تجربة (1)

بسم الله الرحمن الرحيم

دا اول بوست انشره من مذاكراتى وانا فى الجيش .. وزى ما هتشوفوا هى مجرد مذاكرات عن الحياة والتجربة يعنى بعيد عن العسكرية انا بكتب المذكرات كتجربة فى حياتى اراد ربنا يكون عمرها سنة

هيبقى تصنفها

سنة فى علم الحياة

بسم الله الرحمن الرحيم

النهاردة 23 - 2 - 2009

اه اليوم دا يوم اتنيين المهم بقى ان اليوم ماكانش ... اممممم مش عارف بصراحة اذا كان حلو ولا لا بس المهم انه عدة ودى اهم حاجة فى الجيش

ان ايامك تعدى وتفوت فكرة كتابة المذاكرت دى صاحبة الفضل فيها هى ايناس E73 لما قالت لى ما تكتب ايه اللى بيحصل وبعد كدا تقوله فقولت وماله اجرب

انا رجعت من الاجازة اخيرا ودلوقتى جوة المعسكر وعلى سريرى ياه الاجازة كانت لذيذة وحلوة مش عارف ليه ؟! يمكن لا اللى شوفته فرحنى
هقولكم بس مش تقولولى انى عبيط ... اولا ردود الناس بجد فرحتنى جدا وحسيت كدا ان انا فى ناس فاكرانى
ثانيا المنتدى ... اه بجد المنتدى حسيته اتحرك واشتغل والاستايل الجديد والروح اللى ابت فيه فرحتنى جدا جدا وكمان ان ايناس ابتديت ترجع لسابق عهدها ودا كويس

على فكرة كنت مختلف مع ايناس فى حاجات كتيرة الاول بس احقاقا للحق هى انسانة رائعة ... كنت قبل ما اشى اختى طلبت منى انى اروح المكتب اسلم عليها قبل ما امشى على طول ورحت فعلا كان فيه هناك بنت ..عمرى ما شوفتها رغم انها جت البيت كذا مرة المهم ان هى عملت لما روحت هناك حتة كوباية شاى تحفة اصل انا مش بشرب شاى من اى حد .. بصراحة البت طلعت عسل بلاش حد يفهمنى صح .. اقصد غلط

وطبها اعدت شوية بتلكك بقى الله .. ومشيت

اليوم كان عادى جدا النهاردة لا جديد.. وربنا يستر .على فكرة انا قولت اكتب لعل وعسى اقدر اكتب كويس بعد كدا