يوم الجمعة على الصبح

بصوا بقى .. الكلام اللى تحت دا انكتب يوم الجمعة الصبح ... وماكونتش لسه عارف

بالكارثة الانترنيتية المهم بقى شوفوا انا كنت كاتب ايه لدرجة انها اول

مرة اكتب برة المدونة وانقل ليها ..متعود اكتب على طول وانشر ..مش بجهز



صباح العسل يا عسل

اهلا اهلا بكل زائر كريم .. النهاردة ايه يا حلويين ..!!!

عاتى عاتى .. الاجابة المعروفة النهاردة يا عمو احمد .. الدومعة .. يوم الاجازة يعنى

صحيت كالعادة الفجر .. على 5 كدا ولا يمكن حتى 4 . المهم .. قومت .. ولائيت بطنى بتجعر .. سورى

كلمة بتصوصو لا تتناسب مع حجم المعارك الحربية الداخلية

واعد بدور على اى حاجة ارميها فى بؤى ..مافيش ..

روحت فتحت كيس العيش وجيبت رغيف عيش بلدى .. وطرخ كان فى 5 دقايق استقر استقرارا فى المعدة . واعلنت الهدنة المؤقتة بين القوات المتحاربة

وجريت على جهاز الكمبيوتر اللى اساسا بفتحه قبل ما عنينى تشوف اى حاجة .. وكالعادة النت بايظ ومافيش نت

المهم فضلت اعد احاول محاولات فاشلة جدا لاستعاد ولو شوية بجنيه ادخل بهم على المدونة

بس ولا كان فيه حتى بربع جنيه ... روحت على ال T.V

وفتحت على القناة المظفرة النيل سينما اللى ما بشوفهاش غير ابيض واسود

زهقان يا جدعان .. قولت اقوم اعمل نسكافيه معتبر .. كدا

وعلقت على المية ودلوقتى بقى احط النسكافيه والمبيض .. اسمه كدا وعشان البريستيج نسميه الكريمار يلا عن ما حد حوش وما لا يقل عن 3 ونص ملاعق (لغة بقى ) سكر

زهقان برده .. رحت رايح على كيس العيش للمرة الثانية وقطعت حتة صغنونة والله المرة دى كانت صغنونة طبقا للمواصفات القياسية الاحمدية .. وروحت على علبة السكر .. نسيت اقول انى بين حين واخر بحب ادوق السكر يعنى .. مش طفاسة ولا تلقيط على راى امى

وعملت شنكويتش سكر كداعلى السريع ... واتزلط زلطا فى المعدة الكريمة .. اعانها الله على ما افعل

المية كانت غليت . وكويس انها مش بتتكلم لانها كانت ممكن تستخدم كلمات ابيحة فى اعتراضها على تنفيضى لها

المهم شربت النسكافية المعتبر .. ولان الطفاسة طبع كان فى اكبر مج موجود ... وبشرب بقى ومتمزج

واذ فجاة بعد ما خلصت .. ابص كدا الائى ان النسكافية كان بالارز .. اه والله .. بالارز ..روحت بصيت كدا على السكر .. اكتشفت الحقيقة

ان السكر بالارز .. ولغاية دلوقتى انا ببحث عن هذا السر ورا الاندماج الارزى السكرى .. رغم الحدود الكيسية التى يتمتع بها كلا من الطرفيين ؟؟؟


بصوا بصوا

هقولكوا على حاجة .. انا مش عارف اكتب ايه اساسا ..

بس انا فرحان .. ليه مش عارف ..؟؟ تقريبا الهبل ابتدى يطلع

طب ونبى لانكد على نفسى لغاية ما اعرف انا فرحان ليه .؟؟؟؟

بس ها بقى .. هى نفسى مش تعرف ان الانبساط من غير سبب .... عيب

6 اكـــــــــــــــــتب رايـــــــك:

♥ R ♥ يقول...

هههههههههههههه بعيداً عن حالة الفجعة اللي عندك دي (اللي هي العادي بتاعك طبعا)
ربنا يبسطك دايماً يارب وتيجي تطلع هبلك هنا
وعلى فكرة بلاش ترخم على نفسك وتسألها هي مبسوطة ليه سيبها يا أخي مبسوطة وخلاص إيه الناس دي

AhMeD RaDy يقول...

فجعة ..

طب ياريت .. ونبى كانت شوية ايام موز

بس ترجع ..ليت الفجعة تعود يوما

يارب ونبى يا اخت ترميمات ... انا تقريبا

هعلن عن هدم ابراج عقلى كاملة

وربك يستر بجى .. وياررررررررررررررررررررب

انبسط يارب

وبلاش تشريد عن حالةالفجعة دى

E73 يقول...

لأ سوري برضه (لتاني مرة سوري في يوم واحد)
هو حضرتك بعد ما بالهنا والشفا والله يرحم معدتك أكلت سنكوتش السكر مأخدتش بالك طول الرغيف إن في أرز في السكر
وأخدت بالك بس في النسكافيه؟
ربنا يبسطك كمان وكمان يا رب
بس أنا بالنسبالي الطبيعي لما بصحى بدري لوحدي من غير ما حد يرزل عليا ولا المنبه يروشني بيكون مزاجي عالي برضه
بحس إن جو الصبح فيه بركة جامدة بجد
أما من ناحية تنكد على نفسك دي ربنا يكرمك بقى لأن واضح إنك نكدت عليها بزيادة شوية

و كمان حاجة إبعد بقى بريحة النسكافيه دي لأني لمجرد ريحة المنبهات دي عموما بشعر بالغثيان(بقولها بلفظ نضيف أهو علشان بس اللي بيقرفوا)

هما كل اللي إسمهم أحمد بالمنظر ده ولا إيه؟

AhMeD RaDy يقول...

ايناس

فى ايه ؟؟ كل شوية سورى سورى .. انا ابتديت اشكك فى قيام وحد عربية .. السوريين كتروا ..:D

وايه الله يرحم معدتك دى .. هى ماتت ولا ايه .؟؟

انا قولت سنكويتش مش رغيف الرغيف دا كان اول لما صحيت .. وتصدقى كنت بحس ان فى حاجات طعمها غريب فى بؤى فعلا .. بس ما كونتش فاضى بقى اعرف ايه دا

بينى وبينك الصبح دا روقان موت ..دا احلى حاجة فى الدنيا اساسا

هو انا تقريبا بنكد عليها كتير . بس خلاص بح ما فيش اى نكد عليها تانى باذن الله تعالى ..

يا الفاظاتك النضيفة .. قولى هترجعى وخلاص هههههههههههههههههه يع يع

مالهم بقى اللى اسمهم احمد ... ؟؟ ها
قولى . انكرى انكرى الاعتراف مش هيفيدك

nogaaaaa يقول...

اولا و قبل اى شىء الف مبروك على شكل المدونة الجديد بجد جااااااااااامد جدا جدا ........ المهم انا مبسوطة ان مودك كويس و بالنسبة للطفاسة فانتا اكتر واحد لازم تتطافس علشان ترجع ترد و يكون فيك صحة تدخل الجيش
و ربنا يفرحك و يبسطك كمان و كمان

AhMeD RaDy يقول...

يااااااااااااااااااااااه

مش ممكن اخير افتركتى ان فى مدونة وكدا .. صباح الخير يا حجة

وربنا يارب يبسطك اكتر واكتر يارب

Copyright © 2008 - AhMeD RaDy - is proudly powered by Blogger
Blogger Template