حوار صريح مع نفسى ..؟؟

طيب بص يااحمد انا عارف كويس انك بقالك فترة بتحاول تتكلم ومش عارف اساسا انت عايز تقول ايه ولا لمين صح ؟؟؟؟
صح ياريت اتكلم

انا عارف ان مشكلتك انك لما هتتكلم ان فى حاجات كويسة انت حاسسها هتروح يعنى الحاجات اللى الناس فاكرينها فيك كويسة هتطلع وحشة
بصراحة اه

طيب يا ترى لما الناس تشوفك كويس وانت شايف نفسك وحش ومش عارف حتى تتكلم ولا قادر تعبر يمكن انت غلط .. يمكن هم غلط .. بس الاهم انه يظهر منك الحقيقة ويس

ايه رائيك لو درشنا سوى وسيبك انت من اى كلام اهبل عن الناس وكدا انت لو وجهت نفسك بالحقيقة هتستريح
كفاية ان اللى هيتعامل معك هيتعامل مع احمد الحقيقى

طيب انا موافق تقدر تسال وخلى بالك انا مش وحش اوى والله بس ساعتا لظروف

حاسس انك عكيت فىا لفترة اللى فاتت ؟؟

بصراحة اه بقالى كتيراوى منيل اوى وطالع ونازل
يمكن فى ناس كير بتحسب دا تناقض هو يمكن كدا فعلا بس مش سبببى انا بس لما بحزن اوى بهزار واضحك واطنط ببقى عايز افك بسرعة مش بحب الحزن ودا اللى يخلى الى ادامى يفتكرنى مجنون او ان اللى بمر بيه مش حقيقى سواء حزن او فرح او حب او كره

افهم انك بتعالج نفسك بنفسك يعنى الحزن تروح قلبه بمنتهىالقوة ومن غير تدريج للعكس
بالظبط هو دا ودا اللى يخلى الفرق بين الحالتيين يثير التسائل

طيب انت مالك بقى ؟؟
ابدا الفترةاللى فاتت بصراحة كنت كويس لغاية ما خرجت من الجيش بصراحة الخروج من الجيش كان كارثة ودخولى كان انقاذ

لا وضح بقى ؟؟
هقولك انا فى الفترة قبل ما ادخل لجيش كنت فعلا تعبان اوى وكان كل شئ عليا .. حسيت انى اضغط جامد يمكن لانى مش كنت قاسى وحاسم فى ردودى ودا اللى خخلى ناس كتير تفهم موقفى غلط كله فهم اللىعايز هو بس يفهمه

لا استنى بقى تقصد ايه ؟؟؟
عارف ان قبل ماادخل الجيش كان فى كذا موضوع انفتح وفجاة لائيت نفسى مضغوط اوى وسالت نفسى هو فى ايه لان الموضوعات كلها بنات .. اه والله تقولى ليه الله اعلم .. مش عارف حصل ايه

طيب دخلت الجيش وحصل ايه ؟؟
انفصلت فترة كويسة عن الناس .. بصراحة كانت كويسة جدا بعد عن اى ضغط وبصراحة لائيت اللى جنبى الاصدقاء اللى بجد على الاقل انا اللى بعتبرهم كدا حتى لو هم مش اعتبرونى كدا

ودلوقتىرجعت للضغط تانى؟
اه عارف المشكلة فىايه

ايه ؟
انا هقولك حاجة منفصلة شوية

قول .......!
انا من النوع اللى عندى ضمير ابن لذين مش بيرحم .. مش هتتصور لو اقولك انى لو عملت ذنب بيقولى ايه دا ... والغريب انى لو حاولت اعمل كدا بلاقى جسمى كله بيرتعش .. كله بلا استثناء .. والله ... الغريبة انى لسه لحد دلوقتى كدا .. لما الائى جسمى بيرتعش اعرف انه ذنب واعرف ان الشيطان سيطر عليا الغريب بقى ان السيطرة دى اقدر اخرج منها لكن يمكن لانى شاب ويمكن لانى انا نفسى افك .. واحساسى ان فى كتير اوى فاتنى هو اللى بيخلينى مش اتراجع

مش ملاحظ ان كلام بيدل انك ليك رغبة فى اللى انت مش عايز تعمله اساسا ؟؟
بصراحة بقى اه فعلا .. الرغبة موجودة ... ويمكن هى اللى بتنتصر رغم ان لما عقلى بيمتلك الامر دايما بيعقبنى

علاقتك بربنا ايه يا احمد .؟؟؟
اه هو دا بقى اللى انا مش عايز اتكلم فيه .. بصراحة انا اتغيرت انا اتنسفت انا مش كدا .. انا فيا كتير مات وكتير اتهد .. ليه مش عارف عارف انى نفسى اسافر برة ابعد عن كل اللى حواليا دلوقتى حاسسهم بيغرقونى اكتر مش الكل بصراحة لان فى ناس انا بتمنى اتعرف عليهم اكتر

انت خايف يااحمد؟؟
اه

طيب ناوى على ايه ؟؟

فكرت كتير فى انى اكون لوحدى . انفصل كل شئ اقطعه ابعد شوية عن العالم دا اللى بقى بجد فظيع .. كل شئ بقى يخنقنى .. الواقع او نت

ممكن اقولك حاجة يااحمد انا ملاحظ انك بدور على حب مختلف نفسك تحب حد مختلف ؟؟
بصراحة اه .. انا كانت احلامى بسيطة اوى .. وكنت بحاول اسعى ليها ....!! لغاية 3 ثانوى احمد عارف احمد .. ماكونتش 2 لكن لما دخلت الكلية كل شئ اتغير خالص

وليه ؟؟
انا كنت بحلم بالمظاهرات بصحيفة الحائط بالتمييز بالعقل والمناقشات ... يااااااااااااااااااااه كنت فاكر ان الحياة هتبقى بجد
لكن للاسف لائيت نفسى بدمر تدمير نفسى وعقبلى وفكرى .. اناادمرت من جوة خلاص

طب انت بصراحة بتحب دلوقتى ؟؟
المشكلة دى هى بقى اللى مشكلة الحب مش قادر اقول دا .. ايوة بصراحة
انا هقولك بحلم ببنت عاملة ازاى ... اسمع ويمكن يمكن اقولل عارفة اية ... لا لا مش المغازى التانية اللى عمرك ما كلمتها

اللى كانت فى الكلية
ايوة البنت الجميلة اوى دى
انا بقى عايز واحدة زيها هههههههههههههههه

بتحلم دى يا بنى فظيعة .. تدين وجمال واخلاق وتربية ونشيطة واجتماعية وشاطرة .. بنت بسم الله ماشاء الله عليها معدية

اهو بقى .. هو دا

مقابل ايه يااحمد ؟؟
مش عارف بصراحة وبحق وبجد .. انا معديش اى حاجة تسمح لواحدة حتى تفكر فيا ..!!

يبقى ليه بتحلم بحد بالشكل دا وانت حتى معندكش اللى يغريها فيك ..!!
انت صح ..

بصراحة فى بنات تانية ؟؟؟
بصراحةاه كتير ... هقولك بس دول بقى من على النت .. يمكن من الشخصيات اللى عجبنى فيهم اخلاقهم وتفكيرهم وبينى وبينك عجبنى اكتر تصرفاتهم

دا حب ولا اعجاب ؟؟
لا اعجاب وربنا يعلم .. احنا اتفقنا على الصراحة واديك شايف ادينى بطلع وشكلى هعك

طيب نكمل فى بوست تانى ان شاء الله
بنفس الصراحة

بنفس الصراحة
ان شاء الله

ياريت اللى عنده اىتعليق او سؤال يقوله لانى بجد عايز اطلع كله واخلص .. عايز ارمى اللى على كتفى وعلى فكر ممش ناوى على مجاملات