امام مجلس الوزراء !



هناك يموت البعض

ارحمنا يارب

4 اكـــــــــــــــــتب رايـــــــك:

reemaas يقول...

احداث محزنة ومخجلة وكل الحاجات اللى ممكن تشجب وتدين بيها ممكن اقولها

بس انا مش ههيص مع الهيصة واقول المجلس اللى غلطان والشرطة بنت ستين تيت وجايز فى ده يعرضنى كتير

اولا فكرة التظاهر او الاعتصام امام مجلس الوزرا انا معترضة عليها من الاساس

فكرة انى علشان اعترض على حكومة امنع رائيسها من دخول مكانه ده غلط

التظاهر له مكانه وهو التحرير لو معترض والعباسية لو متفق اكون بقى مع او ضد دى حريه شخصية

نيجى لثانيا

فكرة ان البنات يشاركوا فى اعتصام واحتكاك مع الشرطة دى مرفوضة تماما من عندى زى رفضى للاعتدائات

ثالثا بقى نظرية المؤامرة عندى عليت اوى

اى وجه الصدفة من ان بعد كل مرحله انتخابيه تحصل مصيبة يعنى انا مش قادرة اتخيل حجم الكارثه اللى بتدبر للمرحلة التالته

اى وجه الصدفة من ان كل ما البرصة تاخد ولو نفس صغير ارجع اكتم عليها كده

هى دى الصدف؟

AhMeD RaDy يقول...

ريماس البنوتة المصرية

اكيد طبعا

انا معترض طبعا لانهم فعلا ولاد ستين فى سبعين

انا معاها جدا جدا الناس مش منعته مجلس الوزراء ليه تقريبا 9 مداخل وهم اعدين امام مدخل واحد فقط للاعتراض مش للمنع !!!!

ما انا قولت بقى اهو !!!

دايما بقول كل واحد يبتظاهر فى مكانه الاحرار فى التحرير وال .. فى العباسية !!

حقك تعترضى .. لكن حقهم انهم يعترضوا
حتى لو معترضيين ان البنات يتوجدوا .. بس هم نصف المجتمع وحقهم يعترضوا طالما برغبتهم وحقهم نحميهم

ومين قالك ان ما فيش مؤامرة اساسا يا ريماس !! دا فى ونص كمان

هو دا .. السؤال بقى ؟ هو مين اللى بيحكم ومين بقى اللى المفروض يقبض على العنصر التالت والعناصر المندسة والايدى الخفية ؟؟

الشعب يعنى نقول للشعب دور واقبض على العناصر المندسة لان لا الجيش ولا الشرطة بجميع الافرع قادرة على الامساك بهم نهائيا !!!!

هى دى المؤامرة يا ريماس ؟؟ ان هم مش عايزين يعملوا حاجة اساسا ولا عايزين يمسكوا حدا خالص !!!!

reemaas يقول...

مش عارفة يا احمد مش قادرة اتخيل المؤامرة كده

الجيش كان له موقف مشرف جدا فى الثورة وماكنش طرق صراعى لحد فترة قريبة لحد ما اقترحت او افترضت القوة السياسية انه عاوز يفضل فى الحكم

من الغباء انه يفكر كده ماهو شايف رفض مجتمعى

ثم ماهم حدد فترة زمنية اهو عندك مجلس جاى فى مارس ومن بعده رئيس

اعتقد ان وقت افتراض سوء النيه او انه عاوزها لسه ماجاش

نيجى بقى للبنات المناظر اللى شفتها امبارح من بنات ماسكة طوب وعمالة تزقل بيه المجلس يعنى منظر بشع

اللى واقفين فى العباسية مش عكس الاحرار يا احمد لان ده رائيهم وخارجين يدافعوا عنه هم بيدافعوا عن شرعيه معينة هم شايفنها كون اننا نقسمها لتحرير احرار وعباسية ...... ده غلط جدا

كون اننا نصنف الجيش والشرطة على انهم العدو دى كارثة فى وقت الكل المفروض فيه يتفاهم

يا اخى دى فى سين من الناس وصف الجيش بتاعك وبتاعى امبارح بانه كتائب طنطاوى !!!!!!!!!

الوصف ده وجعنى جداااااااااااااا

AhMeD RaDy يقول...

ريماس

انا مش شايفها غير كدا

استنى استنى استنى موقف مشرف تعالى بقى نتكلم ونتخانق !

هو ايه بقى الموقف المشرف ! الجيش مش نزل عشان يحمى الثورة هو كان هيحميها من ايه اساسا ! اذا كان المشير نفسه قال انه لم يتلقى اى اوامر بضرب النار !!الغريب بقى ان اللى اسمه الروينى دا قال انه كان بيطلع اشاعات ! طيب مين اللى قتل بتوع ماسبيرو !!! مين اللى قتل الشباب !!

الجيش كان رافض جمال جات الثورة راحت مش شالت جمال لا شالت مبارك سيدهم وتاج راسهم ... طيب نعمل ايه .. نخدم الملك مبارك باننا نحميه ويفضل اعد يتعالج على قفا الشعب وعادى جدا

الغريب انهم مش اللى حددوا اللى حدد يا ريماس هو دم الشباب ... ولا نسينا اللى حصل وانه كان الانتخابات كانت هتكون فى 2013 ... ولا نسينا اللى اسمه شاهين طلع ونزع سلطات مجلس الشعب ....

لا لسه شوية فعلا على سوء النية لازم الاول يخلص على مليون ولا اتنين

امممممممممممم .. ممكن اسالك سؤال هو انتى كان بنت وتم ضربك ولائيتى طوبة مش هتحدفى بها اللى ادامك !! هتضربى زى الاولاد لا طبعا !! حاجة اهم بقى هو الناس اللى هناك دول اعديين من بدرى اوى اوى .. ايه اللى حصل بقى ! اكل مسمم يروح ...! ضرب من قوات الطنطاوى ! فعلا وبجد لازم اصدق ان البنات غلطانين

انا ما بقولتش انهم مش احرار بس لكل واحد نصيب من اسمه وكان ربنا اراد ان دا يحصل بتوع التحرير يروحوا لتحرير عشان يحصل دا .. 25 يناير محدش كان بيروح التحرير كانوا فى العادة بيروحوا رمسيس وافتكرى ايام الصحفيين والقضاء !! لكن ربنا اراد التحرير .. اسمه وحدثه تحرير !!!

انا مش شايفهم عدو وبس دا عدو ومعفن كمان .. بيتامروا علينا عايزين البلد تخرب .. بنفذوا كلام سيدهم وتاج راسمه اللى جذمته على رقابتهم حسنى مبارك .. الفوضى !! الشرطة اللى مربية البلطجية بقت فجاة مش عارفة .. قوات الطنطاوى بتضرب البنات ... الله يا مصر جميل اوى اوى

ريماس ما تقوليش س تقدرى دلوقتى تقولى احمد بيقول قوات الطنطاوى .. لان هو دا الاسم الوحيد لرجالة عملوا كدا فى شعبهم !! قوات الطنطاوى الاهم تقبض .. الاهم ان مرتبهم شغال ... لكن حرمة الشعب فى 60 داهية .. مداعيين التدين من قوات طنطاوى يفتكروا بقى حديث الرسول
عن أبي هريرة رضي الله عنه أن رسول الله صلى الله عليه وسلم قال: ( المسلم أخو المسلم لا يظلمه ولا يخذله ولا يحقره … كل المسلم على المسلم حرام دمه وعرضه وماله ) رواه البخاري ومسلم.

انا جبتلك الحديث بالنص

وفعلا قوات الطنطاوى وجيشه

Copyright © 2008 - AhMeD RaDy - is proudly powered by Blogger
Blogger Template