انا مش منهم

اسمعوا كاريوكى  ... هتستمتعوا ومش هتحسوا بالتفاهة وبجد الاغانى هتاخدوا لاماكن فى انفسكم هتكتشفوا انكم مش زورتوها من بدرى ..

بيقولوا الأغلبية .. هي الصواب
قريت التاريخ وفهمت الدرس المستفاد
الاغلبية كانت دايما صوت السكوت
و الغش والنفاق دايما حاضر موجود
وكلمة الحق كانت وحيــدة وبعيــدة
حاربوها زي ما حاربوا اي حاجة جديدة

قطيع كبير أنا ماشي فيه من غير أمل
أحاول أخرج يقولوا أتهبل
انـــااااا ... مش منـــــــــــــــهم
.......................
عاوزني أبعد عن كياني و اسيب مكاني
واغير عنواني و ابيع أحلامي
خايفين يعلموني لا فيوم أفهم
دايما بيفوقوني قبل ما بحلم
عاوزني افضل جاهل حافظ مش فاهم
واغرق فـ هموم حياتي و فـرزقي أعافر
قطيع كبير أنا ماشي فيه من غير أمل
أحاول أخرج يقولوا أتهبل
انـــااااا ... مش منـــــــــــــــــهم
.......................

صبحت عاللي قاعد واللي ماشي واللي راكب
بصيت لبحرك وإفتكرت أموات المراكب
اه يا زمن كان قاسي قادر بس عاللي حابب
غمضت عينى و اتقهرت من بلد العجايب
تصبحى على كذبة احلى يمكن يشتريها عقلى
تصبحى على صرخة اعلى يمكن بيها يرق قلبى
ويغيب صباحك على أي كاذب أو منافق ناوي يغدر
إفضحي كل الديابة اكشفيه لو ناوي يستر
أوحش حاجة لو قررت تبقى عادي ..
تبقى واحد وسط الزحمة مـ العبيد..
اوحش حاجة لو قررت تبقى عادي
تبقى سبب إن حر يعيش وحيد
-
امشى خطى الطريق
نور الشموع تضئ
اسند كتف الرفيق
كمل لو مهما كان
ابلع ملح الدموع
اصرخ ملعون ده جوع
اكسر نهر الخضوع
صابر طول الزمـــان

قطيع كبير انا ماشي فيه من غير امل
احاول اخرج يقولوا اتهبل
انا مش منــــــــــــــــــــــــــــــــــــــــــــــــــــــــهم

0 اكـــــــــــــــــتب رايـــــــك:

Copyright © 2008 - AhMeD RaDy - is proudly powered by Blogger
Blogger Template