب و السيزاما!
و لويس الرابع عشر كان عنده طباخ يقدم أفخر أصناف المطبخ الفرنسي..
و أنت تحت بيتك مطعم فرنسي، و مطعم صيني، و مطعم ألماني، و مطعم ياباني، و محل محشي، و محل كشري، و مسمط، و مصنع مخللات و معلبات، و مربات و حلويات!

و قارون أغنى أغنياء العالم يقول لنا التاريخ إن كل ثروته لم تكن تزيد على مائتين من الجنيهات بالعملة النحاسية.. و هو مبلغ تستطيع أن تكسبه الآن في شهر

و جواري الخليفة تجدهن الآن معروضات في بيجال بباريس بعشرة فرنكات للواحدة.. شقر و سمر و سود و بيض من كل لون أوكازيون

و مراوح ريش النعام التي كان يروح بها العبيد على وجه الخليفة في قيظ الصيف و لهيب آب، عندك الآن مكانها مكيفات هواء تحول بيتك إلى جنة بلمسة سحرية لزر كهربائي!

أنت إمبراطور
و كل هؤلاء الأباطرة جرابيع و هلافيت بالنسبة لك..
و لكن يبدو أننا أباطرة أغبياء جدا.. و لهذا فنحن تعساء جدا برغم النعم التي نمرح فيها

فمن عنده عربة لا يستمتع بها، و إنما ينظر في حسد لمن عنده عربتان.. و من عنده عربتان يبكي على حاله، لأن جاره يمتلك طائرة.. و من عنده طائرة يكاد يموت من الحقد و الغيرة لأن أوناسيس عنده مطار.. و من عنده زوجة جميلة يتركها و ينظر إلى زوجة جاره..

و في النهاية يسرق بعضنا بعضا، و يقتل بعضنا بعضا حقدا و حسدا

ثم نلقي بقنبلة ذرية على كل هذا الرخاء.. و نشعل النابالم
في بيوتنا.. ثم نصرخ بأنه لا توجد عدالة اجتماعية.. و يحطم الطلبة الجامعات.. و يحطم العمال المصانع..
و الحقد – و ليس العدالة – هو الدافع الحقيقي وراء كل الحروب

و مهما تحقق الرخاء للأفراد فسوف يقتل بعضهم بعضا، لأن كل واحد لن ينظر إلى ما في يده، و إنما إلى ما في يد غيره، و لن يتساوى الناس أبدا.

فإذا ارتفع راتبك ضعفين فسوف تنظر إلى من ارتفع أجره ثلاثة أضعاف، و سوف تثور و تحتج، و تنفق راتبك في شراء مسدسات

لقد أصبحنا أباطرة.. هذا صحيح.. و لكننا مازلنا نفكر بغرائز حيوانات

تقدمنا كمدينة و تأخرنا كحضارة.. ارتقى الإنسان في معيشته.. و تخلف في محبته..

أنت إمبراطور.. هذا صحيح.. و لكنك أتعس إمبراطور..


د. مصطفي محمود
............................

انا للى لافت انتباهى وانا بقرأ الجزء دا ان حتى مفهوم الغنى الدنيوى ضعيف اوى وبيختلف من عصر الى اخر .. وان ملوك العصور السابقة ليسوا هم ملوك العصر القادم ...

فيا ترى كيف حال غنى الاخرة ؟؟؟؟؟؟؟؟؟؟؟؟؟؟؟؟؟؟

هرتلة

مش من المفروض اساسا انى كنت افصل نفسى كدا .. لانى فعلا خسرت

لا انا قدرت احقق شئ من الحلم اللى اساسا كان مش موجود ولا فى الوقت قدرت امسك النجوم لا النجوم مش بتتمسك اساسا !

انا وبكل ارادة وبقوة ! انى اختار مشروع واحد فقط

مشروع اسمه انى اختار مشروع الفشل ! وكأن انا مضطر .. انا مش عارف انا مضطر ولا انا اختارات فعلا !

كرهت كونى انا .. كرهت حتى الخطوط الفاصلة .. لانها مش واضحة .. كرهت حتى المفاهيم ! اه فيها ايه !! فيها ان مش عارف ليه

الخطوط الفاصلة ! عندى بقيت شفافة .. مش قادر اشوف ليها لون اساسا هل دلوقتى كان المفروض انى اساسا اعرف ان الخطوط لازم تبقى قاطعة .. لازم تبقى محددة اوى .. بعد كل اللى شوفته اكتشفت ان فى خيط واحد بس هو اللى كان واضح .. كان محور اساسا ! وكان بعد كل السنوات دى لم يخط فى حياتى الى الخط دا فقط لا غير

خط كان واضح لانى مقتنع به .. لانى اتغذيت انى مش اتخطاه اساسا !

وهنا

تعبت اوى .. كان نفسى اوى اشوف حاجات اكتر من كدا واوضح من كدا !

حتى الاختيارات مش واضحة ساعات القرارات صعبة .. بقيت من كتر ما انا مش عارف اختار .. بقيت يا اختار يا شمال يا يمين ما بقاش عندى قدرة انى اختار اختيار يريحنى

.........


لحد هنا وققفت عن الكتابة ومكملتيش اى كلام

يعنى ايه !

بسم الله الرحمن الرحيم

انا لله وان اليه راجعون

بص يا ابو حميد يا حبيبى .. من الاخر مش هينفع نلوم على اللى انتخبوا ولا بلاش وخلينا نقول الفريق احمد شفيق ! لان انا مش عارف اصنفهم ايه بصراحة !

هل مثلا هم فاسدين .. ولا عبيد .. انا اقصد بالعبيد من يكره الحرية ! ودا واضح جدا

الخوف من الحرية ساعات بيخلى الناس تحب اوى الناس اللى بديهم بالجذمة .. ودا طبيعى اوى لناس اتربت على كدا .. تربية حسنى مبارك .. للاسف ما اقدروش يتخيلوا ان ربنا خلقهم احرار اساسا .. دا اختيار الدين ربنا ترك لينا حرية الاختيار وانت غير مجبر على اعتناق الدين !

بس هنعمل ايه بقى فى العقليات !! واحد انتخف شفيق قالى انا ضد الثورة اساسا !! احم احم .. مش هقول اى كلام قبيح لان كل الكلام القبيح لا يكفى لتعبير على الحالة المصرية

وانا بمر على الفايس بووك كدا .. لائيت جملة بتقول لدكتور / مصطفى محمود ان فى ناس بتسعى للحرية .. وفى ناس تسعى لتحسين شروط العبودية .! جبتيش حاجة من بيتنا انا اياكيش العبيد تفهم ! ولو ان ما اعتقدش اصلا

هل المشكلة بقى ان احنا مش راضيين بالديموقراطية عشان المتخلفين عقليا اللى يقولوا ما هى دى الديمقراطية .. يا عم لو عمرو موسى اصدق .. لو اى حد الا دا اصدق .. نفسى اعرف شفيق انتخبتوا على ايه بالظبط !! على المطار .. زيارة لاى مطار فى اى دولة محترمة تعرفكم الفرق .. ولو دا مقياس نجيب رئيس مطار دبى ! ويبقى رئيس قارة افريقيا ! عشان الفرق يعنى !

للاسف فى دولة زى دلوتنا .. نسبة الجهل ( عدم القدرة على القراءة والكتابة ) والفقر كبيرة اوى اسهل حاجة انك تلعب فى مجتمع فى المواصفات المثالية دى !

لاحظت اوى ان حمدين انضف واحد قاد حملة انتخابية بشرف .. صاحب مبدأ .. فخور اى بصوتى ليه .. حاسس انى هكون فخور يوم القيامة باللى عملته وهقول لربنا اختارت الافضل عملا

الاخوان طلع وزنهم ولا حاجة .. ولو الانتخابات مع الاخوان تقاد بشرف وبنزاهة الاخوان كانوا خسروا كتير .. واحب اقول ان الصوت الانتخابى كان اقل واجب 50 جنيه !

مش عايز اتكلم عن اصحاب الديانة الاخرى .. وخصوصا ان واضح اوى ان التصويت كان لشفيق ! وبتعليمات ! عادى ايه الجديد فعلا انتوا بتثبتوا انكم عايزين تكونوا اقلية !! حتى فى اختياراتكم ان شاء الله هتفضلوا اقلية !!

اثبت بالدليل القاطع ان اللى بيصوت لغير الاخوان مش كفار .. مش عاصيين لربنا .. وان الاخوان مش جماعة ربانية ولا بينزل الوحى على المرشد ! وهم راشيين والرسول قال لعنة الله على الراشى والمرتشى ..! ربنا يكرمك اللى رش واللى لم بالعنة الله قولوا امين !

انا مش هنزل الانتخابات الجاية ( الاعادة ) ودا لان انا لا هنتخب الدين فى صندوق ولا هنتخب فل من الفلول !

تعالوا نشوف ايه الفروق اللى لاحظتها
محافظات المنوفية الشرقية الغربية الدقهلية الاقصر القليوبية !!!! الرسالة وصلت !

اللهم ارزقنا بهجرة من بلد الفلول وارحمنا برحمتك يارب .. !


لا تنم و انت حزين !


بسم الله الرحمن الرحيم

السلام عليكم

لعل القليل من الكلمات لعل له معنى اكثر مما كنت اعتقد

لعله بالفعل يفرق كثيرا ... لعل محاولاتى حتى فى اضافة اوقات اضافية تعلمنى شئ وتلهينى عن شئ

اريد ان احزن ولكنى خائف من ان يكون الحزن الاخير .. كثيرا لم اكن اتصور ان للحزن هذا الواقع المرير .. ان الحزن وحده كفيل بانهاء حياة انسان والاقدار بيدى الله جل وعل

ولكن

اتذكر كلمات امى وهى تقول لى لا تنام وانت حزين ... ! والان يا امى ادعو الله ان لا انام شديد الحزن .... فقط ان انام حزينا
ليس ضعفا ولكن هكذا .. يتحول كل شئ القوة ضعف كلا وضده

اخيرا

غدا ساحاول ان اكتب .. ساحاول ان تبقى اصابعى قادرة على الضغط .. فلم يعد لديها الا ضغط تلك الكى البورد اللعينة فى العمل حتى اصبحت امقتها فى البيت

ربى ساعدنى فيما هو خير

فضفضة

لا تقلق ... انها الحقيقة
الحياة لن تعطيكى شئ مجانى .. فقط اقتنص
لا تتخيل .. لا تحلم .. فقط تحرك
اشعور بكثير بداخلى
مرهق حد السماء
الان سوف تسير الحياة للامام ..
.
.
مازالت اتذكر كيف واجهت الكثير من المتاعب فى البداية وكيف كنت اصع نفسى تحت ضغط هائل جدا من اجل الفكرة ....... وبعد مرور الوقت كانت المشكلة هى هل يمكن ان يستمر الشخص هكذا .
.
.
وسبحان الله .. اراد ان يكون فى كل شئ صعب خيرا بعد ذلك
انا الحمد لله بحمد ربنا على كل شئ حصل فى الشغل .. لانه كان فيه خير بس الواحد مكانش حاسس بدا

ما فيش شك ان الشغل حرقة دم بشكل يفوق الخيال .. والاكتر من كدا ان انت مرتبط بوقت .. والوقت بجد بالثوانى والدقايق !! الاهم بقى ان ما فيش اى نعم ترقية ولا فى شئ ممكن يتقال ان غير شئ لكن الحمد لله ربنا ساعات بيبعت شئ غريب فى قلبك يخليك ترتاح .
.
.
انا عن احمد بقى يااااااااااااه دا انا حكايتى حكاية مع نفسى .. مش عارف بجد زى ما يكون فى اشاء كتيرة جوايا لسه مش مستقرة ومش قادر انى اغيرها فيا ..
.
.
انا واثق ان فى حاجاة حلوة مصيرها هتيجى وواثق ان ربنا كبير هيخلينى سعيد يمكن اللى بيخلينى قلق هو ان الوقت ساعات مش بيكون فى صالحك عارف اناى شئ فى الدنيا مش مضمون .. بس اهو الواحد بيسعى لعل وعسى
.
.
انا ما بقتيش ادخل كتير على النت يمكن دا لانى بينى وبين نفسى مش حابب ادخل تانى على النت كتير .. مش عشان هو مكان وحش ولا هو عشان مكان لا سمح الله كدا ولا كدا .. لان لان انا بس حابب اظبط حاجات كتيرة اوى .
.
.
مش من السهل انك توصل لحاجة كويسة وانت مشغول بحاجات كتيرة
.
.
ساعات كتيرة بكون زعلان من نفسى .. وساعات بدور على حاجة حلوة اكون عملتها او بعملها .. بحاول ادور على موقف يكون حلو
اكتشفت ان ساعات الصمت فى حد ذاته حلو .. والصمت مش سهل على فكرة
.
.
ما بقتيش بحب الوم على حد افكاره واراءه .. حتى ولو كانت سبب فى اى شئ مضر بالنسبة ليا انا .. صغير او كبير المهم انك ما تلومش على حد اى شئ
.
.
فى ناس كتيرة مش بتعرف ان دخول حد فى حياتك مش موضوع بسيط ومش كلام .. الموضوع بجد بيحتاج كتير اوى .. لانك انت عزيزى الرجل هيطلب منك كتير اوى مطلوب ان تكون انت ليك كرامتك وعزة .. عشان تعرف تدافع عن كرامة مراتك وعزتها .. زميل لينا فى الشغل عمال يقولنا لازم تتجوزا يا جدعان دا انا كنت مش عايش
واعدنا نقارن طبعا ما بين انك فى البيت والناس اللى فى البيت انت مش محور اساسا يعنى ممكن تنزل الشغل وما تتغداش عادى لكن فى البيت الجديد .. الغدا والفطار والعشا يا معلم كله مظبوط على توقيتاتك انت ..!
.
.
طبعا كالعادة اعد ارغى شوية وبرده مش قولت كل اللى انا عايزه .. لسه فى كلام كتير اوى .
.
.
المدونة بتوحشنى كتير مش هنكر .. بس مش عارف ليه فى حاجة مش مخلينى اجى هنا كتير بس هتظبط ان شاء الله
.
.
يمكن فى يوم من الايام ربنا يريد ان فى شخص يكون معايا .. ويكون بيحبنى اوى ..... كل شئ قدر وكل شئ مكتوب بس بصدق جوايا حاجات كتيرة .. مصيرها تخرج بصدق :)

هكذا !


بسم الله .. بسم الله احم احم .. بسم الله الرحمن الرحيم

السلام عليكم ورحمة الله وبركاته

اعزائى ... اليكم جميعا .. جاءت الى هنا .. مقرارا انه من اجلكم يجب ان اصعبد فوق كل تلك الالم واقرر والقى بيدى فى مكانا بعيدا عن ما اهوى واحب

اقرر ان القى اليكم كلماتى لتستمعوا لها ... فانا اعرف انكم تريدون حديثى .. تريدون ان اتكلم ..!!

ولكن هل هناك ما يقال .. اذا .. فلنجعل البساط احمدى .. نعم دعونا نتحدث .. ما المانع

ارقص وحدى على خشبة مسرح .. مهلهلا مفرحا .. بصوت عالى لا ادرك لماذا .. اريد ان ابرح حنجرتى بنبرات لا تكرر

دعوة شئ ما بداخلى يتمرد ويرفض .. دعو ما انكسر بى .. يصرخ ليقول اهاته .. ورجاء لا تبكوا .. ولا تسخروا

فقط انه هكذا .. انه لا يريد ان يتعاطف معه احد .. ولا يريد ان يسخر منه احد .. اذا فلماذا يبوح .. ان كان قرر ان لا يكون منكم الا ما يرغب هو

ولكن هكذا انه طامعا فى سخاء اخلاقى لا يريد حتى ان يكون مديونا به

يسمع القرآن ويهدأ ليقول .. اللهم ... اللهم ... ولا تخرج الكلمات من بين فكيه !!

الان اريد الرقص على انغام تلك الموسيقى .. اريد ان اموت بين ذراعى عشيقتى .. نعم ما الغريب فى طلبى .. اريد ان اموت بين يديها

اريد ان اكون منهك .. ومتعب .. وحالم ... ارسم ما ارغب

اعزائى الذين لم يحضروا ولم يسمعوا ... احب ان اطمئنكوا ... هكذا تستمر الحياة

فلا داعى لان يعير كلا منا خاطرا لاخر

HELp


بسم الله الرحمن الرحيم

السلام عليكم ورحمة الله وبركاته

هو يا جدعان فى حاجة اتغيرت فى المدونات ولا الناس هى اللى قافلة التعليقات لانى لائيت ان لما باجى اعلق بتظهر الرسالة دى

Comment moderation has been enabled. All comments must be approved by the blog author.




هل دا عادى والناس هى اللى عاملة كدا ولا فى حاجة جديدة فى عالم المدونات !!!! رجاءا المساعدة


مبروك الارتباط


بسم الله الرحمن الرحيم

السلام عليكم ورحمة الله وبركاته

حبيت من دلوقتى اقول مبروك .. الف الف الف مبروك

وربنا يارب يكتب الخير باذن الله تعالى

دا اهداء من دلوقتى على الارتباط ... لان محدش عارف بكرة فيه ايه

ولان انا مش هحضر ودا شئ اكيد فحبيت اهنئ من دلوقتى

1000 مبروك

من قال


بسم الله الرحمن الرحيم

السلام عليكم

لسه فى كلام ما تقالش

^_^



مجرد تجربة .. على الفايس بووك


اضغط على الصورة ... وقولى رائيك ايه .. محاولات على الفايس بووك !!


عندما يصبح اللقب / ........


بسم الله الرحمن الرحيم

السلام عليكم ورحمة الله وبركاته

فى بداية اليوم

قرارت ان اكون انا فقط .. اخذت افعل ما لم افعله طول عمرى ..

صليت مبكرا .. دعوت لله تعالى ان يكون اليوم يوما هادئا رائعا

ذهبت الى امى قبلت راسها .. ولا ادرك لماذا !

تعجبت ولكن كعادتها دعت ..

فكرت بها وفتحت اللاب توب الخاص بى .. وكتبت عندها وبشكل علنى انا معجب بكى جدا واريد ان اتزوجك !

سلمت على البعض من الاصدقاء .. وسالت عن ابن اختى الصغير احمد .. انا بحبه جدا على فكرة ! ابنى الذى لم انجبه

نظرت اليه واخذت اداعبه مرات مرات !كانت ابتسامته كفيلة بان تكون افضل شئ تراه

ذهبت الى العمل فورا .. اتذكر ان هناك اشياء كثيرة اريد انجازها

مازالت احلم بان امتلك شقة وسيارة صغيرة .. وان يكون هناك شخصا قرر ان يكون بجوارى وانا لا املك الا الامل فقط !

وفى النهاية احب ان اطمئنكم جميعا

فانا عند ربى

برجاء تذكروا محاسن موتاكم

واراكم واقفون الان امام قبرى ولا تقلقى يا نفسى

فكنتى تتسالينى دوما اى لقب سيكون امام اسمى

فالان اللقب اصبح

المتوفى




مستمرة



تأتينى ليلا !


بسم الله الرحمن الرحيم

السلام علكيم

كنت اتاهب لذهاب بعيدا عن الحياة .. واخذ معى احلامى واوقاتى الضائعة و واغيب لما يقرب بين 6 و 8 ساعات واكون مع نفسى منفردا فى عالم اجاهد للسيطرة عليه ولا يهاجمنى عدوا غاشما ليهدم قصورى الجميلة

ولكنها أبت الا ان تاتينى !

نعم انها هى .. جائتنى فى خطواتها الهادئة .. وبرقة تفوق ما يستطيع الانسان تخيله لا ينافسها فى رقتها الياسمين او النرجس .. انها منفردة

شامخة فى شموخها شئ جميل .. شئ جعلنى احاول الابتعاد ولكن جمالها اغرانى لتنهار مقاومة النفس عن غض نظرة قلبى لها

تمنيت ان تكون آتى لى وحدى .. تمنيت ان امتلكها .. نعم امتلكها بكل ما امتلك من جزيئات جسدى واحضنها حتى تختفى تفاصيلها بداخل جسدى حتى لا اعرف ان كنت احضن اياها ام احضن جسدى

ويبدو ان الحلم كان صحيحا .. كان واقعيا اكثر مما تخيلت انها تتهادى نحوى ... ايعقل هذا .!!

اتركت ما يقرب من ال 3 مليارات من بنى البشر لتختارنى انا .. لتاتينى انا .. لتجاورنى فى ليلى .. وتؤنس وحدتى ..!!

كان الحلم خياليا بما يفوق ان يصدق ولا يطيق القلب فرحا

حتى وجدتها تسحب عنى غطائى .. وتبتسم و عاتبتنى

قائلة .. اتنام وتتركنى وحيدة .. !

الا يغرنك فِى شئ .. ام انك زاهد فِى !

وما انا سمعتها حتى التفت لابحث هنا ووجدها بجوارى نعم انها هنا .. توقفت الكلمات على شفاتى ولم تتمكن من الخروج .. !

وزادنى هما صمتى .. وزادت دقات قلبى لقربها ..

وما انا ساعدتنى على النهوض ومسحت من عنايى نعاس النوم وغلبت سلطانه .. حتى حن لقلبها حالى .. فما ان لمس اصبعها السبابة شفتاى حتى انسالت الكلمات من فمى .. واخذنا فى عتمة الليل نتجاذب الحديث والافكار ..

وما هى الا دقائق فى عمرى وساعات على الوقت حتى شقت الشمس صمت الظلام وتحدث الضوء مداعبا اياها بان وقت السندريلا حان للمغادرة

وذهبت .. ولكن

لم تترك فى هذا المرة حذاءها السحرى .. لم تترك من خلفها شئ ابحث به عنها فقد تركت ليلة فى عمرى

حلمت بها جميع احلامى .. ودق قلبى مرتعشا عشقا لها .. وانسالت كلمات الحكمة والحماقة .. وعيناى بضوء اللهفة

عزيزتى اللعوب .. اثرتى بداخلى حماقاتى وذنوبى .. وجلعتنى اعشقاك اكثر من ان اكون محبا ..

شكرا للكتابة التى تاتينى ليلا متزينة لى وحدى دون البشر



جلسة خالصة !


بسم الله الرحمن الرحيم

السلام عليكم

طلبت استدعائى سريعا .. اين صاحب الاسم اريده حالا فى مكتبى .. جائنى المدير وهو يرتعد قليلا .. يحاول اخفاء شئ ما ! واشعر بخوف اكبر مما يخفيه سالته ! لماذا .. لم يريد ان يقول شئ معين الا ان الاداء كان سئ ! وجلست وتحدثت معها ! كان حديثا هادئا حادا ! لن ابرر شئ ! يكفى ان تقرأئى بعض الاوراق ! اليوم التالى كان الرد !

هناك خوف ما يجتاح ارجاء الجسد .. لااعرف حقيقة لماذا

اخذت اضع النظارة التى اصابها ما اصابنى .. وجلست لازيد عدد الضغوط .. ولم يكن كافيا ليخرج ما ارغب !

لم ادرك ان لكل ظروفه الخاصة .. ولكل شئ ما يسعى اليه ! والدروب تنقطع للتواصل !

الساعة توقفت .. امى حزينة جدا .. فهى منذ زمن بعيد معها تعينها على ما ابتلها القدر .. وكانت تصر دائما على ان تجعلها متقدمة عن اقرانها بعشرة دقائق على الاقل !

امى .. لم تعد تتكرر الكلمة كثيرة ! امى حماكى الله لنا دائما

عفوا الوقت دائما ما ياخذ الكثير لكى تستطيع ان تحقق ما ترغب .. فهل يا وقتا تسمح لى بان استمر

25 يناير يقترب .. رجاءا لا تفرحوا ولا تفزعوا .. فقد فكروا لماذا حقا اصبحنا هكذا !

اشتياق العبد لسيده شئ لا انكره عليه .. ولكن لا تمنعونى ان احتفظ ببقايا فطرة الله فى نفسى .. ان جلعنى لا اعبد الا هو !

مثل الطفل الصغير .. اخاف كثيرا ان غابت .. واحتمى بطرف جلبابها .. وان لم تشترى لى حلوى

صديقى ( سابقا ) هيا مازال هناك متسع من الوقت دورا اخر اضافى من ال pes ... صديقى ( حاليا ) هيا اسرعوا اريد ان اذهب اليها فهى تنتظرنى على الغداء

توقفوا عن اصدار احكامكم فلم اعد اطيق !

كنت اجلس بجوارها .. سعيدا جدا .. اخيرا وصلت اليها .. كلا منا كانت ترتسم على ملامحه السعادة البالغة .. لم اشعر انها تحبنى لتلك الدرجة فانظر فى عينها واشعر بنبضات قلبها من خجلها وتلعثم كلماتها وظل الكلام بيننا لساعات ولساعات !

تكثر الحوارات .. وتكثر الرسائل .. وتكثر الاشارات .. ويكثر كرهى للغموض !

رقم ضايقنى وجعلنى استيقظ من النوم فقرارات الانتقام .. قمت اولا بابلاغ الشركة بان الرقم يضايقنى وساقوم بالبلاغ مباحث التليفونات ايضا وايضا قمت بالاتصال به اكثر من مرة ويغلق ! وارسلت له رسائل لا محدودة كنت اظنه احد الاصدقاء ... ولكن يبدو انه شخص غريب .. !

صباح الخير .. ( ....... ) .. احمد مع حضرتك .. بعض السؤال عن بعض البيانات وكانت خاطئة .. ممكن حضرتك لو سمحت توضحيلى رقم البطاقة بالكامل ! .. انت قليل ادب واغلقت الهاتف ... لم اتمالك نفسى من الضحك لغرابة رد فعلها !!

احمد : يا احمد دوس وربنا هيكرم هو انا اللى هقولك ...
امى : لا تفعل شئ الا وانت على ارض صلبة ( اشعر بكلماتها انها لا تريد تكرار المأساة .. امى اعرف جيدا ما يدور فى بالك ولانك اماً ولا ترضى لفتاة الا ما ترضياه لبنتك فانا اؤيد رائيك )


قصة صغيرة .. منقولة


بسم الله الرحمن الرحيم

السلام عليكم ورحمة الله وبركاته


وقالت إنها لا تعرف ماذا تفعل لمواجهتها ،وإنها تود الإستسلام ،فهي تعبت من القتال والمكابدة .
ذلك إنه ما أن تحل مشكلة تظهر مشكلة أخرى.

إصطحبها أبوها إلى المطبخ وكان يعمل طباخا ..
ملأ ثلاثة أوان بالماء ووضعها على نار ساخنه ..
سرعان ما أخذت الماء تغلي في الأواني الثلاثة.

وضع الأب في الإناء الأول جزر

اوفي الثاني بيضة

ووضع بعض حبات القهوه المحمصه والمطحونه (البن) في الإناء الثالث ..

وأخذ ينتظر أن تنضج وهو صامت تماما..
نفذ صبر الفتاة ، وهي حائرة لا تدري ماذا يريد أبوها...!

إنتظر الأب بضع دقائق .. ثم أطفأ النار ..
ثم أخذ الجزر ووضعه في وعاء ..
وأخذ البيضة ووضعها في وعاء ثان ..
وأخذ القهوه المغليه ووضعها في وعاء ثالث.

ثم نظر إلى ابنته وقال : يا عزيزتي ، ماذا ترين؟
- جزر وبيضة وبن. أجابت الإبنة.

ولكنه طلب منها أن تتحسس الجزر ..!
فلاحظت أنه صار ناضجا وطريا ورخوا ..!
ثم طلب منها أن تنزع قشرة البيضة.. !
فلاحظت أن البيضة باتت صلبة ..!
ثم طلب منها أن ترتشف بعض القهوة ..!
فابتسمت الفتاة عندما ذاقت نكهة القهوة الغنية..!

سألت الفتاة : ولكن ماذا يعني هذا يا أبي؟

فقال : إعلمي يا ابنتي أن كلا من الجزر والبيضة والبن واجه االخصم نفسه ،وهو المياه المغلية ...
لكن كلا منها تفاعل معها على نحو مختلف.
لقد كان الجزر قويا وصلبا ولكنه ما لبث أن تراخى وضعف ، بعد تعرضه للمياه المغلية.
أما البيضة فقد كانت قشرتها الخارجية تحمي سائلها الداخلي،لكن هذا الداخل ما لبث أن تصلب عند تعرضه لحرارة المياه المغلية.
أما القهوة المطحونه فقد كان رد فعلها فريده ... إذ أنها تمكنت من تغيير الماء نفسه.

وماذا عنك؟

هل أنت الجزرة التي تبدو صلبة..

ولكنها عندما تتعرض للألم والصعوبات تصبح رخوة طرية وتفقد قوتها ؟

أم أنك البيضة .

. ذات القلب الرخو .. ولكنه إذا ما واجه المشاكل يصبح قويا وصلبا؟قد تبدو قشرتك لا تزال كما هي .. ولكنك تغيرت من الداخل .. فبات قلبك قاسيا ومفعما بالمرارة!
أم أنك مثل البن المطحون ..

الذي يغيّر الماء الساخن ..( وهو مصدر للألم ).. بحيث يجعله ذا طعم أفضل؟!

فإذا كنت مثل البن المطحون ..
فإنك تجعلين الأشياء من حولك أفضل إذا ما بلغ الوضع من حولك الحالة القصوى من السوء .
فكري يا ابنتي كيف تتعاملين مع المصاعب‬



الرسالة وصلت ... شكرا



يا ترى هتشوفى الكلام دا !



بسم الله الرحمن الرحيم

السلام عليكم ورحمة الله وبركاته

يا خسارة كنت عايز اغير القالب بتاع المدونة وقولت اهو كم يوم كدا واطلعها بشكلها الجديد ولكن ما فيش فايدة برده مش عجبنى حاجة .. عاااااااااااااااااااااااااااااا

اكبر غلطة بقى عملتها انى مش قولت لها بحبك .. يا ريتنى قولت لها كدا وش .. بحبك يا مجنونة تصورى !

الكم يوم اللى فاتوا حصل حاجات غريبة .. كان فى كم واحد كدا فى العيلة ماتوا ... الحمد لله كله بيعدى

كان نفسى اليومين دول بالذات اشوفِك انتى بالذات جنبى .. كان نفسى بجد اكلمك اوى

لما تعبت وعملت كشف النضارة .. كنت فاكر ان اول حد هيقولى الف سلامة انتى !

رغم كل شئ انا بحترمك قبل ما احبك وعمرى ما هكتب ولا حتى بينى وبين نفسى بكلمة غلط او وحشة

اعد مع ابن عمتى .. قالى يا احمد حدد هدفك .. وسيبك من حوار الشهادة دا .. وركز وصدقنى انت تقدر تعمل كتير بس ظروفنا هى اللى بتحتاج صبر .. اعد اقول هو دا اللى نفسه اقوله ليكى .. بس مش عارف اذا كنتى هتصبرى معايا ولا لا !

مش فاكر لسه بعض الوصايا .. اتكلم مع مامتك يا احمد ... اول لما تدخل البيت اغسل الشراب .. وعلق هدومك .. ورواء مكانك ! صدقينى بقيت بعمل كدا .. بس مش بغسل شرابى وبقيت بعد مع ماما .. وبعلق هدومى ولو ما فيش مكان بحطها بنظام .. وبطبق البطانية كل يوم قبل ما انزل

فاكر تشجيعك انى اعمل حاجة . ما نسيتش على فكرة لكن بجد غصب عنى .. انا بحاول اتصل بالمركز عشان اظبط مواعيد الامتحانات
ولسه هحاول تانى !

حاولت اقرب على فكرة ورجعى نفسك وانتى تعرفى .. بس ردك كان دمه تقيل اوى خلانى محاولش تانى

كان نفسى اوريكى شكل النضارة ... ههههههههههه اختى بتقولى شكللك بقى محترم .. وطبعا انتى ما هتصدقى !

اه .. ايه اخبارك .. تصدقى بجد وحشتينى اوى .. وحشتنى لماضك .. وحشنى كلامك اوى .. فاكر لما قولت لى انت فعلا مش ينفع تذاكر مع بنات ! هههههههههههههههههههههه

اه .... مش قولت لك ان الزمالك وطن .. شوفتى بقى .. زيه زى مصر .. ! الاتنين محتاجين ادارة .. وبحب الزمالك اوى

عارفة سبب المشكلة ايه .. انى كنت فاكر انك هتعرفى لوحدك انك مش زى اى حد ومش هينفع تكونى زى اى حد اساسا وعلى فكرة هتفضلى كدا مهما كان ومهما حصل

بدعيلك بجد .. ونفسى اشوفك احسن حد فى الدنيا .. !

اه صحيح فى حاجة كان نفسى اوى اقولك عليها بس صدقينى مش هينفع اقولها الا بينى وبينك .. وانا عارف انك كنتى هتوافقى على الموضوع دا .. بس محتاج رائيك بصراحة !

اه .. هو انا قولت لك انى بغير اوى !!

بس بقى انا شكلى صدعتك اوى وكفاية اللى انتى فيه




تصدق بمين !


مخبيش عليك

مبحلمش عمرى غير بس بيك و لا ابقى الا ليك و لو ضعت منى اموت مرتيين

اسماء : انا لم امارس ال ... !


بسم الله الرحمن الرحيم

السلام عليكم ورحمة الله وبركاته

انها اسماء .. انها تعترف اخيرا .. تعترف ان ما بها ليس الا خطأ ولم يكن شئ اخر .!

لم تريد فى يوم ما ان تكون فى هذا الموقف .. او تصبح هى القصة !

لم تتبرع لتسير فى درب الاشواك .. لم تنتوى فى احلامها ان تقود .. بلا فوجئت انه القدر !

اصبحت رغم عنها فى الصدارة ولم تكن تعرف ان فى حياتها القصيرة .. وبتصميمها .. تسببت فى بكاء الكثيرين .. وكشف عوراتنا تفكيرنا العارية !

اننا جميعا اسماء .. كلنا ندفع الثمن لافكارنا .. نحن لا نتغير .. اننا فقد نرى الاخرين !

ونستطيع بسهولة ويسر ودون ادنى عناء ان نلقى بالتهم كيفما نشاء

اسماء اعلنت ان علمنا عن الحياة لا شئ .. وكم نبتعد يالسنوات الضوئية عن ابسط مفاهيم ديننا الحنيف ..!

اسماء تعترف اخيرا وتقولها فى موتها !

انا لو مت مش هموت عشان المرض اللى عندى .. انا هموت بسبب مرضكم انتم !

اسماء معترفة : انا لم امارس الجنس

.........


لم اكن فى حاجة الى ان اشاهد فيلم اسماء لاقول ما سبق .. كان يكفينى الكلمات البسيطة فى اعلانات الفيلم وحديث اكثر من رائع مع هند صبرى وماجد الكدوانى .. مع باسم يوسف !

كنت اشعر انه لابد من اكتب اى شئ عن هذا الفيلم ..

اسماء كانت ارملة .. واخذت الظنون بها ما اخذت !

اعزائى ... الايذر له طرق كثيرة ليكون فى جسدك ... يكفى ان تذهب الى الصيدلية المجاورة لبيتك !

شكرا

Copyright © 2008 - AhMeD RaDy - is proudly powered by Blogger
Blogger Template