بسم الله الرحمن الرحيم
الجملة دى .. كتبتها ايناس فى تعليق على الموضوع السابق على طوووووووووووول
وكانت بتسال ايه رائى عن المقولة دى .. وهل هى مقنعة بالنسبالى ولا لا ؟؟؟
هنا يا جماعة بصراحة ومن غير ما اعرف
لائيت نفسى فجاءة تخيلت المراة زى الوردة .. اللى فى انحناءه موت .. بتحتاج معه رعاية واهتمام خاص .. بيتمثل
عندها فى الحب والمشاعر الراقية من غير اى حدود .. بتحتاج بجد للتغذية العاطفية دى .. لانها بجد بتكون
.
عندها بمثابة الهواء والماء
وتخيلت الرجل كالصبار .... فى انكساره الم لان علشان تقدر ترجع الصبار دا بتتالم بشوكه الحاد
بين الحالتيين ...
لائيت .. ان المراة فى تالمها بتبقى محتاج للحب ... لانه علاجها الوحيد .. لانه بجد بيديها كتير اوى ... وفى عز المها
تقدر كلمة صادقة بجد ... حقيقية بجد ... تهون كتيرررررررررررررررررررررررررررررررر جدا
ام الرجل فى المه بيكره ... بيكره كل شئ تسبب فى المه .. بيكره اى شئ يحسسه بالانكسار حتى وان كانت الحبيبة
ودا اللى ساعات مش بتتقهم المرأة ....
دا كان راى ..
مش قادر اقولك المثل صح او غلط .. لكن انا شوفته بزاوية خليتنى فى الاخر اقدر اقولك
اه المثل صح ... حتى لو مش مقتنع به 100%
13 اكـــــــــــــــــتب رايـــــــك:
أكيد وجهة نظرة
لكن أنا مش ببرر صحة المثل ده من السبب للنتيجة
لكن أنا ببرره بالعكس
يعني ايه؟
يعني أنا بفكر فيها من ناحية إن ربنا لما خلق سيدتنا حواء خلقها من ضلع سيدنا آدم أثناء نومه (حتى لا يشعر تجاهها ببغض أو الكر) وعلى الرغم من ذلك فإن المرأة عند الحمل تظل تحمل طفلها 9 أشهر كاملة -إن لم تنقص- وفي لحظة الولادة تولده وهي في كامل قواها العقلية و كامل يقظتها
لكن فعلا سبحان الله حاجة ربانية إن فعلا لو الأم دي محستش بالألم تجاه المولود ده بيترتب على ذلك إنها مبتكونش حريصة قوي عليه زي الأم اللي تعبت في ولادة طفلها-ولكل قاعدة شواذ- لكن برضه ببرره بمثل تاني بيقول ما أتى بسهولة يذهب بسهولة
وشكرا جدا على البوست ده
ممكن
......
السلام عليكم
الموضوع لم أكون به رأي محدد حتى الآن ولكن دعوني أرى آراء الآخرين
أحمد رأيك منطقي جدا
والبقية تأتي
كل سنة وانتم طيبين وهفضل أقول كده لغاية ما العيد يخلص
سلام
جهاد مشالي
انا مع المقولة دى 100 فى 100 الواحدة لما بيتجرح قلبها من غير ما بتحس بتلاقى نفسها بتتشد للاول قلب حنين لانة بيكون بالنسبة ليها هو دة الى هيداوى جرحها بتتشد لاول ايد حنينة تطبطب عليها حتى لو كانت الايد دىمش لحد قريب منها مش شرط تحبة بس بتحب حنيتة و بتفضل فكرة انة هو دة الى طيب جرحها فى الوقت الى محدش كان جنبها دة بالنسبة للجزء الخاص بالمرأة لكن بالنسبة لجزء الراجل فميحكمش علية اذا كان غلط و لا صح غير الراجل .... دة راى المتواضع
بس عارف يا احمد المشكلة ان الحب دة بيكون فى اغلب الاحيان مش حب حقيقى و الى بيتظلم فى الموال دة كلة الحد الى بيحبك و بيئدم المساعدة و بيديلك الحب و الحنان من غير ما يستنى منك حاجة و مش بيبخل عليك بحاجة ... علشان كدة مش لازم الواحدة تكون انانية و تستغل حب الحد دة ليها... و متمشيش فى الموضوع دة غير لما تكون متئكدة انها على الاقل ممكن انها تنسى جرحها و تدة لقلبها فرصة فى حب جديد بس طبعا بعد ما يطيب جرحها او على الاقل يبتدى انة يطيب... لانة من الظلم انك تجرح حد بيحاول انة يطيب جرحك
عجبتنى اوى تشبيهاتك
رغم انه كلام قديم يكاد يكون معروف الا ان الصوره وصلتنى اوى منك
حكايه الورده والصبار هاااااايله يا احمد
كل سنه وانت طيب
بصى يا ايناس ...
واخدة بالك .. من كلامك ... انتى بنفسك بتقولى انها طبيعة خلقها ربنا .. فى بنى البشر ...
وسبحان الله فعلا ... المرأة اى مرأة بتحاتج معاملة خاصة جدا .. ش قولتلك وردة
ويمكن بما اننا فى ايام حج .. فا مش هفكرك بتوصية الرسول لنا للنساء
ولو ان يا ايناس .. للاسف الطبيع المختلفة للمراة عن الرجل بتستغل كثيرا غلط من الطرفيين .. بين الاستبداد... والاستهبال ..!!!
ملحوظة
اصعب شئ على الرجل ... هو كلمة اى عشان كدا ... تالم الرجل بجد صعب
وانتى صاحبة فكرة البوست مش انا وانتى اللى شكرا
احتمال
......
وعليكم اليلام يا جهاد
واحنا فى انتظار رايك اكيد
بس ما تتاخريش ..
وربنا يارب يكرمك على ذوقك .. دى شهادة اعتز بها جدا .. يا جهاد
بالنسبة بس لل البقية تاتى .. هو فى ضرب .؟؟
وكل سنة وانتى طيب .. لغاية ماالاعياد كلها تخلص
بصى يا نوجا
رائيك حلو جدا .. بس حكاي اول قلب بتقابله حنين .. دى فيها كلام
لان اى نوع من الجروح .. هل هو جرح جرح ولا استهبال .؟؟
لان للاسف الشديد ... فى بنات بالنسبة لها اى موقف يبقى دا جرح .. وخلاص ..
ودا بصراحة انا مش فاهمه .. اوى
امهم انها لازم تعرف ان اللى ادامها دا انسان .. وطالما بيقدم حنية وحب زى ما بتقولى .. وحد كويس ... اعتقد كدا انها مش هتحتاج حاجة تانية ...وبكدا الجرح الاول هيداوى لوحده اتوماتيك ...
وتسلمى على رائيك يا نوجا .. وربنا يارب يسعدك .. مع حد حنين
وانا عجبنى مرورك المميز
وهو فعلا كلام قديم .. سورى بس هو دا الى جيه فى دماغى ساعتها
انتى اللى هايل يا غروب والله .. وربنا ما يحرمناش من تعليقاتك يارب دايما كدا
وكل لحظة وانتى افضل يارب
تامر حسنى بيقولك ايه
اكرف البنت تحبك حب البنت تكرفك
هو كدا بالظبط البنت ما بتحبش ان الواد يكون بيحبها وبيموت فيها لكن بتحب انه يكون بيحبها ومخبى عليها وان تصؤفاته هى اللى تدل على كدا ولو حسيت ان الولد اللى بتحبه دا بيحبها وبيموت فيها بتزهق منه
لكن بصراحه انا معرفش الحب ايه بالنسبه للرجاله لانى للاسف بنت من زماااااااااااااااااااااااااان ومجربتش ابقى رجال
مع انى دايما كان فى امنيه فى حياتى ومامه كانت بتستغرب منها جداوهى انى كن نفسى ابقا ولد لمدة اسبوع علشان اعرف هما بيفكروا ازاى وتصرفاتهم دى نتيجه لايه واعرف احلل شخصيتهم
وبس
وهو دا كان رائى
يعنى كلما تألمت المره احبت
يعنى المثل 100 % صح لان الحب بلا الم ليس بحب
لازم يمر حالة الم علشان الواحده تتاكد انها بتحب وبتتحب
إرسال تعليق