لما بتمسك الريموت كنترول وتقلب ما بين القنوات عشان تختار قناة .. فانت بدور على شئ يشد انتباهك يعجبك .. اى حاجة تكون بتحبها او بتفضلها .. بتحط شروط معينة فى داغك وعليها بتختار .. يعنى انتى بدور على كوميدى .. فا هتفضل تدور لغاية متلاقى اللى انت عايزه
طب لو نزلت الشارع عشان تختار تى شيرت ليك .. اكيد برده بتحط شروط وقواعد عشان تختار تى شيرتك الجديد .. الالوان المقاس الشكل .. القصة وهكذا
وكل شئ تقريبا بتعمله .. بتكون مقتنع به وموافق عليه ووفق لشروطك وميولك صح .. ولاايه ؟؟
طب يا ترى بقى انت مسلم ليه ؟؟
السؤال ممكن يكون مش جديد عليكى .. ولا الاجابة ..؟ بس انا بس عايزك تفكر .. هل لو ولد بوذيا ولا نصرانيا او يهوديا .. كنت ممكن تعتنق الاسلام ؟؟؟
امممممممم
فكر كدا شوية
يعنى هل انت مقتنع بكل شئ فى الاسلام ..؟؟
قبل ما تجاوب فكر شووووووووية لو سمحت ..
شوووووووية كمان
ها اجابتك ايه ؟؟؟
طب يا ترى ليه بقى مش بنفذ كل الاوامر اللى فى الدين ؟؟
عشان الظروف .. الدنيا .. الناس ...
يبقى الحاجات دى اهم من الدين .. طب ليه بقى مش نغير الديانة ونختار دين .. يمشى مع ال 3 دول اذا كنت شايف ان تنفيذ التعاليم الاسلامية صعبة ؟؟؟
فكر بجد هل انت مسلم عشان فعلا مقتنع بدين الله ... ولا عشان بس اتولد مسلم
كل الاسئلة دى والطريقة دى .. بتيجى فى دماغى لما بلاقى نفسى مش بنفذ اى حاجة من تعاليم الاسلام ... واسئل نفسى برده يا ترى لو كنت بوذيا هل كنت هسلم واعلن اسلامى ... لانى مقتنع ولا كنت هفضل فى حالتى البوذية
وبعد كل دا بفتكر قصة الرجل اللى قتل 99 نفسا .. كان يريد ان يتوب وكل لما فتكر ان ربنا وسعه برحمته ..فاطمع اكثر ويزدد اليقين ان الدين عند الله الاسلام
وكما دعا اعربى ..
اللهم لقد اعطيتنا الاسلام دون سؤال فلا تحرمنا الجنة التى نسال
12 اكـــــــــــــــــتب رايـــــــك:
اللهم لقد اعطيتنا الاسلام دون سؤال فلا تحرمنا الجنة التى نسال
اللهم آمين
عجبتني فعلاً الدعوة مع إني اول مرة أسمعها لكن فكرتها جميلة جدًا
بالنسبة لموضوع التوبيك كتير بفكر فيها حتى من فترة شبه طويلة كنت منزلة توبيك بيتكلم عن نفس الفكرة لكن للأسف حذفته تحت ضغط أدبي من أحدهم
المهم كتير جدًا الإنسان المسلم مبيبقاش مقدر قيمة وحجم النعمة اللي هو فيها
طبعًا بتكلم حاليًا عن نعمة الإسلام لوحدهامش عن سائر النعم التي نمرح فيها
نعمة أعتقد لا تعادلها نعمة
نعمة توفير عليك كثير من التخبط وتضعك على أول الطريق الصحيح دون عناء
ولكن لمن يمتلك العقل هو من يمكنه تقدير هذه النعمة وحسن شكر الله عليها
جزاك الله خير مقال جميل
ورمضان كريم
حلو البوست
انا على يقين اني لو ولدت في اي شرعة او منهاج غير الإسلام لتحولت للإسلام
ليه؟
لأن ربنا اسمه العدل
لو ريح نفوخ ناس من التفكير وخلاهم موحدين وخاى ناس تانية تفتن او تلف حوالين نفسها لحد ما تؤمن أو لا تؤمن
ده ينافي العدل
اما اللي يوافق العدل
ان المسلم - حتى الفاسق - بداخله توحيد لو اختبر فيه لأجتاز الإختبار ولذلك ولد مسلما
واللي لا يجتاز الإختبار ها تلاقيه نوال السعداوي اللي بتقول لك إيه قل هو الله أحد ده؟!!!!!!!
تحياتي
الله على الدعاء والله على التفكير
ربنا يتقبل يارب اللهم امين
كل سنة وانت طيب وبخير وصحة وسعادة
كلام منطقي جدا
ااقتناع اصل الايمان والتنفيذ
وعامة مفيش دين اشمل ولا اكثر توسط م الاسلام..بس اللي يفهمه صح
ربنا يكرمك يارب ويجازيك خير
رمضان كريم
للهم لقد اعطيتنا الاسلام دون سؤال فلا تحرمنا الجنة التى نسال
اللهم امين
التوبيك حلو بيتمحور حول موضوع مفهوش نقاش انت لو القيت نظره لبائي الاديان هتكتشف انوا فيهم غلطه ما تعرفش من اد ما حرفوا هما نفسهم تلائيهم مش مقتنعين بديانتهم ومهما لفيناا مش هنلائي اصح من دينا الحمد الله على نعمت الاسلام ومهما تهنا عن دينا بالاخر بنرجع ليه وبتمسك اكتر من ابل لانوا احنا عارفيين انوا مفيش ارحم من دينا
E73
اللهم امين يارب
الجديد دايما عندنا امل احنا بنهزر ولا ايه ..!!؟
امممممممم طيب انا بقى مش بتعرف لضغوط ادبية .. الا من ضميرى .... نياهاهاهاع
فعلا وابصم بالعشرة
وهى دى نعمة قليلة
ما هى المشكلة بقى فى التفكير فى النعمة دى وهل لازم يعنى تنتزع من عشان نعرف قيمتها ..!!!!!؟
انتم ونحن باذن الله
الله اكرررررررررررررررررررم
دكتورة ستيتة
تشرفنا بالزيارة
اتممنى ان الكل يكون مقتنع فعلا بالاسلام زيك كدا يا دكتور
ليه ؟
اكيد
اشكرك على توضيح وجهة نظرك فى العدالة الالهية
وانا مقتنع بشئ ما من وجهة نظرك .. خاصة فى جزئية البذرة الموجود بداخل الانسان ... والعقل اللى ربنا اداه للانسان عشان يا يراعى البذرة او يختار هو بنفسه قتلها
اما نوال السعداوى .. فلها الله .. فانك لاتهدى من احببت
ورد حلو :(
lady e
اشكرك يا لادى على الكلام الحلو دا ..
اللهم امين يارب
وكل لحظة وانتى بخير وسلامة وامان فى دين الله الاسلام
طالبة مقهورة
ايوة الاقتناع ..!! هو دا بقى اللى انا بدور عليه .... الاقتناع
الانسان بطبعه جاهل ... للاسف مش بنقدر قيمة النعم الا لما تاخذ منا ..!
انتم ونحن باذن الله
الله اكرررررررررررررررررررررم
سوسو الامورة
اللهم امين يا رب
مسالة ان الاديان محرفة .. فدا شئ كمسلمين متاكدن منه لانه مذكور فى ديننا .. لكن ما نقدرش نقنع الاخرين بما هو فى ديننا المنطق والعقل والبرهان هو الشئ الوحيد اللى الناس دى بتعرفوا ..
ودا اللى ساعات بنقع فيه .. بنحاول نقنع الاخر بما هو اصلا كافر به وغير مقتنع
وانا معاكى فى ان فعلا كلما تاه الانسان رجع وهو على يقين بان الله اكثر رحمة مما قدر يفوق خيال البشررررررررر
رمضان كريم
وكل عام وانتم بخير :)
اقصوصة
الله اكرم ورمضان كريم عليكى
إرسال تعليق