اسماء : انا لم امارس ال ... !


بسم الله الرحمن الرحيم

السلام عليكم ورحمة الله وبركاته

انها اسماء .. انها تعترف اخيرا .. تعترف ان ما بها ليس الا خطأ ولم يكن شئ اخر .!

لم تريد فى يوم ما ان تكون فى هذا الموقف .. او تصبح هى القصة !

لم تتبرع لتسير فى درب الاشواك .. لم تنتوى فى احلامها ان تقود .. بلا فوجئت انه القدر !

اصبحت رغم عنها فى الصدارة ولم تكن تعرف ان فى حياتها القصيرة .. وبتصميمها .. تسببت فى بكاء الكثيرين .. وكشف عوراتنا تفكيرنا العارية !

اننا جميعا اسماء .. كلنا ندفع الثمن لافكارنا .. نحن لا نتغير .. اننا فقد نرى الاخرين !

ونستطيع بسهولة ويسر ودون ادنى عناء ان نلقى بالتهم كيفما نشاء

اسماء اعلنت ان علمنا عن الحياة لا شئ .. وكم نبتعد يالسنوات الضوئية عن ابسط مفاهيم ديننا الحنيف ..!

اسماء تعترف اخيرا وتقولها فى موتها !

انا لو مت مش هموت عشان المرض اللى عندى .. انا هموت بسبب مرضكم انتم !

اسماء معترفة : انا لم امارس الجنس

.........


لم اكن فى حاجة الى ان اشاهد فيلم اسماء لاقول ما سبق .. كان يكفينى الكلمات البسيطة فى اعلانات الفيلم وحديث اكثر من رائع مع هند صبرى وماجد الكدوانى .. مع باسم يوسف !

كنت اشعر انه لابد من اكتب اى شئ عن هذا الفيلم ..

اسماء كانت ارملة .. واخذت الظنون بها ما اخذت !

اعزائى ... الايذر له طرق كثيرة ليكون فى جسدك ... يكفى ان تذهب الى الصيدلية المجاورة لبيتك !

شكرا

16 اكـــــــــــــــــتب رايـــــــك:

AHMED SAMIR يقول...

للأسف الشديد
نحن نعيش في مجتمع...حافظ و مش فاهم

مصطفى سيف الدين يقول...

آفة مجتمعاتنا أن لعيوننا عيب مشترك وهو أنها لا ترى غير الآخرين عيوننا لا تستطيع التغلغل بداخلنا و رؤية ما فينا هي دائما مسلطة باتجاه آخر
حين تعرف عيوننا طريقها الصحيح عندها ربما يصلح المجتمع وعندها فقط استطيع ان اقول ان ثورتنا قد نجحت
تحياتي لك وشوقتني لمشاهدة الفيلم

دعاء العطار يقول...

" .. وكشف عوراتنا تفكيرنا العارية "

عارف يااستاذ احمد انا حسيت فيلم اسماء ده ف ايه ؟

ف البنت اللى اتعرت ف التحرير والناس سابت كل حاجه وقعدت تتكلم عليها

اتصدمممممممممممممممممت

قد ايه احنا ف مجتمع مريض دايما بنقدم سوء الظن كاننا ع علم بالنوايا .. لو بنت اتعاكست ماهى اللى لابسه كذا ... لو ولد اتقتل شوف بقى هو كان بيعمل ايه ... لو ام بكت تلاقيها عايزه تكسب تعاطفنا

هو فى ايييييييييه ؟

فيلم اسماء من الافلام اللى فيها فكر جدييييد .. بيناقش فكره جديده ... عجبتنى اوى جملة ماجد كدوانى وهو بيقول " المرض انتشر ف الدول اللى فيها جهل اكتر من الدول .. " مش فاكره الجمله بالظبط بس الجمله عجبتنى هى وجملة اسماء انا لو مت

ربنا يرحمنا من الافكار دى وينور بصائر الناس

♥نبع الغرام♥♪≈ يقول...

احمد


كل عام وانت بخير واسرتك الكريمه

يارب تكون بخير

جيت اطمن عليك
واسلم
واقولك

منتظراك فى افتتاح كوكبى

Tears يقول...

برغم الهبوط الفنى اللى احنا فيه بس كل فترة بيطلع فيلم قيم و محترم بس المشكلة انه مش بياخد حقة و الناس مش بتحس بقيمته

reemaas يقول...

سالخير

الفيلم ده لافت نظرى جدا من ساعه ما اعلنوا عنه

اول مرة اشوف حوار لابطاله كان مع منى الشاذلى

انا لو مت مش هموت عشان المرض اللى عندى .. انا هموت بسبب مرضكم انتم
اثرث فيا اوى الجملة دى وحسيتها جدااااااااااا

مجتمعنا محتاج غربلة افكار ياحمد علشان يتمدن

AhMeD RaDy يقول...

AHMED SAMIR

بصراحة .. اظاهر كدا!

AhMeD RaDy يقول...

مصطفى

صح يا مصطفى عيوننا لا ترى الا عيوب الاخيرين

والله يا مصطفى بجد بجد فعلا محتاجين ان العيون ترى ما بداخلنا ! لنخرج افضل ما فينا

وانا كمان نفسى اشوفه باذن لله تعالى !

AhMeD RaDy يقول...

دعاء العطار

فى ايه يا دعاء !

تصدقى والله نفس الفكرة اللى جت فى دماغى نسيب الاساس ونمسك فى التفاهات

بالظبط يا دعاء احنا فى مجتمع مش طايق جلده اساسا ! تحسى اننا فى كل حاجة فعلا فارضيم سوء النية ! بس بينى وبينك ساعات من كتر ما بنشوف بقينا نفرض سوء النية .. يمكن لان هم خلونا نكره النية الطيبة !!!!!

فليم يستحق المشاهدة بجد

فعلا يا دعاء اتمنى دا .. نتخلص من افكارنا ورينا يهدينا يارب

AhMeD RaDy يقول...

نبع الغرام

اهلا ومرحبا بعودتك مرة اخرى لعالم التدوين

وانتى طيبة يارب الله يخليكى يارب

انا روحت فعلا ويارب تكون خطوة اولى نحو ابداع جديد

AhMeD RaDy يقول...

Tears

اتا معاكى .. بس الكويس لازم الناس تتكلم عنه .. يمكن لما فيه حد يتكلم هيكون فى ناس اكتر واكتر تعرف بد ان فى حاجة حلوة بجد تستحق المشاهدة

AhMeD RaDy يقول...

reemaas

سالنور

كويس يا مسهل اهو يا دموع الحاجة الكويسة بتلفت النظر

لا حوارهم مع باسم يوسف تحفة بجد جامد جدا

جملة من الاخر بصراحة حلوة جدا ومعبرة اوى بتحسسنى اد ايه الناس بتظلم بعض كتير !!!

مجتمعنا محتاج عدل اوى .. عشان مش شوفنا للاسف ! وساعتها هنلاقى فى موازين كتيرة اتظبطت

Bent Men ElZman Da !! يقول...

انا مش شوفت الفيلم
بس شوفته بنفس نظرتك دى من الاعلانات ولقاء هند صبرى وماجد الكدوانى مع باسم يوسف
احنا مجتمع لسه مش قادر يفهم ويستوعب ثقافات كتير
منها ان مريض الايدز مش شرط يكون مخطئ "ويستاهل اللى حصله"
بس ممكن اوى يكون ضحيه اكتر

P A S H A يقول...

طرحك للفيلم أكثر من رائع ، أحييك عليه بشدة :)

دمت مبدعاً
تقبل مروري وخالص تحياتي وعميق احترامي وتقديري وحتتين جاتوه
:)

AhMeD RaDy يقول...

Bent Men Elzman Da !

حتى الان ولا انا

كان لقاء جميل اوى بصراحة .. خلانى غصب عنى اكتب عنه حاجة

فعلا يا بنت .. بس مين اللى يفهم بقى .. يمكن وجود الاراء اللى انا شايفها فى الوقت الحالى تكون الحجر اللى يحرك المياه الراكدة فى افكارنا

AhMeD RaDy يقول...

Pasha

انا اللى اشكرك جدا جدا على تعليقك بجد

هههههههههههههههههههههه

تصدق انا قولت السطر الاخير دا فيه حاجة مش مستريح اوى بصراحة لاول كم كلمة

وفى الاخر ترسى على حتيتين جاتوه .. فين البيبسى بقى ..!!! 0_@

Copyright © 2008 - AhMeD RaDy - is proudly powered by Blogger
Blogger Template