كله خير

بسم الله

تمرالايام ويمضى العمر وهكذا يبقى الانسان انسانا

للاسف الشديد طبعا مالحقتيش اعيد العيد الكبير لانى ماكونتش موجود كل سنة وانتوا طيبيين

وبعده العام الهجرى الجديد وايام التاسع والعاشر والحادى عشر من محرم

كل سنة واتوا طيبيين على كل مناسبة ويارب يكون الجميع بخير

ولكن كالعادة هناك دروس مستفادة

يااااااااااااااااااااااااه هو الانسان مليان اوى كدا بالطاقة وجواه كتير انا هقولكم انبارح انا مشيت 20 كيلو متر فى زمن اقل من ساعتيين ونصف والحمد لله نجاحنا ودا لان فى حاجة اسمها الروح

فى تحدى فى شئ اسمه التزام .. فى شئ بيحركك للامام بيخليك تشد زميلك لانك مش هتنجح من غيره ... يخليك وزميلك تعبان تشده وتحمسه وتقوله اقوى احسن يالا يا وحش هانت .. بجد الفترة اللى فاتت كانت الدروس كتيرة الحماس والروح المعنوية والتدريب المستمر هو اهم اسرار النجاح .. اليوم اللى بتدرب فيه عمره ما هيروح فى الهوا ابدا ابدا

هيجى الوقت اللى هتلاقى وتعرف قيمة تدريبك المستمر عرقك اللى بيدل على مجهودك شعورك بالثقة فى انك قادر ايوة قادر تعمل المستحيل قادر على رفع هامة كل من يتامل فيك خيرا هتشعر بارهاق وضغط ولكن فى لحظة النجاح هتنسى كل دا

استمروا فى التدريب استمروا فى التامل واستخلاص الدروس سيبك من كل انسان محبط سيبك من اى حد بيجرك للخلف ويخليك تتاخر ولو خطوة فكر فى لحظة تسعد فيها نفسك وغيرك وصدقنى هتقدر

لحظات سعيدة عليكم يارب وعام جديد مليان حسنات ونجاة من كل شر عام سعيد عليكم يارب


2 اكـــــــــــــــــتب رايـــــــك:

E73 يقول...

أولا حمد لله على السلامة
ثانيا امممممممم انا يوميا بمشي 12 كيلو في ساعة من الكلية للبيت
ربنا يقوينا كلنا يا رب
ثالثا انا شايفة ان اللي الانسان بيتعمله بالتجربة أحسن كتير من اللي بيتعلمه بالتلقين والقراية فليه متحاولش تفيد غيرك بتجاربك دي في كل مرة وانت بتكتب بتقول حاجة جديدة كويسة بس بجد ربنا يعينك
رابعا وانت طيب وبالصحة والسلامة
خامسا آمين يا رب العالمين نحن وإياكم

AhMeD RaDy يقول...

الله يسلمك يارب

وربنا يقويكى يارب ولكن الحمد لله ان احنا مشيينا ال 20 كيلو فى ساعتيين ونص لانه دا اعتبر رقم كويس جدا

بصراحة انا موافقك جدا التجربة بتبقى حلوة جدا ولكن اللى بكتبه تقدرى تقولى عليه تذكرى ليا انا وسؤال بساله لنفسى ايه الاستفاده من الفترة اللى فات وبكتبه وعشان يتحفر جوايا

وانت اطيب واحسن

اللهم امين

Copyright © 2008 - AhMeD RaDy - is proudly powered by Blogger
Blogger Template