بسم الله الرحمن الرحيم
طبعا الحياة متقلبة .. وفيها حاجات كتير جدا جدا .. بنتخلى الواحد بين امريين .. فى الغالب يعنى .. يا اما يتطور .. يا اما يتغير ..
التطور
دا بيكون لافكاره مثلا .. لدراسته ... بيكون فى اسلوب تعامله مع الناس .. يعنى بيكون لحاجات اساسا موجودة .. بس محتاج عمرة .. او اصلاح .. او شحن عشان تتلالا وتظهر وتلمع .. ودا على حد اعتقادى يعنى حاجة زى العسل .. انك تتطور للافضل
لكن المشكلة بتبقى فى التغير ... ويا اما سلبى يا اما ايجابى ... الايجابى طبعا زى الفل وكلنا بنحبه ... بس الكارثة فى السلبى
ان تلاقى التغير بقى للسئ .. بقى انك تتغير للاسواء يتحول الاحترام لاهانة .. الادب لقلة ادب ... الايجابية لسلبية .. انك من الاخر تنزل
انا ساعات بتعاطف جدا مع التغيرات السلبية .. لان ساعات من كتر الضغط على الانسان الكويس .. يعاند .. واحساسه ان الاسلوب اللى ماشى به ما ينفعش .. فيتوحش .. ويقرر انه يسلك الطريق المعاكس وتحصل الكارثة
ياريت نخلى بالنا فى انتقادا للاخريين ... ومهما كان حجم الخطا نتصرف بحكمة وحزم وقوة ... عشان نبين الغلط من الصح ...
خلى بالكم من الناس اللى بتتغير .. وساعدوا اللى بيطور ...
6 اكـــــــــــــــــتب رايـــــــك:
أول تعليق كالعادة بقى
بس المشكلة مش في كدة
المشكلة ان الواحد بيتغيير وهو مش واخد باله
زي ما بيقولوا عوامل التعرية بتأثر عليه
يا فندم .. دائما الاول فى كل شئ ..
دا .. اصعب انواع التغير فى الدنيا .. عارفة لو الانسان يتغير للاسواء بمزاجه .. او حماية لنفسه او مهما كان السبب .. على الاقل هو عارف بيعمل ايه .. وماشى ازاى .. ومهم كانت المرحلة وحشة .. هيقدر يرجع
لكن اللى بيتغير بسبب الناس .. ربنا يارب يقويه لانه بيكون مضغوط اوى اوى .. لدرجة بتخليه يتنازل عن اشياء غصب عنه .. حتى ولو كانت حلوة
وعشان كدا بتمنى ان الناس تترفق فى النقد .. لانك ممكن تجبرى حد على التغير الاضطرارى غصب عنه فتقع منه اجمل ما فيه ...
طيب والناس اللي اصلا تخاف من التغير
يعني ترفض التغير مهما كان السبب نقدر نقول عليهم ايه؟
فيه ناس تحب تغير من نفسها حسب الوضع والناس والمكان .. وناس زي ماهم فى السعوديه او فى مصر او حتى فى المريخ
الله يكون فى عون اللي ينجبروا على التغير لانهم بجد يفقدون جوانب كثيره من شخصيتهم
كلام جميل يا استاذ احمد
جميل اوى انك تتطور وتتغير كمان للايجاب
بصراحه مش بشوف ناس كتير بتتغير للسلب
بس اكيد موجودين
بس تقريبا معظم الناس بتحاول تتغير للايجاب
بس المشكله بقه الكبريه ف ايه؟
ان في بعض الناس ممكن يتغيروا للاسوا وهما شايفين ان ده الاحسن اهى دى بقه المصيبه
يلا ما علينا
سي يو
سارة اللى بتنورنى دائما
بصى بقى الناس دى .. زى ما تقولى كدا خلاص حاسس انه كداهى تمام اوى .. وبتخاف من اى محاولة للتغير لحست تقلب العكس .. وتخسر ..من الاخر خايفيين
ايوة انا معاكى .. بس دا اسمه تاقلم بيتاقلم على الوضع اللى هو فيه .. ودا كويس لان لكل مكان عاداته واسلوبه ...
اما الناس اللى بينجبروا على التغير .. فعلا والله ربنا يكون فى عونهم يارب ..الناس دى بتقع تحت ضغط نفسى رهيب .. يارب ما تحت يحصله حاجة وحشة يارب
لا غروب هنا .. مش مصدق نفسى !!!! يا هلا يا هلا
بصى يا استاذة غروب
الناس للى بتقول كدا هى الناس اللى خلاص .. زهقت وحاسة ان الاسلوب اللى ماشية به وحش ... يعنى مثلا يكون طيب .. فيلاقى الناس بتستعبطه ..يقلب على الساحرة الشريرة والمائشة على طول.. بالنسبة له دى الاحسن لان دا بيحميه من استعباط الناس ليه ...!!
فاهو بيشوف ان دا الاحسن ... ودا السبب فيه حاجات كترة كفاية اقولك .. اللى حواليه اول المسؤاليين عن دا .. الاب والام والاخوات والاصدقاء الحقيقيين
لان لو حد من دول واخد باله .. هينبه من بدرى من قبل ما يقع تحت ضغط التغيير للاسواء .. الامور فى بدايتها بتكون سهلة الحل الاهم نلحق بسرعة وقوام
see u too
إرسال تعليق