التاج الضائع منذ زمن .!!!

بسم الله الرحمن الرحيم

التاج دا من تاريخ 19 -11 -2009

طبعا انا مش اخد بالى اساسا انه فى تاج وهو صلنى فى تاريخه من E73

بس ايامها بقى كانت ايام الشدة هههههه الجيش يعنى

وبكدا يتضح ان اول تاج على الاطلاق كان من E73
وها هو التاج

انت مين بقى؟

احمد راضى .. بنى ادم من ضمن هؤلاء البشر الجاثمين على سطح كوكب الارض

عندك كام سنه؟

النهارد يبقى عندى 23 سنة و 6 شهور وكم يوم

هل انت متزوج ؟ وهل عندك اولاد؟

نياهاهاهاهاع لسه ما اتخبطش فى عقلى وانتحرت ...؟ طب ارد اقولك ايه بس.!!

دراستك ايه؟

ادارة فنادق

كم طولك...وما لونك..؟

تقريبا 173 اواقل سم ... اللون ههههههههههه اسود

هل تمارس عملا بشهادتك ام عمل حر وماهو ؟

لا لسه لما انزل هبقى اقولك انا اشتغلك بالشهادة ولا لا

ماهى مدة عملك اليوميه ؟

لسه والله .. بس زمان كان ممكن يوصل ل12 ساعة وايام ما كنت شغال نجار كان ممكن يوصل ل 14 و15 ساعة عادى يعنى

ماذا تفعل بوقت فراغك ؟

نت بقى ... بس اليومين دول مش طايقه لله فى لله مش عارف ليه

هل لديك هوايات....وهل تمارسها ؟

تصدقى مش عارف بجد هل عندى هوايات ولا لا بس كنت بحب الرسم جدا .... حاليا لا

هل تشعر برضا ربنا عنك ؟

سيدنا ابو بكر الصديق قال والله لا آمن مكر الله ولو كانت احدى قدمي في الجنة ... يبقى انا اللى هعرف رضا ربنا عليا بس انا بحس ان ربنا معايا بصراحة فى مواقف كتيرررررررررررررررة

هل تحب ؟...ومن بقلبك الان؟

اه بحب حاليا ... ناس كتيرررررررة على فكرة

لو لم تجد من تحب ....فماذا ستفعل ؟؟

هههههه هحب صالونتى وكله على الله انا مؤمن اوى بالنصيب وكل يوم بصدقه اكتر واكتر

عندما تكون فى موقف اتخاذ القرار..تخالف الجماعه.. ام تشرك معك الاخرين ؟

السؤال دا عايز ايه ؟؟؟ مش فاهم

اخالف ايه واشارك ايه ؟؟؟

بس عموما يعنى فى قرارت باخذها لوحدى اه طبعا ... ومبحبش حد يناقشنى فيها اساسا .. وفى حاجات كتيرة بحب جدا اتناقش فيها ومع كل الناس .. يعنى قرارت قمة الديكتاتورية وقرارات قمة الديموقراطية
وسواء القرارات دى عجبت الناس ولا مش عجبتهم من الاخر يولعوا

هل تتعامل بواقعيه؟

اه ودا اللى ساعات بيخلينى مش اخد بالى من حاجات حلوة جدا بضيعها باسم الواقعية ... بس هنعمل ايه بقى

ماهو الشيء الذى فعلته وندمت عليه طول عمرك ؟

طول حياتى ... اممممممم مش فاكر بصراحة حاجة معينة خليتنى اندم اوى كدا لا لا لا ثوانى فى حاجة صحيح افتكرتها بس مش هينفع اقولها بقى سر

هل تصارح غيرك بالحقيقه ؟ ام تقول له مايريد سماعه؟

على قدر امكانى بحاول اكون صريح فى ابدء الراى .. وبخليها على الله .. بس بصراحة بكتشف انها بتنقذنى .. لا ما يخصنيش انه ينبسط لما اقوله كلمتيين ان بقول اللى عندى وخلاص

صف انسان يمكن ان تحبه عمرك كله ؟

انسان احبه طول عمرى .. هههههههه دا بقى يبقى تفصيل ... هههههه
الانسان دا لازم يكون عقله كبير لان العقلانية هتخليه يلم كتير اوى ويفهم كتير اوى من اول التفاهات لغاية عظائم الامور ... يعنى هيفهم دين صح وهيفهم عقل صح هيفهم مشاكل صح سياسة صح العقلانية هى الضمان لان الحب من العقل مش من القلب

متى يقسو قلبك ؟

اممممممم مش عارف بصراحة بس لما احب اوى اوفر يعنى هقسو عليه اوى ودا لما يغلط طبعا .. ما الاب والام مش بيقسو على الاولاد غير الا حبا ليهم

من هو اول من قلت له احبك؟

انسانة فى اولى كلية .. على ما اتذكرالتوقيت وما كررتهاش تانى ... ومش هكررها غير لما اوفى بالوعد اللى اخده على نفسى

هل يمكن ان تحب احد من المدونين؟

هههههههههه اممممممم لو مش عندها شيزوفرنيا .. واشوفها فى الواقع مش عشان اضمن الشكل وكدا لكن بكره ان مشاعرى تبقى تكتة وشاشة مش هيحصل باذن الله زمن التكتة انتهى يا رجالة

وهل يمكن ان يكون شريك حياتك؟

اه طبعا ممكن جدددددددددددا بس هى هتوافق هههههههه تبقى انتحارية نياهاهاهاع .. على فكرة النت مكان ممكن اقابل فيه حد ... لكن مش مكان احب فيه الحب بين البشر مش بين الاجهزة النت زيه زى النادى زى الشارع زى الميكروباص حتى ..

ماذا تعنى لك المرأة او الرجل؟

المرأة .. سر الحياة
الرجل .. باحث عن سر الحياة

على فكرة اكتر سؤال تنحت ادامه

فى زمن البحث عن الماده ..عن ماذا تبحث انت ؟

انا بسال نفسى سؤال انت مؤمن بجد بالاخرة ولا بقيت مجرد كلمة هلامية ..!!!

متى تعرف انك تحب؟

امممممممممم اول لما احس انى بحب

ماهى الشخصيه التى اثرت بحياتك ؟

امى بلا منازع
وتحت منها بقى اى شخصية تانية مهما عظم قدرها عندى .. وتقريبا ما فيش حد مش اتعلمت منه حاجة

هل يوجد من تراه سعيدا فى الدنيا ولماذا ؟

لا ما فيش حد ... لان الكل الطمع غلبه اوى ... اللى بيمتلك بقى الرضا هو اللى بجد بجد سعيد

ماهى درجة صراحتك ؟

ما اعرفش .. الناس اللى تقول انا صريح ولا لا ... بس انا فى حاجات مش بحب اتكلم فيها مش اكتر فلو واحد سالنى فى الحاجة دى مش هقول هيقول ساعتها انى مش صريح بالمرة .. ولو حد سالنى فى موضوع تانى هيلاقينى صريح اوى

وماهى المواقف التى يمكن ان تكذب فيها ؟

امممم مش عارف بس بكذب بصراحة .. بس بحاول انى اكون صادق لابعد الحدود لكن بصراحة بكذب فى بعض المواقف مش هنكر

هل يتغير الحب بعد الزواج؟

رغم انى لسه ماتجوزتيش بس عتقد اه .. بيتغير لشكل اخر
يعنى المشاكل والحياة بتدى طعم مختلف بس الحب الحقيقى بيبقى ناضج اكتر واقوى واصلب

فيما تفكر الان ؟

ولا اى حاجة

لو لم تعيش بمدينتك ؟؟ ؟فاى مدينه اخرى تفضلها ؟

نفسى اعيش اى مكان فيه هواء نقى بس ...

من اول من ياتى ببالك لتحكى له اسرارك؟

ولا اى بنى ادم اطلاقا

من هو الد اعدائك؟

ما فيش اعداء بالمعنى المفهوم ؟

من هو صديقك؟

اختى

لو الدنيا كلها زيك....لمن تقول هذه العباره ؟

انا بحب جدا عمر بن الخطاب رضى الله عنه وارضاه ... بعتبرها شخصية اسطورية لكن لو الدنيا كلها زيه مش هتبقى دنيا .. فين الاختلاف !!؟

ماذا تكره فى الحياه ؟

بكرهها هى على بعضها

ماذا تحب ؟

يووووووه كتير اوى اوى ... خصوصا المناظر الطبيعية والشغل .. نفسى اشتغل وبعد كدا اعد ادام اى مكان فى منظر طبيبعى بس كدا PEACE

كيف تواجه مايضايقك وماذا تفعل عند المفاجآت ؟

فعلا بتحصل ... بيبان عليا على فكرة لما فى حاجة بضايقنى .. بس بتماسك ولو بقيت اوفر ممكن اتعصب جدا ... لحد دلوقتى ما فيش مفاجاة عجبتنى اساسا كلها مفاجات وحشة بصراحة

لو معاك فلوس اكثر مما تتخيل...فماذا ستفعل بها ؟

من غير تفكير حالا امى تطلع عمرة .. لانه مش وقت حج
هدى اختى مبلغ من الفلوس
هفكر بقى فى المشروع بتاعى اه وبجد بجد نفسى اساعد الاقصى .. ومستشفى السرطان ورسالة .. ربنا يبعت بس

هل الفقر يصنع حبا؟؟

هههههههههه ازاى يعنى ..؟؟ بس اعتقد ان ربنا اد كل واحد رزق على اده واعتقد ان الاتنيين اختاروا بعض على الحالة دى عارفيين كويس يعيشوا على قدر اللى دخلهم

وماذا لو وجد الحب فى زمن الفقر المادى؟

ما الحب كدا كدا موجود اساسا

ماهى اقسى صدمه تعرضت لها حتى وقتنا هذا؟

صدمة .. اممممممممم ما فيش مش عارف ليه .. تقريبا كدا ما بتصدمش
لكن فى حاجات وحشة حصلت طبعا والحمد لله على كدا

كان رد فعلك؟

ههههههههه ولا الهوا عادى جدا .... لان فى حاجات حصلت وانا صغير ... وفى حاجة حصلت وانا عقلى مستعد ليها ولما تكون متوقع حاجة ما بتصدمش

هل تعلمت منها شىء؟

اه فى كل حاجة اتعلمت وعرفت ان الرجولة مش بتتقال على اى حد .. ولازم الانسان يكون واضح دا مهم حتى لو وضوحك اتسبب فى اى حاجة تتقال عليك او خلى صورتك ادام الناس مش ولا لابد بس الاهم انك تبقى انت وبس واى حد يولع بعد كدا .. وما تقولش كلمة غير لما تكون ادها وان العقل اهم شئ حتى لو هتحب .. بعقلك برده .. ولو حسيت ان عقلك قال لا ارجع

هل انت على استعداد لتلقى صدمات اخرى؟؟

لما تحصل الصدمة الاولى هبقى اقولك على استعداد للتانية ولا لا
وعلى راى امى يا ما دقت على الراس طبول

كيف ترد على من لاتصدقه ؟

ما بردش هههههههه

اذا احببت انسان ما ...هل تصرح له بحبك ؟

هقولها فى الوقت اللى احس انه لازم تتقال فيها

ماذا تفعل لو لم يتجاوب معك؟

انا من النوع اللى ممكن اعد سنيين عشان اعرف هو بيحبنى ولا لا ... ولو كل الوقت دا اتوهمت .... وطلع هو ولا فى دماغه هسيبه و مش هقرب منه خالص ولو فى بنا تعامل هيكون بمنتهى الذوق والادب ... انا بعرف اتحكم فى مشاعرى كويس ولله الحمد

هل تؤمن بالمثل القائل:انا احب فانا اعيش ؟

انا اعرف ان انا اشك اذا انا دبوس ... لكن دا جديد ... بس على حسب نوع الحب
ما انا بحب ماما لو تقصدى الحب اللى بالى بالك لا مش شرط طبعا

ماهى القضايا التى تشغل بالك؟

اللى بيحصل حوالينا دا

هل تستطيع تحقيق كل احلامك؟

لا طبعا كلها مستحيل ... بس فى احلام لا تنازل عنها ما هو لو كل واحد حقق كل احلامه يبقى ما بقتيش دنيا

هل تمتلك طموحا...وماهو؟

اه ولله الحمد ... الجزء اللى ممكن اقولهلك امى تحج دا اهم شئ عندى

كيف ستحقق طموحك...ام سيبقى حلما فقط!!!!!!!!!!

والله ربنا كريم وهو اعلم بالنوايا .. وان شاء الله انا واثق ان ربنا معايا وهيتحقق الطموح اللى نفسى فيه

ماهى علاقتك بالدنيا؟

من فترة كدا ... عرفتها بشكل فظيع ... بقى شكلها وحش اوى ادامى هههههههه دلوقتى مش هقدر اقولك انا علاقتى بها ايه لان فى حاجات كتيررررررررررررة اتغيرت اول لما اوصل لعلاقة محددة هقولك

لو لك اختيار زمن تعيش به....فماهوذلك الزمن ؟ ولماذا ؟

نفسى اعيش فى زمن السيف والدرع .. مش عارف ليه ... حسيسنى هبقى هايص اوى فى زمن زى دا ..

هل يمكن ان ارا ك وانت غائب؟؟؟؟؟؟؟

طبعا ... ممكن جدا

ماذا ترى فى نفسك مميزا عن الاخرين؟

ولااى حاجة خالص غير مميز على الاطلاق

من اذا اقترب منك ...هربت منه بعيدا؟

اممممممممم مش عارف بس بحاول ابعد عن الغلط ههههههههه مش دايما يعنى بس بحاول

من تقول له : قرب منى قرب ...ياقلبى يا متغرب ؟

ما فيش

ماذا تريد ان تقوم به قبل ان تموت؟

اموت شهيد بس

اهداء التاج ؟؟؟؟؟؟؟؟؟

التاج قديم واعتقد انه لف على المعظم فعشان كدا انا فعلا مش عارف اديه لمين

بس ممكن

سارة
قلب احمر
يوميات موظفة جديدة
اوقات فراغ


10 اكـــــــــــــــــتب رايـــــــك:

غروب يقول...

الاجابات حلوة يا احمد

معظمها غير متوقع بالنسبه ليه

بس في حلجه بصراحة ضحكتنى موووووووووووت

لما قولت انك نفسك تعيش في زمن الدرع و السيف علشان هاتحس انك هايص في الزمن ده

بجد تخيلتك بقه لابس لبس زمان ده وشايل سيف بس ماشي ضد التيار
هههههههههههههه

والانطباع ده جالى طبعا من كلمة هايص

هههههههههههههه

ربنا يكرمك يا احمد ويخليلك والدتك



سارة مين بقه اللى التاج رايح عندها ؟؟؟؟؟

افهم بس علشان مش اخلط الامور ؟

2otety يقول...

انك حقا لمتمكن على رئ الاستاذة سهير البابلى ههههههه بجد اجابات حلوة اوى ربنا يكرمك و يحققلك كل احلامك و يخليلك ممتك الحلوة و تحقق حلمك انك تسفرها تحج و ان شاء الله يتحقق قريب

E73 يقول...

بسم الله الرحمن الرحيم
السلام عليكم ورحمة الله وبركاته

على فكرة الحاجة دي برضه ضحكتني بتاعت السيف والدرع

أكيد يا سارة بما انك انتي اللي كنتي بعتالي التاج يبقى هو رايح لسارة التانية

ربنا يكرمك ويرزقك وتقدر تطلع الأسرة كلها تحج مش ماما بس

AhMeD RaDy يقول...

غروب

الله يخليكى ياغروب دا من ذوقك بس

دائما هنا الجديد

ههههههههه شوفتنيى بقى وانا راكب الحصان ومعايا سيف ودرع ياهووووووو

تقصدىايه بقى بضد التيار تقصدىانى ايه ها قولى قولى !!!!! وش بيطلع دخان من ودانه


اللهم امين يارب يارب يارب يارب

لاانا حطيت اللينكات بتاعت كل مدونة لان اكيد التاج جالك قبل كدا

AhMeD RaDy يقول...

قطتك

متمكن اه جوى جوى هههههههه

اللهم امين يارب

وربنا يخليها يارب

يارب يارب تطلع تحج يمكن هناك تنسى كلمة موكوس نياهاهاهاع

AhMeD RaDy يقول...

E73

وعليكم السلام ورحمة الله وبركاته

امممممممممممممم هو ايه موضوع السيف والدرع دا .. مش اوى كدا يا جدعان

بالظبط يا e73 هو فعلا لحد تانى

اللهم امين يا رب يارب بس هى الاول برده

خليها مفاجئه يقول...

no comment

♥♥ شذا ♥ الروح ♥♥ يقول...

ربنا يكرمك يا احمد

اجابات جميله
اووى
انت حد جميل سعيده انى عرفتك اكتر

يارب تكون بخير
فينك بقا وايه المقاطعه دى

ابقا طمنى عليك ياقمر

AhMeD RaDy يقول...

خليها مفاجئة

Ok

AhMeD RaDy يقول...

شذا الروح

شكرا جزيلا ليكى يا شذا

وان اسعد بمعرفتك ولو ان انتى اللى بتغيبى كتير مش انا

انا موجود يا باشا هنا هوت

بس بقى دعواتكم عشان اليويمن دول موحتاج كوى كوى للدعوات

Copyright © 2008 - AhMeD RaDy - is proudly powered by Blogger
Blogger Template