سنة فى علم الحياة

بسم الله الرحمن الرحيم

انا دلوقتى ولله الحمد داخل المنزل وامام شاشة الكمبيوتر وهبتدى اكتب عن اللى حصل فى الفترة اللى فاتت فى الجيش

طبعا ودا شئ بديهى مش من الناحية العسكرية ولكن من الناحية الحياتية الجيش كتجربة فى حياتى كجندى مجند

وقبل اى كلمة .. بجد والله وحشتونى جدا جدا جدا .. كلكم حتى الناس اللى اعرفها ومش بتيجى المدونة برده هقولهم من هنا انى بجد افتقدكم جدا

وفرحان جدا بكل تعليق انكتب من بعد ما مشيت وبشكر الناس من جوة قلبى بجد على الكلام الرائع دا ... وربنا يارب يبارك فيكم

يااااااااااااااااااااااااااااااااااااااااااااااااااااااااه .. مش ممكن بجد مش مصدق انى خلصت فترة التدريب .. بجد الواحد مش عرف قيمة الجيش الا وهو

ماشى فى الشارع . اقولكم ما تتصوروش العيال وانا واحد منهم كنا مش طايقين الجيش خالص خالص .. وحسين باد ايه السنة دى

ضايعة من عمرنا كدا على الفاضى لكن اول لما خرجت .. وشوفت الناس تانى عرفت اد ايه الجيش غير مننا .. عمل شوية ثوابت لحاجات

جوة الواحد .. وازاى بجد بجد تبقى راجل ... على فكرة اصدق مقولة هى ان الجيش مصنع الرجال .. واقدر اقولها وبقلب جامد دلوقتى

ان اللى مش دخل جيش فاتوا كتير اوووووووووووووووووووووووووووى من معانى الرجولة الحقيقية .. الجيش بتاعنا بجد وبلا فخر اعظم

جيش فى العالم من غير اى نقاش .. ورغم اننا كشباب كنا جوة بنلعن ونسب ونضرب نفسنا بالجذمة اننا دخلنا الجيش .. بس دلوقتى بقول

يارب اقدر اكمل الفترة على خير واستفيد اكتر ..من السنة دى .. احد القيادات فى المركز .. قالنا اعتبروها سنة فى علم الحياة .. اتعلموا الرجولة

الحقيقية .. ودا ومن غير ما نعرف بقيت تصرفاتنا التلقائية .. بقين نعرف يعنى ايه عمل جماعى بجد يعنىايه تحمل وصبر .. يووووه

دا فى كتير .. ودا مش معنه ان التجربة كانت كلها ايجابيات .. لا دا فيها سلبيات .. وسلبيات محبطة كمان .. بس اهو الواحد بيحاول ياخد

الايجابيات .. ويشيل السلبيات .. وربنا يستر بقى

انا عايز والله اسلم عليكم واحد واحد واحدة واحدة ..بس انا عنيا حمرا من قلة النوم .. ونفسى اعد ارغى كتير كتير اوى .. بس ان شاء الله

فى اقرب بوست جديد ..

اه ... الاجازة فترتها قصيرة .. ادعولى اقدر استمتع بها .. لانى محتاج دا اوووووووووووووووووووووووووووووووووووووووووى