هل الفوز لاخرالموسم حرام شرعا ؟؟؟

سموها تفاهة هيافة اى حاجة مش مهم .... انا بحب الزمالك بجد مش كدا وكدا
ومشاعرى الشئ الوحيد اللى مش هقدر امنعها


رغم انى مش متعود انى اتابع كدا ولا انى اعد اكتب كتير عن مباريات الكرة بس اللى حصل بجد كان شئ مقرف جدا .. واللى غيظى اكتر الجماهير اللى فرحانة .. بجد الجماهير اللى فرحانة هى اللى جيبانا للورا .. لو الجماهير عجبها التعادل يبقى ياريت تحتفظ بد لنفسها لان الزمالك اتعمل عشان يفوز مش عشان يتعادل .. التعادل بالنسبة لاى زمالكاوى بجد هزيمة

وعشان تعرفوا بس ان اللى انا بقوله دا بجد بصوا المتابعة دى

لن نتحدث كثيرا و لكن سنترك الصورة للتحدث هل ستجرؤ لجنة المسابقات و لجنة الأنضباط على معاقبة

محمد بركــــــات بعـــــــــد اشــــــــــــــــارته البذيـــــــئة

عقب هدف التعادل ام انها لا تسمع لا ترى لا تتكلم ؟؟؟

............

في متابعة Zamalek.tv لأحداث بعد مباراة القمة انخرط لاعبي الزمالك في بكاء شديد عقب اللقاء و ضياع فوز مستحق و حمل اللاعبون غانم الهزيمة و حرص العميد على الجري لجماهير الزمالك و أكد لهم انهم الافضل في مصر و طالب حسام من الجماهير بعدم الحزن و وعدهم بالفوز ان شاء الله في الكأس ثم قام بخلع القميص الابيض و سجد عليه و قام الجماهير الوقحة بسب حسام حسن و طبعا لن يتم معاقبتهم لان هذه هي اخلاقهم الطبيعية و اخلاق من يتحكمون في الكرة المصرية

دا بقى معناه انهم عارفين كويس ان اى لعب حلو ولا اى اداء منيل بستين نيلة طز الاهم هو الفوز يارب كانوا يتقطعوا فى الماتش رايح جاى طز بس كان لازم نكسب يارب بقى نبطل نصقف غير الا لما يفوز الفريق وبس .. انا قرفت من الاداء المشرف 5 سنيين واكتر اداء مشرف
بجد مش فاهم كل زمالكاوى كان فرحان امبارح بعتبره ما يعرفش اى حاجة عن الزمالك .. ولو سمحت بقى سبونا فى حالنا
وسبولنا الزمالك اللى احنا عايزينه الزمالك اللى بيفوز كفاية حرقة دم 5 سنيين

مااعتقدش ان الفوز فى 10 ولا 15 مبارة متتالية حرام شرعا والله العظيم ما هو حرام