سريعا

بسم الله الرحمن الرحيم

احب بس الاول اطمن على النتائج للناس اللى فى الدراسة ...؟؟ يا ترى عملتوا ايه ؟؟

انا ولله الحمد كويس بس بينى وبينكم فى مشكلة ظرت كدا اتمنى تخلص على خير

هى مشكلة اختيار بس ... مش اكتر

الشغل مهم جدا بالنسبة ليا حتى ولو هشتغل زبال هيفضل شغلى رقم واحد ان شاء الله فى اهتماماتى الدنيوية لانى بجد بستمتع بالشغل فى حد ذاته ... وباذن الله هحاول احافظ على دا

كان نفسى فى الوقت دا بالذات يكون اى حد جنبى اى حد احس انه متابع معايا .. بس عموم مش مهم يلا انا اتعود اكون لوحدى فى الاوقات اللى حياتى بتتغير فيها .. عشان كدا ما بحسش كتير ان فى حد جنبى بجد ..!

انا الحمد لله بحاول قدر الامكان اركز فى الشغل عشان اعوض اللى فاتنى والائى مكانة كويسة ان شاء الله تعالى

بقالى فترة ولله الحمد هادى مش حاسس بضغط وعلى فكرة بجد مش طايق اى ضغط واى حد بحس انه هيعمل دا بنفض على طول لانى فى وقت محتاج تشجيع ومش ناقص بجد اى حركات طفولية من اى حد مهم كان

شكرا لكهرمانة وخليها مفاجئة لان ليهم تعليقين فى البوست اللى فات سالوا فيه عليا .. ؟؟ الف مليار شكر بجد

النهاردة الجمعة .. تصوروا .. بس خلاص

يا كلام يا فعل .... امممممممممممم تفتكروا مين افضل ؟؟؟؟؟

واستعينوا على قضاء حوائجكم يالكتمان ...!!!! بس خلاص

الشعب المصرى .... بجد اجدع شعب يولول وبس ... استمروا فى الشكوى يا شعب مصر .. كلمنجية فقط

لما ابنك يموت من الضرب .. فى قسم شرطة .. يا ترى هتعمل ايه ؟؟؟؟ اقولك اشتكى

البلد ماشية بقوة كل واحد .. يعنى مطواة .. سكينة طبنجة فلوس نفوذ وهكذا

ان شاء الله هحاول كل فترة قريبة ادخل ان شاء الله

واحد صاحبى يا يعنى مش بيلحق يستريح كل بنت بعديها بنت ما بيفصلش خالص وكلهم بنفس الصفات محترمة ومؤدبة وعسولة وليذيذة .. هههههههههههههههه ربنا يهديه

واحد صاحبى .. بيعانى انها مش شخصية ومش بتشجع على اى حاجة ومعندهاش شخصية مش بتعرف تتناقش فى اى حاجة .. !! فقفل على الموضوع وسك بعد ما كلم اهلها .. بجد انا قولتله برافو

فى استفتاء على جنب جديد مستنى المشاركة والتعليقات فى الشات بوكس

4 اكـــــــــــــــــتب رايـــــــك:

Malooka Yousef يقول...

اممممم اولا ربنا يعينك ع اى مشكله حتى لو كانت صغيرة واتمنى انك تختار صح لان اقل الاوقات اللى بيبقى قدامنا فرصه للاختيار ومتهيالى اوقات بنحس اننا لوحدنا ومفيش حد يمكن عشان بنحس اللى جوانا مش هنقدر نحكيه لاى حد كلامك بيعبر عن حاجات كتير معناها كبير
ربنا يوفقك وينولك اللى ف بالك باذن الله

AhMeD RaDy يقول...

ملوكا

اللهم امين

يارب يارب يا ملوكا فعلا الواحد يرسى كدا وربنا يكرم من عنده باذن الله تعالى

E73 يقول...

بسم الله الرحمن الرحيم
السلام عليكم ورحمة الله وبركاته

قرأت المقال دا من يوم ما نزل بس وقتها مكنش ينفع أرد عليه

الحمد لله تمام خلصت من السلم التعليمي الرتيب واتحسبت في قائمة العاطلين تقدير تراكمي جيد والحمد لله وحاليا مقضياها كورسات لما بجد بقيت متحولة واتغيرت اتغيرت أعتقد إلى حد كبير

ربنا يهديلك العاصي ويهديك للي فيه الخير وينورلك طريقك

ربنا يعلي مراتبك

مش هينفع أعلق على النقطة دي
بس عموما ربنا جواك مش بس معاك وبجد مفيش غيره هيقدر يهديك للطريق الصح وعارفة انك عارف ومش بتتكلم على الناحية الروحانية بس ما علينا

ربنا يكرمك ويوسع رزقك ويعلي مراتبك

ربنا يريح بالك

لازم من دا على دا مينفعش كلام بس الناس كدا مش هتصدقك ومينفعش فعل بس الناس هتمل منك وأقصد بالناس الشخصيات اللي بتهتم بأمرها

ربنا يتمملك مرادك

سعد زغلول قالك مفيش فايدة

ربنا يهدينا جميعًا

على قد ما الفراق صعب على قد ما اختيار الوقت المناسب أفضل

الاستفتاء ناقصه اختيار محايد

AhMeD RaDy يقول...

E73

وعليكم السلام ورحمة الله وبركاته

خير ... ليه ؟

الحمد لله اهلا وسهلا بيكى الى عالم الحياة العملية .. كويس يلا بقى ورينا الشغل اللى بجد ويارب يكوت التغير للافضل باذن الله تعالى

ربنا يكرمك يارب مش هعرف ادعى زيك انا مش ادك يا سيتى !


ليه !

فعلا يا ميس انا مش كنت قاصد الناحية الروحانية .. بس يلا ما علينا

اللهم امين

اللهم امين يارب

هههههههههههههه الايام بتثبت انه فعلا لازم من دا على دا !!

يارب

يمكن .. بس دا رائيه هو !!

اتمنى ان ربنا يهدينا يارب

طبعا .. !

ان شاء الله فى المرة القادمة

Copyright © 2008 - AhMeD RaDy - is proudly powered by Blogger
Blogger Template