يمكن .. ايوة يمكن
مش عارف ليه ..مشاعرى كلها عايز تصرخ .. حاسس اوى
يمكن اول .. او يمكن اخر
احساسى انك معايا .. انك عندك مشاعر ناحيتى ... ايوة يمكن
احساسى انك بدارى عليا .. واحنا بنستعبط واحنا كل واحد مش عايز يعترف
احساسى اننا خايفين نقول .. احساسى انك قريبة ولو حتى بينا مسافات
يمكن ايوة يمكن .. انا حاسس انك منى ..جزء من جسمى .. من روحى من عقلى .. وكل قلبى
حاولت بس ما قدرتش ليه .. يمكن انا عايز اكتبلك كتير اوى
عايز اقولك خدى بالك من نفسك .. انا فرحان شعورى دا حاسه شعور بانى بتولد ... حاسس ان فى ايدى حنينة بتطبط عليا .. حاسس
ان المسافات ما تقدرش تبعد بينا .. ومهم يمر العمر ما بقدرش احب غيرك .. بجد انتى احلى حاجة فى حياتى
وكل اللى ليا عشان يمكن
انتى اللى خليتنى ارمى الماضى ورا ضهرى ..حاسك جيتى تتطهرى قلبى
انتى اللى مش بتكسف منها ... انتى ايوة
فاكرة كل اللى حصل بنا .. فاكرة حتى مناكفاتنا سوا فاكرة حتى لعبنا وحكايتنا
فاكرة لما كلمتينى وقولتى .. ولما مالائتيش غيرك اكلمه
انتى خليتنى اتغير .. هو انتى اللى بدور عليكى من زمان .. انتى اللى غيرتينى من غير مااحس .. من غير حتى ما اقول اى حاجة
يا ترى حاسة بمشاعرى الى مدوخانى وراها ... يمكن
لكن اللى مش ممكن ابدا انى استغنى عنك .. ما تسبنيش لوحدى .. انا ما صدقت اتحميت بيكى .. ما تسبيش
لانى فعلا بعشقك اوى
11 اكـــــــــــــــــتب رايـــــــك:
من الممكن أن يحتاج الإنسان أحيانا لمن يعطيه دفعة من الخلف، ولو كانت خفيفة؛ لعبور خط مرسوم على الأرض وليس له من واقعه شيء يمنعه، سوى الخوف مما ينتظره بعد هذا الخط
فإما الوصول للسعادة المنشودة، وإما الرثاء على أطلال الماضي
الدنيا ليست جميلة دائما.. ولكن على العكس فهي دنيئة دائما، قلما أضاءت لنا الفرص، أحمق من لا يتسرع في مثل هذه الحالات؛ خوفا من أن يكون ما يحسه مجرد سراب
منذ مدة وأنت متردد! وأجد أننا أشفقنا لحالك كما فعلت أختك في المقال السابق
هلا حسمت أمرك
ولست أنصحك بالمضي قدما دون روية، لاحتمالات رد فعل الآخر التي يمكن أن تأتي غير متوقعة بالفعل
لكن ولتبدأ خطوة مع نفسك، فلما لا تؤدي صلاة استخارة بصدق سائل ربك أهو حقا الخير لك ما تسعى إليه وتنشده؟ أم أنه الشر المقيم!!
فإن كان الخير.. فلما تضييعه منتظرا ومتأملا في أحلام يقظة، لن يحققها تأملك لها؟
وإن كان شرا.. فقد آن الأوان أن تنو بنفسك عنه وعن آثاره المحتملة
لا تضيع وقتا وخاصة أن بين الأرواح جسر من تواصل المشاعر التي لا يقوى اللسان على إيصالها، فلا تهدر معانيها بطول الوقت -غير المبرر- لتأكيدها
وربنا يهديلك العاصي ويقدملك اللي فيه الخير
احيانا فعلا الواحد بيكون محتاج دا ز. محتاجه لانه تعب من التحرك الذاتى ومحتاجه ولو ايد خفيفة مش تدفعه لا تكونبس بتسنده فى ضهره
دا على اساسا هو اختار اى ايد تسانده
مين قال انها جميلة .... واحمق اكثر من يتسرع اكثر من اللزم فيندم على عدم قدرته على احكام العقل واختيار التوقيت
منذ مدة وانا لاافكر فى احد ... ماوصليش دا لان الحالة كانت مود مش شئ واقعى زى ما ممكن دلوقتى اتكلم عنالخيانة مش معناه انى اتخنت ...صح ولا ايه ؟؟مش كلاللى بنتكتبه لازم يكون حقيقى 100%
انا مكانش عندى امرى عشان احسمه امورى كلها محسومة ومحددة
ودا اللى بعمله حاليا انى بفكر ولو فى اى امر هفكر الف مرة
وفعلااخد بالنصيحة وبدات ادعوا الله تبارك وتعالى
انااحلام الياقظة عندى هدف مش حلم بحلمه وخلاص
اكيد طبعا انا نفسى يكون اى امر قادم خير وبدعى ربنا اهو وان شا ءالله خير
الارواح المتواصلة بالمشاعر يمكن ان تكون الشاعر حرة طليقة تصيب اشخاص لاارغب بهم لهذا لابد من التاكد اولا لازم اعرف الاول هل الشخص معايا ولا لا ؟؟
والوقت المناسب لسه مش دلوقتى ... لانى لازم اقف على رجلى
ومش هاخد غير نصيبى وبس
وشكرا على الرد الرائع
فعلا استاذ او استاذه / n70
عنده او عندها حق
اعمل استخاره لانه اكتر شئ فى الدنيا هيدلك على الطريق الصح لان ربنا هو اللى هيتخارلك الاحسن
وثانيا اذا كان فى حد انت متعلق بيه اوى كدا تضيه ليه من ايديك دا مش بسهوله الواحد يلاقى اللى بيدور عليه فى ناس كتير بتقعد تدور على اللى هى عيزاه طول عمرها ومش بتلاقيه وناس تانيه بتلاقيه وبتسيبه وبتندم طول عمرها وفى بتلاقيه من اول خطوه فى طريق حياتها ودول حظهم حلو جدا
قرر وشوف انت عايز تبقا مين فيهم
طيب الحمدلله ان كل امورك محسومه
بس انا رديت قبل ما اشوفك ردك
والله يامفاجئة
انا شخصيا سايبها على الله فى كل شئ وربنا يسترها من عندها
طيب ياللى مش مفاجئه
الحمدلله انك سايبها على ربنا
احنا فعلا لازم نسيب كل حاجه على ربنا
وبردوا
خليها مفاجئه
وبعدين فين موضوع النهارده
يالا فى انتظار موضوعاتك اللذيذه
آسفة لو كنت تجاوزت حدودي بتعليقي الأول
حدود ايه وبتاع ايه
بالعكس ردك عجبنى جدا
جدا..
.................................
وبعيد عن البوست
اساسا انا زعلان منك جددددددددددددا
ومتغاظ منك اوى
قرأت المقال ده تاني واستغربت ردي قوي
هو انا اصلا ليه حسيت فيه انك المرادي بتتكلم جد مانت كل مرة بتكتب في التصنيف ده بيكون باعتبار ما سيكون
عادي بقى عشت دور عبد الوهاب مطاوع شوية
D:
تقدر تقول ان دي من المرات اللي كتبت عنها في مقالي الأخير
لحظات بتأثر برأي حد تاني وعلى أساسه بتكلم بشكل معين وفي الآخر أحس اني كنت بهبل
إرسال تعليق