شوية على جنب

بسم الله الرحمن الرحيم

لما يكون كل شئ حواليك حزين . مكتئب .. زعلان ..! لما تمر باصعب ظروف قاسية ...!

لما تكون حياتك اصلب من الفلاز .. قاسية وكلها قسوة ... ! بتنعزل وتبعد عن اى حياة ...! بتعيش فى اللامكان .....! تايه وسط كل غيوم الحزن والالم ..

لما وسط كل الالم الحياة .. بدور على اى شئ يخليك تتنفس .. وما تقدرش ... لما بيقرب منك الموت 100 مرة ... لما بيبقى خلاص احساسك باى طموح بيودع ويحتضر ..

بيفضل سؤال دايما محيرنى .. قاتلنى ... انا متفائل ليه ..؟؟ كنت فاكر ان التفائل دا لان اللى بمر بيه حاجات عبيطة وتافهة ... لكن كان اول مرة يدخل تفائلى فى اختبار صعب بجد ... .. فجاة .. تلاقى ان اللى حواليك بيبكوا من شدة الالم .. وانت واقف متفائل .. لسه جملة بكرة اكيد احلى بتتردد وكانها جزء منى .. مش عايزة تسبنى ...؟؟؟ اليائس اللى كان بينحت فى اجساد الرفاق .. خد كتير منهم ... هربوا .. ما قدروش كان اليائس بشدة المه اقوى الف مليار مرة منهم ... وهربوا ..!!

مش عارف ليه كله متلخبط وداخل فى بعضه .. مشاعرى واحاسيسى

انا دلوقتى بسمع اغنية اسمها حاضر ... لمحمود العسيلى ... حتى والله مش عارف ايه اللى جاب اللى انا بقوله لكلمات الاغنية .. بس يمكن عشان المود كله نكد ...!! يمكن

طول عمر حياتك مشغوله ومليانه بالناس ... عشان اقرب باى صوره دا بالنسبالى انجاز ...... قدرت اوصلك رغم كل الناس اللى بيحاوطوكى .... وخليتك تحبينى .... يا خساره زى اخوكى ... وكان صعب عليا اخسرك .....لما اصارحك بالحقيقه .....وكان صعب اللى بنيتو فى سنين يروح فى دقيقه ...... حاضر هغنيلك فى فرحك اليله دى بقولهالك ...... من امته قدرت ارفضلك طلب حتى نجوم السما ...... حاولت اجيبهالك .... وانا ايه يهمنى فى الدنيا دى الا اشوف فرحتك او انى اشيل دمعتك ...... وازاى اطلب منك انك تحسى بيا وانا عمرى ما قلتلك ...... بحبك


تعرفوا ايه اللى حارق دمى دلوقتى ... انى برده لسه حاسس انها هتحلو وتروق اوى .. انا تقريبا اتجنينت

بس والله بجد مش عارف مالى كدا لسه احساس حلو جوايا انه بكرة كل شئ هيبقى احلى بكتيـــــــر

والحالة دى هتعدى وهنسها يلا بقى ... نكد عليكم شوية معلش

Copyright © 2008 - AhMeD RaDy - is proudly powered by Blogger
Blogger Template