كشفت دراسة خطيرة بمركز معلومات دعم واتخاذ القرار التابع لمجلس الوزراء ان مصر اصبحت الاولى على مستوى العالم فى حالات الطلاق.
وقالت الدراسة ان معدلات الطلاق خلال الخمسين عاما الماضية ارتفعت من 7% الى 40% وان اليوم الواحد يشهد 240 حالة طلاق ليبلغ اجمالى عدد المطلقات فى مصر 2.5 مليون مطلقة.
واشارت الدراسة التى استعانت ابلجهاز المركزى للتعبئة والاحصاء الى ان 40% من حالات الزواج انتهت بالطلاق.
واضافت الدراسة ان 50% من حالات الطلاق فى مصر تقع خلال السنة الاولى وان معظم المطلقين لم يتعدوا سن الثلاثين.
5 اكـــــــــــــــــتب رايـــــــك:
السلام عليكم
للأسف ده اللي حاصل
وده بقى حال مصر
قلة فرص الزواج
وزيادة فرص الطلاق
تضاعف حالات التحرش
ربنا يستر علينا يارب
تقبل تحياتي
انا م عارف اقولك ايه بجد ... بس معاك حق .. واحصائيات الطلاق فعلا فى تزايد ...
ربنا يستر علينا بقى .. انا هتجوز واخلع :p
ياعم
بيتهيئلى ان السبب فى دة ان المقايس الى الناس بقت بتتجوز على اساسها مبقاش الاساس هو الانسان بقت الغالبية دلوئتى بقت بتفكر فى الماديات و بناء علية البنت مبتشوفش غير الشقة و العفش و العيشة الى هتعيشها و مش بتفكر فى الانسان الى هتعيش معاة و ممكن كمان الولد يفتكر انة علشان جاهز يقدر ياخد اى واحدة شافها و عجبتة ما هو جاهز ... و طبعا مش بيبقى مهم بالنسبة لهم انهم يدرسوا و يشوفوا هل هما مناسبين لبعض .. طباعهم فيها شبة من بعض و لا اية ؟ طبعا مش كل البنات كدة و مش كل الولاد الجهزين كدة بس للاسف الغالبية العظمى بقت كدة
السلام عليكم
هيكون ليه؟
المشكلة في التظاهر والتعامي وعدم التوافق
ماهو اكيد اللي بيتجوزا بيكون ليهم قبل الزواج اسر عايشين فيها
اكيد في ناس كتير مستحملاهم لحد ما وصلوا لسن الزواج
في اسباب كتير منها الصورة الخيالية عن الزواج
منها عدم الاستعداد لتحمل المسئولية
منها الخداع والغش
منهم ان كل واحد مش راضي يعدي للتاني حاجة مش راضي يتغاضى زي ما كان الرسول عليه الصلاة والسلام بيعمل
تغاضى عن الحاجت اللي عارف انها غلط واللي الطرف التاني عارف انه غلط فيها ويكفيه شعوره بالذنب فيها مش تغاضي بقى مع ازلال وتقول ابقى افتكر انا عدتهالك
لأ تغاضى وفعلا اعمل مش واخد بالك علشان المركب تمشي
لكن مش تتغاضى على البر
احنا بنتكلم بعد ما وصلنا لعمق المحيط
التظاهر من اكبر المشكلات ليه مش كل واحد يبقى واضح وصريح من البداية
ليه بنحاول نبعد عن الناس اللي عارفة كل غلطاتنا ونقرب من الناس اللي احنا عارفين غلطاتهم وهما جاهلين بغلطاتنا
ليه بنحاول نحط المشانق لبعض؟
الحياة ابسط من كدة بكتير
الحياة امتحان ونتيجته حتما هتيجي
نجاح بقى او سقوط
المهم انت باصص فين اثناء الامتحان
وياريتك متكونش باصص على سن القلم
الموضوع كله يتلخص فى انه ماعدش فى وقت الواحد يعرف كل حاجه عن التانى وفى فترة الخطوبه اللى مفروض انها فترة الاختبار كل واحد بيظهر احسن ما عنده للتانى وبعد الجواز كل واحد بيبان على حقيقته وبعدين ماهو من الاول ليه يعنى الواحد يستنى للاخر لحد ما الدنيا تقع فوق راسه لولا انه يظهر على حقيقته
والسبب الاكبر دلوقتى الانفتاح اللى احنا فيه كل شاب عايز يتجوز دلوقتى بيدور على واحده يتجوزها يكون معروف عنها انها مؤدبه ومش بتكلم شباب وبيبقا دا عن طريق جواز الصالونات اللى الواحد او الواحده بيوافق على التانى من خلال الشكل الخارجى بس وطبعا لو هو بيعرف واحده مقتنع بيها جدا وبكلمها سواء على النت او غير النت مش بيرضى تبقا هى مراته بيقول دى تبقا مراتى وام اولادى وهى كانت بتكلمنى اضمن منين انها مش تكلم حد تانى بعد ما نتجوز ولما يتجوز واحده غيرها بيدور على الصفات اللى كان بيحبها فى التانيه وللاسف مش بيلاقيها وبالتالى بيلجأ لحل الطلاق
ربنا يستر علينا يارب
إرسال تعليق