شوف كدا ...!

هذه الحقائق سوف تصدمك

عدد اليهود في العالم 14 مليونا.

عدد العرب والمسلمين في العالم 1.6 بليونا.

كل يهودي يقابله 114 من العرب والمسلمين.

لكن الـ 14 مليون يهودي أقوى من المليار و 600 مليون مسلم.

لماذا؟

الذين حركوا التاريخ وغيروا اتجاهه كانوا من اليهود، منهم: آينشتاين وفرويد وكارل ماركس ..

على مدى القرن الماضي فاز 180 يهوديا بجائزة نوبل، مقابل (3) فقط من العرب والمسملين.

الشركات العالمية العملاقة كلها في أيدي اليهود ومنها:

كوكا كولا – ستاربكس – أمازون.كوم – جوجل – أوراكل – دل – باسكن روبنز – دنكن دونتس الخ ...

المثقفون والاقتصاديون والسياسيون الذين يرسمون خرائط العالم السياسية والاقتصادية من اليهود مثل:

كسينجر – ألن جرينسبان – مادلين أولبرايت – يفجيني بريماكوف – ساركوزي - وغيرهم كثيرون.

الإعلاميون الذين يشكلون الرأي العام العالمي من اليهود:

روبرت مردوخ – توماس فريدمان – باربرا وولترز – وولف بلتزر .. وكاثرين جراهام ..

لماذا هم أقوى؟

هل هم أذكى؟ ........... لا

هم يملكون القدرة على إنتاج المعرفة وصناعة العلم وإبداع ونشر الثقافة .. لأنهم يخططون ويقرأون

هم يقدرون ويوظفون الإدارة ..

نحن فقدنا القدرة على إنتاج المعرفة والإبداع .. ولا نقدر الإدارة حق قدرها

في العالمين العربي والإسلامي توجد 500 جامعة - وفي أمريكا 5750 جامعة ..

لم تدخل جامعة عربية أو إسلامية واحدة في قائمة أفضل 500 جامعة عالمية

في العالم العربي 2% فقط من السكان يدخلون الجامعة مقابل 40% في أوروبا وأمريكا.

في العالم العربي والإسلامي فقط 40% يتخطون المرحلة الابتدائية مقابل 98% في أوروبا وأمريكا

في الدول العربية هناك 230 عالما لكل مليون موطن .. وفي أميركا لديهم 5000 عالم لكل مليون مواطن.

في العالم العربي نصرف 0.2% (2 في الألف) على البحث مقابل 5% أو (50 في الألف) في الدول الغربية.

الخلاصة:

عالمنا العربي والإسلامي فاقد القدرة على إنتاج المعرفة .. لآنه لا يستفيد من المعارف المتاحة له حاليا ...

في بريطانيا ينشر سنويا 2000 كتاب جديد لكل مليون بريطاني

في العالم العربي ينشر سنويا 17 كتابا جديدا لكل مليون عربي

فشل العالمان العربي والإسلامي في بث وتوليد وتخليق واستنباط ونشر المعرفة

فقط 1% من صادرات الباكستان تقع في نطاق تكنولوجيا المعلومات المتطورة.

فقط (2) في الألف من صادرات السعودية = تكنولوجيا متطورة

فقط (3) في الألف من صادرات الكويت والمغرب والجزائر تكنولوجيا متطورة

لكن .. 68% من صادرات سنغافوره تكنولوجيا متطورة،

نعم .. و 36% من صادرات إسرائيل تكنولوجيا متطورة ..

المحصلة والنتيجة:

يفتقد العرب والمسلمون القدرة على وضع المعرفة موضع التطبيق ..

الأرقام تتحدث عن نفسها .. ونحن لا نسمع .. ولا نريد أن نسمع ..

قال أحد كبار اليهود:

اطمئنوا فإن العرب لا يقرؤون .....

و إذا قرؤوا لا يفهمون......

و إذا فهموا لا يطبقون!!!!!

لكن الوقت لم يفت بعد

(وقل اعملوا فسيرى الله عملكم ورسوله والمؤمنون)

منقووووووووووول من احد المنتديات

8 اكـــــــــــــــــتب رايـــــــك:

E73 يقول...

بسم الله الرحمن الرحيم
السلام عليكم ورحمة الله وبركاته

بداية هي مش محاولة من تقليل شأن العدو
لكن أنا بصراحة مقرأتش المقال بعناية لكن فهمت المغزى منه

وبما اني درست تاريخ في الثانوية العامة أقدر أقول ان العرب وخاصة المسلمين هم أول من برع وأنشأ معظم لو لم يكن كافة العلوم الانسانية في كل المجالات

وان كنت على كلم ودراية ان كثير ممن تم النسب اليهم بعض الاختراعات لم يكونوا سوى مستولين على براءة اختراعها من أمثال زيروكس على سبيل المثال لا الحصر

لو فضلت اتكلم كتير هقول كتير
العيب مش في نقص عقول العرب على قد ماهو نقص ايمان

ربنا قال بسم الله الرحمن الرحيم

{يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ إِن يَكُن مِّنكُمْ عِشْرُونَ صَابِرُونَ يَغْلِبُواْ مِئَتَيْنِ وَإِن يَكُن مِّنكُم مِّئَةٌ يَغْلِبُواْ أَلْفاً مِّنَ الَّذِينَ كَفَرُواْ بِأَنَّهُمْ قَوْمٌ لاَّ يَفْقَهُونَ }الأنفال65
صدق الله العظيم

مش تقول مية واربعتاشر يهزموا واحد

الفرق بيننا وبينهم الصبر
ربنا ركز في الآية على صفة العشرين أولا قال

مؤمنييييييييييييين << بيتهيألي الصفة دي اتمحت أصلا

ثانيا قال

صااااااااااااابرة << يعني مش مؤمن وبس لأ دا صابر كمان يعني مؤمن لوحده مش هيكفي ولا صابر لوحده يكفي

ربنا يهدينا ويجعلنا مؤمنين

AhMeD RaDy يقول...

اولا وعليكم السلام ورحمة الله وبركاته

بصى

انا معاكى بشكل نسبى

العرب يملكون مقومات ولكن مش عندهم منتج نهائى خالص فىالايام الاخيرة دى ودى هى المصيبة الكبرى

اننا فعلا روحنا فى ستيين داهية العدو على قلته اقوى بكتير فى النواحى العلمية والمالية

لاسف احنا بنفقد فكرة الادار ربنا يستر علينا يارب

وبالنسبة لصفة الايمان فانا معاكى وهى دى المشكلة الحقيقة .. ان فى مفاهيم ومصطلحات كتيرة فقدنها من حياتنا

ويمكن اللى بيحصل من صحوة نسبية بين الشباب يكون بداية لطريق عودة من جديد

E73 يقول...

يا رب

المهم ان كل واحد فينا يبدأ بنفسه بجد

وبعزيمة وإرادة قوية

مش كلام وشوية حماس منفوخ وخلاص

ربنا يقوينا ويهدينا

لو كانت فرحتنا بتاعت النهاردة على نصرنا معتقدش كانت هتبقى بالشكل ده

بنيجي عالهايفة ونتصدر

AhMeD RaDy يقول...

بصى هى دى المشكلة اللى بدخلنا فى الدائرة المفرغة اننا مش محتاجيين 2 او 3 يبدوا بفسهم لاهم هيبقوا حاسسين انهم غلط فى وسط الناس وهيحسوا اهم شاذيين عن المجموع الحكاية محتاجة تغيير على نطاق اوسع شوية لان دا هيخلى اى حد يقع يلاقى اللى يقومه

انا اتمنى ان فعلا نتغير تغير مش يعتمد على الشكل قدر المضمون

وبالنسبة للفرحة بتاعت انبارح اعتقد ان الشعب بيدور على اى حاجة يفرح بسببها مهم كانت هايفة او مش ذات قيمة جوهرية .. احساس النصر عى اى حد مفتقدينه من زمان احساسنا المستمر بالانهزام والتخلف بنفس عنه فى الكورة والانتصارات واحساس ان فى شئ مصرى قادر انه يكون مميز ولو حتى فى الكورة ..!

E73 يقول...

خلاص طالما الحكاية كدة يبقى كل واحد يحاول في مجاله

أعتقد مجالي ممكن يساعدني كتير لو قدرت أسوق لفكرتي كويس وإن شاء الله بعون الله أقدر

مجالك برضه واقع عليه جهد كبير جدا

لو حتى الواحد شايف انه صعب يغير من نفسه وبس

في قدامه فرصة يغير من نفسه ومن غيره في نفس الوقت

وتلقائي انت لما هتعمل حاجة وتحس انك المفروض في مقام أكبر من انك تعملها والناس هتبصلك ازاي وانت بتدلها المثل الأعلى وتعمل حاجة غلط أكيد هيبقى ده سند من جواك انك خلاص مش هقدر أعمل الغلط تاني

أصلي مش صغير عشان أعمله

أيوة دانا لو عملت الحاجة دي هصغر في نظر نفسي قبل ماصغر في نظر الناس

يعني مثلا اللي يضحك قوي اعلان العربية سبرانزا اللي كنت فكراه في أوله دعاية للحزب الوطني الجديدة ويقولك هعامل كل البنات على انها اخواتي واللي تقولك هسمع اغاني بجد ومش أي كلام و اللي يقولك مش هرمي ورقة في الشارع

الصين دخلت في حياتنا بكل بجاحة

الظاهر ان هما دول يأجوج ومأجوج وزحفهم الغير طبيعي في كل المجالات

الواحد مش مستبعد يفتح الحنفية تنزله صيني بدل المية

AhMeD RaDy يقول...

بصى

والله ربنا اعلم بالنية عارفة انا فى الفترة الاخيرة بقيت بجد حاسس انى رافض اغلط .. اه والله رافض انى اكون غلط .. حرام اللى شوفته واللى اتعلمته فى حياتى يضيع عشان اى شئ

الانسان بيغلط لما بيحس ان فى الغلط متعة يعنى بيبص للمتعة اللى هيكسبها والمكاسب اللى هيحصل عليها فدا بيخليه يغلط

الاهم ان فعلا كل احد يقدر من مكانه يتغير بص تصورى لما انتى وانا وغيرنا وكذا واحد نتفق على التغير واننا نكون جاديين بجد فى دا

مش معقديين لا واقعيين نتعامل مع الواقع بس بطريقة صح

اعتقد ان ساعتها كل واحد فينا هيحصلها حاجة ويكلم حد تانى هيفتكر ان فى هدف مهم بنسعى ليه

وبالنسبة للصين اعتقد ان المشكلة مش فيهم هم المشكلة فيننا احنا

نجحهم وانتشارهم المفظع فدا معناه شئ واحد اننا فشلنا فى دا

فى فى مرة بسالوا صحفى امريكى اسمه توماس فريديمان بيقولوا له

ان الصين صنعت العلم الامريكى هو دا مش خطر عليكم

فرد وقال احنا سبنالهم الصناعات دى لااننا بقينا ورانا صناعات اهم زى مركبات الفضاء والطيارات هو دا الاختلاف اننا حتى مش قادرين نعمل اى شئ

ياريت بجد وامنيتى ان مجموعة من الشباب ومن مجرد فكرة انهم بجد يكونوا مستعديين لبناء جيل بكرة

اعتقد انه جايز ونقدر عليه بس لو اتفقنا اننا نعمله ..!

E73 يقول...

مفيش مشكلة

كلام سليم

وأنا أول المتفقين

وبحاول وان شاء الله أتغير وأغيير وأوصل وأوصّل

خليها مفاجئه يقول...

فعلا المشكله مش فيهم هما ناس قليله بس عارفين طريقهم فبن وراسمين ومخططين لحياتهم كويس مش زينا
احنا ولا بنعرف نفكر ولا بنعمل حاجه اصلا وعايشين بالمثل احينى النهارده وموتنى بكره
بمعنى نعيش النهارده بالطول وبالعرض ولما يجى بكره نبقا نشوف هنعمل ايه

لازم نفكر ونخطط لنفسنا ونرفع رسنا ونبص لقدام مش نقف فى مكانا ونبص تحتنا

وانا عن نفسى ان شاء الله هحاول اتقدم فى مجالى واحفز اصحابى يمكن نقدر نعمل حاجه

بس يارب الناس الاكبر منا فى المكانه متحبطناش وتدوس علينا وتقول اقفوا هنا هو دا مكانكم

لان دا اللى بيحصل عندنا من كتر الاداره الغلط كل ما حد يحاول يتقدم تجى ايد قويه تدوس عليه وتخفيه وتقوله اقف هنا هو دا مكانك او تفتكر انك تقدر تعمل حاجه او ممكن تغير اى حاجه هو دا اخرك تفكر وتموت افكارك وتدفنا وتقرا ليها الفاتحه على روحها

عارفين احنا فعلا لو كان الرئيس بتاعنا واحد شاب مثلنا هيفهم بسرعه احنا عايزين نعمل ايه وهيشجع اى تقدم هيحصل

ربنا يوفقنا جميعا ويوفق جميع المسلمين

Copyright © 2008 - AhMeD RaDy - is proudly powered by Blogger
Blogger Template