انا عايز اقول ....!

بسم الله الرحمن الرحيم

المفروض انى كنت عايز اكتب عن اخلاق الرجال .. يعنى بعض التصرفات اللى بصراحة انا بضايق منها وبعمل بعضا منها ومش هنكر

فقولت انى هطلع اللى مش عجبينى عشان لما اشوف الى انا كاتبه اعرف اد ايه انه مش ينفع اساسا .. شوية حاجات صغيرة
بس بما انى فى نت كافيه

فا مش هينفع اتكلم فى دا دلوقتى .. لانه محتاج مخمخة

عموما

شكرا للردود بجد على التوبيك الى فات .. شكرا للمشاركة فى الاستفتاء

شوية حاجات كدا بقى

انا ولله الحمد نزلت شغل ولله الحمد ... وبقيت شغال نياهاهاهاهاع طبعا متعة خاصة ليا انا انى اشتغل

انا بقيت متحكم كتير فى مشاعرى عن الاول ولله الحمد .. انا مش مصدق انى حتى بقيت مدرك اوى ايه اللى يتقال وايه اللى ليه معنى وايه اللى مالهوش

اتعلجت اخيرا من ادمان النت ... الحمد لله

اسرائيل طلعت اوى على فكرة وخلاص بجد اوفرررررررررررررررررر

الرئيس بتعنا مش هدعى عليه .. بس هقوله اتقى ربنا شوووووووووية وحسبنا الله ونعم الوكيل فيك

فى ناس بتكتب ليا .. كلميتين صغنانين ... انت فين ؟؟؟ بس هم مش عارفين هم بيساوا ايه عندى

الناس الى شايفانى زى ما هم بيتمنوا .... مين سال يا ترى احمد بيتمنى ايه ؟؟؟؟ اعتقد ما فيش

الناس اللى كانت بتجرى من خلفى .. يا ريت ما تنساش دا ....!!! وما يفتكروش او يتوهموا انى انا اللى كنت كدا

احمد ابسط مما ممكن اى حد يتصور .. ومش وسيم ومش جميل ومش غنى ومش مداوم على الصلاة بشكل دائم ... ومش ملاك انا بنى ادم والله العظيم ... تعرفوا البنى ادمين انا ببقى بنى ادم

الحاجات العظيمة بتبقى عبارة عن حاجات صغيرة بتتجمع مع بعض وبتبهرنا

اكتشفت اخيرا انى عجوز بمزاجى ... اه والله بس اول لما عرفت دا قررت التمرد بقى .. مش عايز ابقى عجوز دلوقتى تفتكروا هقدر ... امممممممممممم ياريت اقدر



27 اكـــــــــــــــــتب رايـــــــك:

E73 يقول...

بسم الله الرحمن الرحيم
السلام عليكم ورحمة الله وبركاته

طيب اللي فهمته تقريبا ان النت عندك فاصل فربنا يرجعه بالسلامة عشان تقدر تكتب البوست اللي انت عوزه

العفو لا شكر على واجب

مليون مبارك بجد خبر جميل جدًا ربنا يوفقك ويعلي مراتبك ويهديلك العاصي

الحمد لله لدي كمان ودي كمان حاجة كويسة جدًا وربنا يعينك على الخير دايما

هي دي أكيد كويسة بالنسبالك بس أكيد مش كويسة بالناسبة للي متابعينك

ماهي طالعة من يومها بس احنا اللي حاليا مستمرين في النزول قوييييييي

أمال حسبي الله ونعم الوكيل دي إيه؟!

ياسيدي اللي فإيدك تغيره في نفسك غيره والحاجة اللي مش بإيدك سبها زي ماهي لا يكلف الله نفسًا إلا وسعها

أكيد

ربنا يهديك لنفسك دايما

لكن بجد أكتر خبر جميل في المقال ده هو حكاية الشغل دي ربنا يزيدك من فضله

♥♥ شذا ♥ الروح ♥♥ يقول...

السلام عليكم ورحمة الله وبركاته
لو تعرف قد ايه حضرتك وحشتنى جامد
وكان نفسى اطمن عليك اوووى
يارب تكون بخير

معلهش الصبر طيب
بدعليك من كل قلبى ربنا يريح بالك
ومبروك الشغل الجديد
الف مبروك

وطبعآ احنا اخواتك وجمبك فى اى وقت

ساره يقول...

الف مبروك على الشغل
والحمدلله على سلامتك :)

غروب يقول...

حمد الله على السلامه يا احمد بيه

مبروووووووووووك الشغل بجد فرحتلك جدا

انا كمان اشتغلت يا احمد

شغل احسن من الاولانى كتير

الظاهر كده لما بتفرج بتفرج مره واحده

فاكر لما فتحت حزب العاطلين وقولتلك مفيش غري انا وانت ههههه الظاهر مصر كلها اشتغلت ما عدا احنا

ادينا اشتغلنا يا سيدي

ربك لما يريد

اقفل الجروب بقه

واعمل جروب البيزنيس مينز هههههههههههه

نورت المدونه

2otety يقول...

الف حمدللة على السلامة بجد النت بيكون مضلم من غيرك كتييير يا احمد .... و مرة تانية الف مليون مبروك على الشغل و لو انى عرفة من ساعة ما بدأت بس مبروك مرة تانية و ربنا يكرمك كداا و توصل لاعلى الاماكن لانك تستاهل دة ... إذا مكنش احمد يمكسك المناصب العالية امال مين يمسكها هههه .... و بجد انا مبسوووووووطة جدا لحالة الفواقات الى انتا فيها و الى لاحظتها الفترة الى فاتت حافظ عليها و متخليش حاجة ولا حد يضيع الحالة دى .... انطلق يا احمد و عيش سنك و حياتك و هتقدر ان شاء الله تخرج من حالة العجوز دى عارف ليةة لان انتا جواك طفل صغير عاوز ينطلق انتا بس افتحلة الباب و هو هيعييييش و متهيئلى هو دة الى انتا بتعملة دلوقتى ...... ربنا يكرمك و يوفق لانك انسان راااااائع و تستاهل كل خيييير

2otety يقول...

فى حاجة كنت عوزة اقولها و نسيييت ... الراجل مش بجمال الشكل الخارجى ... لا برجولتة و مواقفة و جمال اخلاقة و طباعة ودى كلها صفات متوفرة فيييك بس مش معنى كدا انك مش جميييل ههههه غلشان متفهمش غلط .... بس انتا تركيبة كلها على بعضها غاية فى الجمال و الروعة بجد انسان اكثر من رائع ربنا يكرمك و معلش انى علقت مرتين بس انتا عارف الزهيمر يقطع السن و سنينة

خليها مفاجئه يقول...

المفروض الواحد يرود هنا بصراحة ولا ايه ؟

كهرمانه يقول...

الفين وعشره مبروك يا امشير
وان شاء الله يبقى شغل جميل وسهل ومريح ومربح ومرتبه عالى وحلال وابن ناس كده وفيه البركه
............
ومبروك كمان للتطورات النفسيه اللى حصلتلك

......
انا افتكر انى من ضمن اللى قالولك انت فين
يا ترى اساوى ايه عندك بقا


......
انت مش ملاك
وانا مش ملاك
ومافيش ملايكه على الارض اصلا
كلنا بشر
كلنل بنغلط
بس المهم منستمرش على الغلط واحنا عارفينو
ونحاول نعمل الصح على قد منقدر
ومبروك الشغل تانى ياعمونا

Malooka Yousef يقول...

مبروك اولا ع الشغل وكويس انك طبعا اتغيرت كده ولسه هتتغير كمان وكمان لان الشغل بيغير الراجل كتيييير وربنا يوفقك باذن الله وتحقق كل احلامك

z!zOoOo يقول...

السلام عليكم

ازيك يا احمد

معلش انا عارف إني بقالي كتير مش بزورك

مبروك انك اشتغلت

انت اتكلمت في حاجات كتير

وانا مش هتكلم عشان مكتئب خلقه

فكفايه إني اقولك إن كل لحظه تقدر تعيشها زي ما هي وتكون مبسوط فيها
من غير ما تغضب ربنا

عيشها وأتمتع بكل لحظه فيها

الوقت الحلو بيمر بسرعه ومش بيتعوض

:)

علي فكره انا برضه بحس كتير إني عجوز
:(

ربنا يكرمك ويوفقك

تحياتي

كهرمانه يقول...

كدا بقا انا اللى عايزه اقوووووووول....الغيبه طالت اوى كده يا امشير افندى
لعل المانع خييييييييييير

غير معرف يقول...

اولا ازيك
يارب تكون بخير
اسفه اوى على انقطاعى الفتره الطويله دى
مبروك كبيره اوى على الشغل ربنا يوفقك
عقبال مت نبارك لك ع العروسه يارب
حاسه من كلامك انك بتغير من تفسك
حاسه انك طالع من حكايه
بس باين كده انتا كسبان
ربنا يكرمك ويأتيك خير الدنيا والاخره يارب
تحياتى

خليها مفاجئه يقول...

ايه الغيبه دى كلها انت فين ومش ظاهر بقالك اكتر من شهر ليه ؟ خير ان شاء الله ياريت اول ما تبقا فاضى تظهر وتطمن اصدقائك عليك

كهرمانه يقول...

مترجع بقا وابقى قول اللى انت عايزو

AhMeD RaDy يقول...

وعليكم السلام ورحمة الله وبركاته

اه هو مش موجود اصلا خالص

شكرا يا سيتى

الله يبارك فيكى يارب ويكرمك ولكى مثله

اللهم امين يارب يارب يارب

لا انا مش هبطل ان شاء الله نت انا بس مش هبقى مدمن مش اكثر

بس اليومين اللى فاتوا افورت اوى بجد

طب خلى حد غيرك يسال السؤال دا حسبى الله ونعم الوكيل مش دعاء على حد !!!

ادينى بحاول وربنا يسترها بقى

طبعا

اللهم امين يارب يارب

الله يكرمك وعقبال نجاحك يارب ونشوف اخبار الشغل بتاعك بقى

ولكى مثله وافضل ان شاء الله

AhMeD RaDy يقول...

وعليكم السسلام ورحمة الله وبركاته يا شذا

الله يخليكى ياشذا دا من ذوقك بس

انا موز ولله الحمد وكويس ولله الحمد

لا بخير ولله الحمد

ودا العشم برده يا باشا .. شكرا يا شذا بجد على ذوقك ودعاءك ورنا يارب يجعله من نصيبك يارب

AhMeD RaDy يقول...

سارة

الله يبارك فيكى يارب

وانا ما موتش يا سيتى لسه .. نياهاهاهاع

AhMeD RaDy يقول...

غروب

الله يسلمك يا غروب هانم .. نياهاهاع

الله يبارك فيكى

طب موووووووووز جدا الف الف الف مليار مبروك والله يا غروب وعقبال بقى العريس . عشان تبقى خل

ههههههههههه

اه شكلى هعمل كدا فعلا بس المشكلة فى النت بقى ربنا يهيده ويرجع وهتشوفى البزنس بجد

بنووووووووووووورك

AhMeD RaDy يقول...

الله يسلمك يا قطتك

دا من ذوقك بس

الله يبارك فيكى

الحمد لله كله من عند ربنا .. بس على الله الانسان يعرف النعم اللى ربنا بيدها للانسان ويشكره على كدا

وبالنسبة للتعليق التانى الله يباركلك يارب وشكرا يا سيتى على الملحوظة

وربنا يكرم بجد لانى بجد حاسس انى مكبوت برده مش انطلقت اوى زى ما انا عايز بس هتيجى ان شاء الله تعالى

AhMeD RaDy يقول...

خليها مفاجئى

لا طبعا الرد لازم يكون على مزاجى انا والا هحذفه مش محتاجة فكاكة يعنى ..

نياهاهاهاع

حراية الراى بقى

قولى اللى انتى عايزاه ومن حقى احذف اللى انا عايزه ...!!! ههههههههههه

AhMeD RaDy يقول...

كهرمانة

الفين وعشرة بس .. دا انتى بخيلة اوىىىىىىى

اللهم امين يارب يارب

الله يبارك فيكى يارب

فعلا عند حق وربنا يهدى يارب يارب يارب وربنا يستر

AhMeD RaDy يقول...

ملوكة

الله يخليكى يارب وعقبال النتيجة بتاعتك ان شاء الله تبقى فل كدا

اه طبعا امل ايه

اللهم امين يارب

AhMeD RaDy يقول...

زيزو منور ياباشا

ولا يهمك

ليه بقى الحالة دى

ادينى بحاول والله على اد ما بقدر

وبقضيها

هى تقريبا حالة موضوع ان الواحد يحش انه عجوز

AhMeD RaDy يقول...

كهرمانة

النت بقى اعمل ايه وانا مش بطيق اساسا اى نت كافيه خالص

يعنى انا دخلت هنا بالعافية

AhMeD RaDy يقول...

شوكة

منورة

وانا اساسا بقالى فترة مش موجود اساسا

الله يبارك فيكى

العروسة مش دلوقتى الشغل اهم بكتير لانه ما فيش عروسة الا بالشغل هى المعادلة كدا

لا مش موضوع حكاية دا موضوعى انا ومشكلتى مع نفسى

اللهم امين يارب وشكرا بجد على الدعوة الشاملة الجامعة دى

AhMeD RaDy يقول...

خليها مفاجئة

انا موجود هنا اهون هروح فين بس النت مش اكتر

AhMeD RaDy يقول...

انا هو كل مرة بعد اشاور وانتى اللى بتنفضى

Copyright © 2008 - AhMeD RaDy - is proudly powered by Blogger
Blogger Template