كلمات ...!


ماسك فى ايدى قلم ... وانا محتار
اكتب .. ارسم ... اشخبط ولا اسيبه وخلاص
صرخة وشكوى ودموع محبوسة فى العنيين ومكبوسة
والقلم لسه فى ايدى وانا فى حالة احتيار

عمود حديد ولا نحاس ولايمكن حتى صاج
مرمى ادامى اهو هناك ... واحنا فى الصباح
يا ترى نايم .. ولا ميت م كتر التعب انا محتار
ولا يمكن هو مريح وساب القدر يختار

بنت اعرفها وما اعرفهاش .. ماتستغربش
دا عالم جديد .. واسع .. غريق وعن الواقع مش بعيد
تسالنى عليها اجاوبك ..لكن ملامحها ماخبرهاش
ناس كتيرة فى نفس حالى ... وليه كدا انا مااعرفش

ياطريق طويل لافف لف التعابييت شمال ويمين
وسط الصخور والتراب دا غير حبة تراب متبعتريين
شايفك من برج حديد فى حديد
كنت فى اوللك وفاكر اخرك بعيد
طلع اخرك هنا جنبى ونسيت انك لافف لف التعابيين

يا جبل متعنطز اوى كدا ليه ؟؟
ايش حال ما كونتش شوية صخر مترميين
علوك دا مش منك دا قصر التانيين
عايز تعرف قيتمتك خليك وسط العاليين !

6 اكـــــــــــــــــتب رايـــــــك:

E73 يقول...

أول تعليق

رااااااااااااااااااائعة الكلمات

أسجل اعجابي بموهبة جديدة

في الواقع كنت زايرة لأرسل بيان باستلام واجب على الرابط التالي

http://d0rna.blogspot.com/

لكن لفتت نظري الكلمات

shaimaa rady يقول...

كلمات في جووووووووووووون ولو اني مبقتش طايقة الأجوان ولا حتي سيرةالكورة :)

بس الله ينور عليك يا أحمد

بس قولي بقا حضرتك فييييييييين، جيت ومشيت لا حسيت بيك ولا كلمتك حتي
بقا ينفع كده
ولا تكون لسة هنا وانا معرفش
وبعدين مسمعتلكش حس الاجازة دي
انت مالك بجد
حساك حد غريب علية معرفكش يا خويا...!!!
ياترة لييييييييييييييية، ماااااااااااالك.؟؟

سوسو الاموره يقول...

كلمات ليست كالكلمات كلمااات اااه ههههههه
لا بجد حلوه الكلمات دي تحياتي لك يا اخوا شيموا هههههههه

AhMeD RaDy يقول...

اشكرك على الزيارة والتعليق الرائع

وهى مش موهبة ولا حاجة هى بس مجرد كلمات كتبتها فى فترة الجيش وكل واحدة ليها عندى ذكرة ومعنى

AhMeD RaDy يقول...

ليه بس مش طايقة سيرة الاجوان وكدا
كله نصيب

الله ينور عليكى انتى يا باشا

انا دايما بسعة انى اكلم الناس بس الناس هى اللى بقى مش بتكلمنى .. انتى يا باشا اللى كنتى مختفية .. ونشطى الذاكرة شوية

لاا ابدا كل الحكاية انى برتب بس مش اكتر .. وانا على فكرة كويس جدا جدا ولله الحمد وعايز اقولك انى فعلا بتغيير بس صدقينى للافضل بكتير ..

كسرت القواعد خرجت واتفسحت وتمرد واخيرا تحررت .. ولسه مصمم امشى فى طريق التمرد للنهاية لانى بخلص نفسى من التقيد

AhMeD RaDy يقول...

الله يخليكى ولو انى بصراحة ساعات مش بفهم التعليقات بتاعتك بحسها مقطعة مالهاش علاقة ببعض ...! والله اعلم

Copyright © 2008 - AhMeD RaDy - is proudly powered by Blogger
Blogger Template