بسم الله الرحمن الرحيم
خلاص بمنتهى البساطة وبكلمة وداع مش هشوف ليها تعليق تانى .. مش هشوفها تدخل تعلق
على المدونة بتاعتها .. مش هعرف حتى اخبارها .. يااااااااااااااااااااااااااااااااااااااااااااااااااااااه
معقول كدا .. هى الدنيا غدارة كدا .. انتى فين يا شيماء ...؟؟
انا عارف انك مش تعرفينى .. وعارف انك حتى ممكن تكونى مستغربة اوى ازاى انا بقول كدا
وبعيط اوى كدا ليه .. ويمكن انتى الوحيدة اللى شايفة دموعى دلوقتى .. عارفة يا شيماء
انا بعيط لانى مش مصدق معقول انا حتى مش عارف اكتب ايه اساسا
انا بجد مش عارف
شيماء يا جماعة هى صاحب مدونة اخر بوست ليها كان بتاريخ 24 يوليو 2007
غياب لاجل يعلمه الله
((دا العنوان ))
حقيقى وحشتونى جداااااا
ومش عارفه هتوحشونى لحد امتى
لكن كل اللى متأكده منه انى محتاجه دعواتكم
التجربه الصحيه اللى بمر بها مش بسيطه
اذا ربنا كتب لى الشفاء منها هاحكى لكم عنها بالتفصيل
تحياتى لكم كلكم
وبعد كدا خلاص .. شيماء ما قدرتش تقرا ولا تشوف اى تعليق جديد على اخر بوست دا
انا بالصدفة دخلت مدونتها ... وعجبتنى كل شئ فيها .. الهدوء الكلام كل شئ ... واو لما عرفت ان هى الله يرحمها يارب متوفية من بدرى
ما تتصوروش انا بجد حصل ايه ... بكيت .. وانا بكتب دلوقتى البوست دا بكيت .. انا مش عارف حتى
ببكى ليه اوى كدا ... ولا بكتب ليه البوست دا
ربنا يرحمك يا شيماء ويرحم جميع موتنا يارب
دى المدونة بتاعت شيماء
9 اكـــــــــــــــــتب رايـــــــك:
انا لله وانا اليه راجعون
لا حول و لا قوة الا بالله ...... انا لله و انا الية راجعون ..... اللهم اشملها بمغفرتك و ادخلها فسيح جناتك يا رب العالمين ... و يا رب يصبر اهلها و كل الناس الى بتحبها يارب
غروب
هعلق اقول ايه مش عارف .. انا حتى م عارف ايه كل اللى حصلى دا ...؟؟ مع ان كل اللى حصل زيارة لمدونة
واكتشفتى ان صاحبتها ....
انا لله وانا اليه راجعون
نوجا
ربنا يارب يجعل كل دعاء ليها مستجاب ويرحمها ويغفر لها ويعفو عنها
ربنا يارب يحاسبها برحمته ولا يحاسبها بعدله
انا بسببها بكيت اوى لدرجة انى مش قدرت اتحكم فى دموعى
ولغاية دلوقتى نفسى افهم ليه ؟؟؟
أحمد انا بجد مش عارفة ايه اللي حصل معرفش ليه بكيت قوي لما قريت البوست ده حتى من قبل ما افتح مدونتها
ربنا يرحمها ويغفرلها ويتجاوز عن سيئاتها
نفس الصدمة عشتها اول معرفت و فضلت ايام مذهولة مش عارفه اعمل شئ رغم انى معرفهاش
كانت بتدخل مدونتى جاهينيات و كانت متابعة جيدة و انسانة خلوقه و رائعة
اتاثرت بموتها لدرجة قررت اعمل لها بانر على السايد بار بمدوناتى عمرى محشيله ابدا يا ريت انت كمان تضيفه
http://img225.imageshack.us/img225/3793/shicoouf2.gif
ربنا يرحمك يا شيماء اكيد انتى فى مكانه احسن من هنا بكتير
الفاتحة على روحها
رضوى
تعرفى انا صدمت لما عرفت الموضوع دا
اتهزيت اوى من جوة .. اتهزيت مش عارف ليه ؟؟
كانت صدمة قاتلة فعلا .. سبحان الله انسانة معرفتى بها كانت بس من يومين ...
عن طريق مدونتها .. وبعد كدا فجاة ..تعرفى ان اى انتظار لرد منها مجرد سراب وخيال
ام منة الله
تقريبا فعلا دا حصلى .. ولغاية دلوقتى بفتح مدونتها .. واقرى كل شوية بوست ليها وتعليق الناس وردودها
ربنا يارب يرحمها ... حاسسها نقية اوى
ونضيفة اوى من جوة ... ربنا يارب يرحمها يارب
وبالنسبة للبانر .. جارى اضافته
السلام عليكم ورحمة الله وبركاتة..
جايز انا هرد در مختلف عن كل اللي رد هنا..
في البدايةاهم حاجة لفت نظري في البوست ده، وهي الاسم..
استغربت في البداية، وقلبي وجعني قوووووووووووووي لحد ما كملت، ومحاولتش ادخل المدونة، لانها نفس اسمي، الله يرحمها، ويغفرلها..
مدخلتش ليةالمدونة.؟؟ متحملتش اتخيل اكتر من كده ان حد يكتب عني بعد وفاتي نفس الكلام ده..
بجد بجد مكنتش قادرة يا احمد اني احس بده دلوقتي، بس كلنا مكتوب علينا نفس المصير...
بوص بجد انا مش عارفة اكتب اية، يمكن موجوعة اكتر لاني مش بس حطيت نفسي مكانها ، انا تخيلت السيناريو، في ان أنا شخصيا وبأسمي، وده اللي واجعني قووووي..
ااااااااااااااااااااااااااااااااه
ربنا يحرمها ويغفرلها ما تقدم من ذنبها وما تأخر...
ياريت تبقا تعرفني احط ازاي البانر لاني مش عارفة..
ويمكن بعد وفاتي اناكمان الاقي اللي يفتكرني بدعوة حتي..
الله يرحمها
إرسال تعليق