على تويتر !

بسم الله 
 السلام عليكم
.
ان شاء الله 
مش من الصعب انك تعرف انك فعلا محتاج معدلة صعبة ! ويمكن يكون ساعات قرارات مهمة ولكن  تاجليها ضرورة جدا !
حياة واسلوب وقرارات وتعاطف واحساس مش برود وتنفيض ! لخبطة كدا
المهم بقى وبعيد عن كل الهرى دا ! ببساطة انا فوجئت بعالم تويتر  اى نعم ! twitter  كنت راكن شوية وكانت نشطاتى فى الايام اللى فاتت مش كتير سواء على الفايس او المدونة هنا ! اللى يوم ما بقفلها مش بكتر اوى الا فى الفترة الاخيرة ! المهم ان هتلاقى فى حاجات كتيرة محتاجة منك بس تفرح !
.
سمعت اغنية بتاعت اتجنن ! اه بجد حلوة اوى
.
الشريعة  استنى كدا عايز اجبلك بيت شعر حلو اوى اعبر به عن حاجة
يأخذون من يدك رغيف الخبز ويعطونك قطعه منه ..ويأمرونك بشكرهم ..يا لوقاحتهم
بس هو دا ! 
.
انا بقيت عمال اقفل كل ميزة فى الفايس ممكن تخلى حد يشوف انشطتى على الفايس غير المضافيين عندى ! وكل ما هلاحظ ان فى حاجة بتظهر هقفلها !
.
يسرى فودة مذيع من طراز خاص ! فقرة التحقيقات اللى بيعملها جميلة !
.
بقيت فى الفترة الاخيرة بتجنب اى احكام مسبقة على الناس ! بس ما ينفعش تقولى على قاتل ! انه برئ وانا شايفه بيعنه بيقتل ابرياء دون وجه حق !
.
على فكرة انا مبسوط منك ..! اول مرة تعملها تشوفها وتنفض ولا تعدى ولا كانك شوفتها ! مش قولت لك اللى بيعك بيعه ! تسلم
.
التجربة مش محتاج تقول تفاصيلها كفاية انك فاكر انك استفد ! وربنا يوفقك بقى
.
لا اعتقد انى هبقى ناشط على التدوين بشكل كبير وانا هتابع بشكل بسيط ! وهعلق اكتر !
.
انا مش شيطان ولا هجرى ! اللى مش عجبه يتفضل مع السلامة ! ميزة النت ومدونتى وحتى حسابى على تويتر انى متمسك بهم ! ومش بعمل متابعة للى بيدخلوا وكدا !
.
فكرة متابعة الاخبار من اشخاص عاديين ليها مميزات ! وفيها عيوب ! بس بصراحة الناس اصدق !
.

على فكرة اكتر فعل ندمت عليه هو التصويت للخرفان ! انا مش مقتنع بهم من الاول ! وعلى فكرة انا كنت من اللى هيقطعوا بس الخوف كان لشفيق يرجع ! وواضح ان شفيق كان ملاك !
.
مصر اثارها تتعرض للايجار احب اقولك يا خروف ايوة انت يا للى عمال تقول كدا ان وزارة المالية بعتت للمجلس الاعلى للقضاء وحصل اجتماع ادارة واترفض باجتماع رسمى ! خروف لو بتعصبك كلمة خروف خلاص عبد الناصر عبد الناصر عبد الناصر يا خروف برده :D 
.
ما يهمنيش شكلى ادام حضرتك ايه يهمنى ضميرى بيقولى ايه ! فى ناس هتقول لا مش تقول خروف ودا غلط هقولك انت لو عندك جزء فى جسدك ولا فى روحك اسمه ضمير لازم ترد عليا وتقولى مين اللى قتل شبابنا فى الاتحادية وبورسعيد واختطافهم واختفاءهم وتعذيبهم وقتلهم ! 
.
نصيحة ليا  . . . . . . . . . انت صح كمل والله الموفق والمستعان 
.
ان شاء الله

4 اكـــــــــــــــــتب رايـــــــك:

P A S H A يقول...

بمناسبة الأغاني ..
https://www.youtube.com/watch?v=GbWmEqigElQ

اسمعها كده يا رب تعجبك
:))

AhMeD RaDy يقول...

تسلم والله يا باشا على الاغنية الجامدة دى عجبتنى جدا .. وهسمعها تانى على رواقة

reemaas يقول...

انا جيت :)
شفيق كان هيخاف على فكرة دول مابيخافوش ولا بيختشوا

طعمه جديد البوست ده حبيته

AhMeD RaDy يقول...

منورة والله يا صيدلانية
دول تجار دين .. وكل لما افتكر جمعة حديقة الحيوان اعرف انه انسب مكان يلم اللى زيهم فعلا !

اشكرك دا من ذوقك بس ! ولو انى فقد القدرة على الكتابة اساسا !

Copyright © 2008 - AhMeD RaDy - is proudly powered by Blogger
Blogger Template