اللى يخصنى ..!

بسم الله الرحمن الرحيم

بصوا هو الواحد بقاله فترة كدا او بمعنى ادق بقاله كم بوست بيكتب بالعربى اللى نص فصيح بلاش فصيح اوى يعنى الاهم بقى وحشيتنى الكتابة بلغة الشوارع

فكوكوا من الكلام دا

المهم بقى ان مش عارف ليه وانا بقلب فى المواقع والمدونات وما الى هك .. الائى عنوان كدا فى مدونة مكتوب اعظم 100 شخصية فى التاريخ

عادى ايه الجديد يا عم الحج ..ما فيش جديد كلنا شوفنا الحوار دا مية الف مرة .. لكن السؤال الرخم بقى اللى جيه فى بالى

مين يعرف اعظم 10 فى الترتيب يعنى هل فعلا احنا بنسعى لرؤية الموضوع بالكامل ولا بنكتفى باللى يخصنا وخلاص على كدا

ودا بقى اللى حسيته اول لما شوفت العنوان لائيت رد اتوماتيكى بيقولى اكيد اول شخصية هو شخصية الاعظم فى التاريخ الرسول الكريم

وبصراحة لما مخى حب يحطينى فى خانة الياك قالى قول يا ناصح مين بقى التانى .. ولا التالت

بصراحة لائيت ان الواحد ساعات بيدور على اللى يخصه لوحده فقط من غير ما يكون عنده رؤية واضحة لباقى الامور مش بقولك اعرف كل حاجة بس فعلا الواحد محتاج يبص للامور برؤية اكبر واوسع من كدا شوية

وPEACE