تجربة شخصية

بسم الله الرحمن الرحيم 

السلام عليكم 

عادة الناس اللى بتكتب تجاربهم مع اى حادث او موقف بتعرف تكتب كويس وانا لا امتلك القدرة دى 

بس انا هتكلم عن حاجتيين 

فى يوم 25/5/2013 يوم غير عادى بالمرة بالنسبة ليا .. لانه نقلنى من منطقة لمنطقة تانية خالص ... وبقى فى حاجة مختلفة فى حياتى .. النجاح .. كان اليوم دا بعد تدريب مدته 5 ايام فى ال network ودا عشان اقدر اكون technical support فى الشركة وادعم العملاء .. يعنى شئ بالنسبة ليا افضل .. الامتحان انا رقم 1 . درجاتى كانت 21 من 22 .. ورقم 1 مش معناها انى الافضل .. بالعكس انا حاسس انى الاسوء وابتديت احس انى محتاج افهم كتير جدا ..خاصة ان داخل فى عالم تانى خالص 

فى يوم هتلاقى ناس بتسيبك .. وناس شايفينك قليل .. وناس شايفينك كافر ... سيبك بقى من كل الهرى دا .. وركز .. استمر .. كمل وما تزعلش .. بصراحة انا من النوع اللى بزعل .. انا من النوع اللى بكره الوداع اساسا .. انا مش من النوع اللى بيدور على مزة .. انا ابحث عن شريك .. فى ناس كتيرة ممكن تظهر فى حياتك .. فيهم حد واحد بس .. عايز يكون شريكك .. وانت كمان عايزه !! اذا كان فى حد من حقه يفرح باللى حصل لى وحد ليه حق انى اشكره فهو كل واحد فضل مقتنع انى قادر اعمل دا .. وفضل مقتنع ان قلة كلامى مش قلة حيلة ولا ضعف .. وعرف ان الكسل شئ مؤقت مش هيدوم ..شكرا للى شجعنى اعمل حاجة حلوة .. انا بحبكم جدا .. ومش عايز اخذل حد قال انى هنفع .. ايوة انا قادر اعمل دا .. الفرق ان الناس اللى وثقت فيا زودت العزيمة والجدية ... اناعرفت ان اللى ممكن يحطم المستحيل مش بس انت عايز الهدف .. لازم الهدف كمان يكون عايزك !! 

2 اكـــــــــــــــــتب رايـــــــك:

P A S H A يقول...

الله عليك

ربنا يكرمك ويوفقك ويبارك لك ويهديك للصراط المستقيم ويفرح قلبك ويسعدك ويرزقك الزوجة الصالحة اللهم آمين

AhMeD RaDy يقول...

الله يكرمك يارب

اللهم امين .. وشكلها هانت يا باشا .. ادعيلى ادعيلى .. فى كل مرة بتدعيلى فيها بتحصلى حاجة كويس .. الكلام بجد .. دعواتكم يا شباب . وبالنسبة للزوجة الصالحة ادعى كتير ان الواحد يظبط حاله عشان يعرف يتقدم بقى :D

Copyright © 2008 - AhMeD RaDy - is proudly powered by Blogger
Blogger Template