بسم الله الرحمن الرحيم
السلام عليكم ورحمة الله وبركاته
امممممم بصوا من الاخر انا عندى حاجة كدا بتنكد عليا وهى انى فعلا مش بحس انى مبسوط خالص يعنى بخاف احس ان الامور ماشية بطريقة كويسة دايما فى قلق وفى خوف مش عارف ليه ؟؟ على فكرة انا الحالة دى ضغطة عليا جامد اوى اوى السر مش عارف فى ايه ؟؟
بس عموما انا فعلا ابتديت اتعقد من الموضوع دا وتعبت اوى بسببه وربنا يسترها بقى من عنده لان انا حاسس بضغط فظيع
وربنا يسترها يارب
السلام عليكم ورحمة الله وبركاته
امممممم بصوا من الاخر انا عندى حاجة كدا بتنكد عليا وهى انى فعلا مش بحس انى مبسوط خالص يعنى بخاف احس ان الامور ماشية بطريقة كويسة دايما فى قلق وفى خوف مش عارف ليه ؟؟ على فكرة انا الحالة دى ضغطة عليا جامد اوى اوى السر مش عارف فى ايه ؟؟
بس عموما انا فعلا ابتديت اتعقد من الموضوع دا وتعبت اوى بسببه وربنا يسترها بقى من عنده لان انا حاسس بضغط فظيع
وربنا يسترها يارب
5 اكـــــــــــــــــتب رايـــــــك:
وعليكم السلام ورحمة الله وبركاته
بص هقولك على حاجة لو قدرت تعملها هتبقى مبسوط قوي
الأول اعمل اللي عليك التاني ارضى بالنتائج التالت لما تفرح متفرحش قوي قوي قوي بزيادة عن اللزوم لأن المقادير بيد الله
ولما تحزن متحزنش قوي قوي قوي عشان برضه ربنا بيرتبلنا الخير في كل حاجة يخلق المنحة من قلب المحنة
وأقولك على حاجة كمان بقى عن حكيم صيني على ما أتذكر مش فاكرة الحكاية بالظبط الحقيقة لكن فاكرة جزء منها
وهي كانت مكونة من عدة محن وبداخلها عدة منح اللي فاكراه منها محنة ومنحة بس
وانه كان وزير أو ملك مش فاكرة المهم ان اللي حصل انه كان في مكان ما وحصله حادث أدى لقطع إصبعه ولما الناس بدئت تعزيه قالهم انه مش حزين لنه متأكد ان قطع اصبعه دا لحكمة يعلمها الله وهو منتظر ان تتكشف له المنحة وفاتت فترة وقام برحلة وكان يصحبه فيها مجموعة من الأعيان ومروا على قبيلة وكان من تقاليد القبيلة دي ان أي قافلة تمر عليهم لازم يقدموا زعيم القافلة دي قربان لآلهتهم بأنهم يدبحوه وكان المفروض ان هو زعيم القافلة لكن ولأن صباعه مقطوع القبيلة استبدلته واخدت بداله الوزير عشان مينفعش يقدموا قربان معيوب لآلهتهم
كانت الحكاية دي معتمدة على 3 محن تبعتها 3 منح أو محنة كانت وفاة ابن الحكيم ومش فاكرة كانت ايه منحتها وهكذا
المهم الخلاصة الواحد مش هيعيش قد عمره عمر تاني طنش تعش تنتعش
وبص للحياة بنظرة ايجابية ومتقلقش من بكرة طول مانت اشتغلت النهاردة بما يرضي ربنا
وفي النهاية الضغط النفسي والعصبي وان كان مش هيفيدك فهو هيضرك بعكس الروقان فإن لم يكن سينفعك فهو لن يضرك مؤكد مجرباها على فكرة حاول وجرب وربنا يوفقك
آسفة طولت
كالعادة تعليق فى الجون
وان شاء الله اقدر انفذ الكلام دا .. بس انا فعلا محتاج وقت .. انا محتاج كدا استجمام نفسى
وان شاء الله هيبقى قريب اوى
وايه بقى موضوع الحكاية بتاعت الحكيم الصينى دى .. شكلك فعلا بقيت تقرى كتير
ربنا معاكى يا استاذة
الحمد لله بقيت في طريقي للمثقفين
كله من عبد الوهاب مطاوع الحقيقة ربنا يرحمه ويسكنه أوسع جناته ويعوضنا بواحد زيه في الأيام دي هو والشعراوي محتاجاهم الاتنين قوي
عملت بقى كارنيه في مكتبة مبارك سابقًاوالتي أصبحت مكتبة المنصورة العامة حاليًا
اهلا اهلا احمد بك
تحياتى
يا راجل واحشنى من زمان
خد بالك يا احمد انا باسمى الحكايه دى اشمئناط .. يعنى ايه اشمئناط .. مش عارف لكن هى حاله كدا لا تكون مبسوط ولا تكون زعلان ولا انت مستريح ولا انت تعبان ولا مخك عارف يركز ولا انت تايه .. وساعات كمان الواحد يجيله كدا اكتئاب من غير سبب وما يكونش عارف ايه اللى مزعله .. وساعات الواحد يكون ناعى هم حاجه .. هى ايه .. مش بيكون عارف .. انها حالة اشمئنااااااط
تحياتى
استاذ ابو الفشاكيل
ازيك بجد بتوحشينى جدا تعليقاتك بجد
ههههههههههههههه بينى وبينك شكلها حالة اشمئناط فعلا
إرسال تعليق